🎀كوني أنثي🎀

2023-03-12 21:08:56 باز کردن / نظر دهید

2023-03-09 21:02:08 ‏مقطع صوتي من الملكة سما باز کردن / نظر دهید

2023-03-09 21:00:09 ريلاكس 3
الMood
تقلب المزاج مشكلة كبيرة بتواجه النساء بنسبة اكبر من غيرهم..
يعني ايه تقلب المزاج وليه بيحصل وازاي احل المشكلة دي...؟
ده اللي هنعرفه مع بعض ف البوست ده
خلونا نوضح الأول ازاي اعرف اني شخص مزاجي او متقلبه المزاج او مودي... ايا كانت المسميات
الشخص اللي عنده المشكلة دي ممكن يبقى سعيد جداً في وقت وفاجأة وبدون مقدمات يحس انه تعيس وعاوز يعيط...
ممكن يبقى هادي وحاسس بروقان وفاجأة متعصب جدا وزهقان..
وهكذا من حالات شعورية غير منضبطة

طيب ايه الأسباب؟
طبعا معرفة السبب مهمه جدا علشان هتخلينا نعرف كيفية التعامل مع هذه المشكلة
1- اضراب الهرمونات
يعني حضرتك قبل الدورة الشهرية او بعدها او في فترة انقطاع الحيض او في مرحلة البلوغ او فترة الحمل...
بتلاحظي في الاوقات دي تغير كبير ولخبطة في مزاجك..

2- التعب والإجهاد
لو انت متعبه بدنيا او ذهنيا او حاسه بضغط واقع عليك ده هيأثر على مزاجك بشكل ملحوظ
(هنتكلم عن الضغوطات في بوست قادم بالتفصيل ان شاءالله)
3- اختلاف المواسم
في ناس مزاجها بيتأثر في موسم عن موسم اخر يعني في ناس مزاجها في الشتاء مثلا بيبقى متقلب بصورة اكبر من الصيف وفي ناس العكس... مهم انك تعرفي مزاجك بيتأثر من ايه..

4- اضطراب الانسولين (مستوى السكر)
لو نسبة السكر في الدم ارتفعت او انخفضت بشكل غير طبيعي ده بيؤدي الى تقلب مفاجئ في المزاج..

في اسباب تانية مرضية بس انا هكتفي بالأربع اسباب دول لانهم هما الشائعين...

مهم اوي تعرفي الاسباب وتحدديها علشان تقدري تكوني دعم لنفسك في الفترة دي وتتبعي الحلول المناسبة اللي هنتكلم عنها...

قبل ما نتكلم عن حل المشكلة عاوزاك تعرفي ان الشخص المزاجي ده بيكون حساس جدا اتجاه اي موقف او حدث.. حتى لو الحدث ده مش خاص بيه يعني ممكن واحده صاحبتك تحكي لك مشكلتها فتلاقي نفسك اتأثرتي ومزاجك اتغير تماماً... او ممكن تشوفي حدث على السوشيال ميديا فيأثر على مودك طول النهار...

تعالوا نشوف الحلول
اولا: الحد من وقت المزاج المتقلب..
مهم تحددي الوقت اللي مزاجك فيه متقلب وتحاولي تفكري في اشياء جميلة ومواقف حلوه عيشتيها علشان نحد من الوقت ده -يعني- انا حاليا مودي مش حلو خلاص هتصل بصديقة ليا... اخرج اعمل حاجه بحبها.. ارسم... اعمل اي نشاط بحبه علشان احد من الوقت اللي بيكون فيه مزاجي مش تمام

ثانيا: اوعي تتشحني
ازاي انا لسه قايلالك انك شخصية حساسة بتتأثر من الاشياء حواليها... فخليكي مركزة دايما انت بتابعي ايه وابتعدي عن المؤثرات اللي ممكن تأثر عليك سلبا قدر الإمكان...
وخليكي منتبهه كمان لطريقة افكارك لانها ممكن تكون بتشحنك بردو وانت مش واخده بالك...

ثالثا: الأكل الصحي والرياضة
دي من العوامل اللي هتفرق معاك جدا في ضبط مزاجك وهيظبطوا كمان مستوى الانسولين اللي اتكلمنا عنها...

رابعا: الروتين
ابتعدي تماما عن الحياة الروتينية... حاولي تنوعي نشاطاتك وتغيري وتنجزي وتحققي اهداف وتتعلمي حاجات جديدة لانك لو حسيتي برتابه في يومك هيأثر اوي على مزاجك...

بس كده دي اهم الطرق اللي ممكن ببساطة تساعدك على ضبط مزاجك...
ده هيساعدك انك تعرفي نفسك اكثر وتعرفي ازاي تتحكمي فيها وازاي تتعاملي في الوقت اللي مزاجك فيه متقلب بدون ما تلجأي للانفعال السلبي على الاشخاص اللي حواليك...

اشوفكم على خير
مي محمود


نسمح بإعادة الإرسال مع الاحتفاظ بجميع حقوقنا أسفل كل موضوع

جروبات التميز
*كوني أنثي*

بقيادة المدربة

*أ.مي محمود*

*ماجستير صحة نفسية*


للإشتراك *واتس اب*
الرقم
*00201128497494*

كوني انثي
*فيس بوك *
https://www.facebook.com/groups/986982618000858/

كوني انثي
*تليجرام *
https://t.me/connieansa

كوني أنثي
*انستقرام *
http://instagram.com/connieansa

إدارة كوني أنثى
تتمنى لكم الفائدة والمتعة

#ادمن باز کردن / نظر دهید

2023-03-09 21:00:09 باز کردن / نظر دهید

2023-03-07 20:56:01 ريلاكس 2
اتكلمنا المره اللي فاتت عن ضبط الإنفعال بشكل عام والمره دي عاوزين نعمل spot light ونتكلم عن سبب رئيسي وراء انفعالي ده

ايوه بالظبط كده مش بالضرورة يكون السبب مباشر يعني ايه الكلام ده

فاكرين المثال بتاع المره اللي فاتت الخاص بالاولاد ولعبهم
مش بالضرورة يكون انفعالك بسببهم اصلا

الأولاد فقط كانوا محفز إن العصبية اللي جواك تخرج والسبب الخفي هو ان دماغك مرهقة بالتفكير المفر ال overthinking

ايه هو الoverthinking ده؟
هو انك بتفضلي تفكري كثييير جدا طول الوقت دماغك شغالة مش بتفصل
وده طبعا بيستنزفك... ويستنزف طاقتك.. ومجهودك.. ويشتت تركيزك ويزود التوتر عندك ويحسسك انك تايهه في الدنيا ماعندكيش cntrol في مشاعرك وانفعالاتك...
وده طبعا واحد من اسباب ال depression اللي ممكن تحسي بها....

طيب ايه الحل؟
اولا: انت مش محور الكون

لو لاحظت نمط تفكيرك المفرط هتلاقي ان معظم الافكار بتدور حول الاخرين - يا ترى فلانه بتفكر فيا ازاي - ياترى اقتنعت باللي قولته - يا ترى زعلت من اللي عملته - يا ترى فهموني يا ترى حبوني.... وهكذا.

للأسف اغلبنا بيعتمد على الآخرين لتأكيد تقديرنا لذاتنا ولكن الحقيقة ان الناس مش بيفكروا فيك ربع تفكيرهم في نفسهم...
لازم لما تلاقي الافكار من هذا النوع بدأت تسيطر عليك تذكري نفسك انك مش محور الكون والموقف اللي شاغل دماغك وعمال يستنزف طاقتك هو مجرد موقف مر وانتهى بالنسبة لهم...
يمكنك تبديل الاسئلة التي تدور في دماغك الى اسئلة تدفعك الى الامام اكثر وتخدم اهدافك وطموحاتك... جربي الطريقة هتفيدك جدااا للحد من التفكير المفرط..

ثانيا: اخرجي من مثلث الدراما
اسهل حاجه الإنسان ممكن يعملها انه يسترسل في الافكار السلبية.. لو لاحظت اغلب اللي بتفكري فيه هتلاقيه تفكير من نوع هما السبب في اللي حصلي- الدنيا بقت صعبة والظروف قاسية والغلاء والمعيشة وهلم جرا...
طيب لو ممكن توقفي لحظة وتسألي نفسك وبعدين هل تفكيرك ده هيشيل عنك الهم والحمل وهيريح العالم والبشرية؟؟
الحقيقة انك عماله تزودي الطين بله وتتعبي نفسك بأفكار مش هتفيد..

اول ما تحسي ان دماغك شغالة بالنوع ده من الافكار هاتي ورقه وقلم وواجهي افكارك دي بأفكار واسئلة تقودك للنجاح وتحل مشكلتك.. زي مثلا ايه الخطوات اللي هعملها الفترة دي وهركز عليها علشان اتطور في الجانب المادي او الثقافي او اي حاجه شاغله بالك...؟

انت كده بتعلمي نفسك تشغلي فكرك بطريقة صحيحه ومع الوقت هتلاقي نفسك انت المتحكمة في الأمر.

ثالثا: حددي وقت للتفكير
احنا اتفقنا من خلال النقاط السابقة اننا هنعالج افكارنا لكن لو تركنا الامر بدون تحديد وقت محدد لعملية التفكير هتلاقي نفسك طوال الوقت قاعده بتفكري وما زالت مشكلة فرط التفكير قائمة

وده احنا مش عاوزينه عودي نفسك انك لما تيجي تفكري تجيبي ورقه وقلم وتحطي وقت وليكن 10 دقائق مثلا لترتيب افكارك واولوياتك واهتماماتك وفقط...

اخيرا: اشغلي وقتك
وقت الفراغ من اكتر العوامل اللي بتسمح للعقل انه يشتغل بطريقة غير صحيه...
لو وقتك مشغول بعمل هادف ومفيد هتلاقي التفكير المفرط قل بشكل كبير جدا فاحرصي دايما انك تشغلي وقتك بأشياء مفيدة...

وما تنسيش اهم حاجه انك تدعي ربنا انه يرزقك الهدوء وراحة البال والسكينة

دمتم بخير
#ريلاكس
#stop_overthinking
#التفكير_الصحيح
#مي_محمود


نسمح بإعادة الإرسال مع الاحتفاظ بجميع حقوقنا أسفل كل موضوع

جروبات التميز
*كوني أنثي*

بقيادة المدربة

*أ.مي محمود*

*ماجستير صحة نفسية*


للإشتراك *واتس اب*
الرقم
*00201128497494*

كوني انثي
*فيس بوك *
https://www.facebook.com/groups/986982618000858/

كوني انثي
*تليجرام *
https://t.me/connieansa

كوني أنثي
*انستقرام *
http://instagram.com/connieansa

إدارة كوني أنثى
تتمنى لكم الفائدة والمتعة

#ادمن باز کردن / نظر دهید

2023-03-07 20:55:57 باز کردن / نظر دهید

2023-03-05 20:55:25 ‏مقطع صوتي من الملكة سما باز کردن / نظر دهید

2023-03-05 20:51:31 #ريلاكس1
تخيلي كده معايا ان ابنك او بنتك بيبهدلوا الدنيا حواليكي بلعبهم وصوتهم العالي وانت بتكلميهم بكل لطف وهدوء وتقولي لهم يلا يا شطار علشان لما تخلصوا لعب هترجعوا كل حاجة مكانها بشكل منظم تاني(بدون ما تتعصبي ولا صوتك يبقى عالي)

استني بس انا مش بهزر والله انا بتكلم بجد جدا ومش بقولك لوحدك انا بقول لنفسي معاكِ سواء في الموقف الظريف اللي ذكرته ده (حلم امهات كثيره) او غيره من المواقف اللي بنتصرف فيها بإنفعال خاطئ...
والغريب ان الإنفعال اللي بعمله ده مش بيوصلني لنتيجة والاغرب ان كل مره بتصرف بنفس الشكل!!!

طيب عاوزين نحلل مع بعض الموقف المذكور ده كمثال وقيسي عليه اي موقف اخر بنفس الطريقة...

الحدث... ان الاولاد بيلعبوا ويبهدلوا ويكركبوا...
الانفعال... الغضب
السلوك.... العصبية
النتيجة... لا شئ.. ونفس الموقف بيتكرر بشكل يومي واكثر من مره على مدار اليوم كمان

طيب ازاي «اضبط انفعالاتي واتحكم فيها»

علشان ده يحصل لازم يكون عندنا وعي بانفعالتنا..
هتقوليلي ايه اللي دخل الوعي هنا

هقولك يا حبييتي..
احنا اتعودنا على انفعالات وبقينا بنعملها بشكل لاواعي
يعني مجرد ما الحدث يحصل انفعل بنفس الطريقة في كل مره...

فأول step معانا في قضية ضبط الإنفعال هو "التركيز"
خليكي مركزه في الإنفعال

طيب الخطوة الثانية هي (10 ثوان)
ايوه اعطي لنفسك فرصة بعد اي حدث 10 ثوان بس تفكري فيهم انت هتتصرفي ازاي

يعني فلان غلط فيا قبل ما ارد عليه الغلط بدون وعي هركز واعطي لنفسي 10 ثوان فقط افكر هتصرف ازاي ارد عليه ولا هتعامل برد فعل افضل...
طيب نرجع للمثال بتاعنا الاولاد بهدلوا الدنيا طيب انفعل عليهم ولا اوجههم للصواب... اختاري انت وكوني واعية بانفعالاتك

ودلوقتي في انتظار مشاركتكم
اكتبولي اكثر موقف نفسكم تظبطوا انفعالاتكم فيه
وايه الخطوات اللي هتعمليها

ملحوظة مشاركتك معايا مهمه جدا علشان الدورة تكون تفاعلية وتعم الفائدة بشكل اكبر... وايضا تفاعلك هيجعلك من الفائزات معنا في المسابقة

#من_هنا_نبدأ_التغيير
#ضبط_الإنفعال
#ريلاكس

مي_محمود


نسمح بإعادة الإرسال مع الاحتفاظ بجميع حقوقنا أسفل كل موضوع

جروبات التميز
*كوني أنثي*

بقيادة المدربة

*أ.مي محمود*

*ماجستير صحة نفسية*


للإشتراك *واتس اب*
الرقم
*00201128497494*

كوني انثي
*فيس بوك *
https://www.facebook.com/groups/986982618000858/

كوني انثي
*تليجرام *
https://t.me/connieansa

كوني أنثي
*انستقرام *
http://instagram.com/connieansa

إدارة كوني أنثى
تتمنى لكم الفائدة والمتعة

#ادمن باز کردن / نظر دهید

2023-03-05 20:51:28 باز کردن / نظر دهید

2023-03-05 01:06:50 *مسااااابقة *

انا بفكر دايما ليه المحتوى المجاني مش بيترك اثر قوي مع الناس زي المحتوى المدفوع...
وده طبعا بيحصل لأن اغلب الناس بتتابع المحتوى المجاني بدون إلتزام كافي في التطبيق عكس ما بيحصل في المحتوى المدفوع...
الاغلب بيقرأ ويتأثر ويعجب بس بدون تطبيق جيد

علشان كده فكرت اعمل لكم مسابقة لطيفه تشجعكم تتابعوا الكورس بتاعنا #ريلاكس بصورة اعمق...
في نهاية الكورس هيكون في 3 فائزات معانا
الفائزة الاولى هتحصل على كورس مدفوع مجانا تماما..

الفائزة الثانية هتختار بين إستشارة مجانية او تحضر كورس مدفوع بنصف الثمن..

الفائزة الثالثة هتحصل على استشارة معايا مجانية...

طيب جميل ايه شروط المسابقة؟

التفاعل ومشاركة تطبيقك في التعليقات على جميع اجزاء الدورة...
اعملي منشن لخمسة من اصحابك علشان يستفيدوا معاك بالكورس..
بعد انتهاء الكورس لو استفدتي فعلا اكتبي لنا ريفيو حلو على الصفحة....
بس كده...
ملحوظة
الدورة هتكون 6 اجزاء فقط
هتنزل يوم الأحد والثلاثاء والخميس الساعة 8 مساء

التفاعل والمشاركة على صفحة الفيس بوك
https://www.facebook.com/profile.php?id=100076161404235&mibextid=ZbWKwL

ملحوظة كمان
المقدمة نزلت وفيها اول تطبيق احرصي انك تشاركي معانا فيه...
اشوفكم بكره على خير الساعة 8 مع بداية دورة #ريلاكس
بحبكم
واتمنى لكم الفائدة من اعماق قلبي باز کردن / نظر دهید