١٠ حقائق صادمة عن طفل ما قبل المدرسة اقصد بيه العمر بين سنه ال | إستشارة طبية
١٠ حقائق صادمة عن طفل ما قبل المدرسة اقصد بيه العمر بين سنه الى ٥ سنوات ١. يصير عنده انفجار الكلمات حرفيا فبعمر سنه يحجي كلمه وحده و بعمر سنتين يحجي من ١٥٠ الى ٣٠٠ كلمه !!!! طبعا هذا في اغلب الحالات اكو حالات اقل من هيجي ٢. يفتهم الكلمات اكثر مما يحجيها احيانا الطفل بهذا العمر يفتهم الكثير الكثير من الكلمات بس رغم هذا يتكلم بكلمات اقل من اللي يفتهمها ٣. يستخدمون ايديهم الاثنين اي بعدهم ما مبينين يسراويين او يمناويين تحديد اليسار او اليمين يصير بعمر ٣ سنه ٤. نمو الدماغ مالتهم جدا سريع و هو اكثر فتره يصير بيها نمو للدماغ من الولاده الى عمر ٣ سنه لذلك لا تصدموه بالتلفزيون و الموبايل ياثر جدا على تطوره منظمه الصحه العالميه تكول الى عمر سنتين و بعدها ساعه وحده الى عمر ٥ سنوات و الامريكان و عبر الجمعية الامريكيه لطب الاطفال تكول ماكو تلفزيون الى عمر ١٨ شهر ٥. يتحركون يتحركون يتحركون يتحركون يتحركون بالمعدل يتحركون اكثر من اي وقت بعمرهم بالمعدل يتحرك ٢٣٦٧ خطوه بالساعه !!!! و يوكع كومه تقريبا ١٧ مرة بالساعه ٦. يسمعون احسن مما نسمع ٧. على الرغم من توقعاتنا انه نومهم قليل الا انهم ينامون اكثر مننا لو حسبنا نوماتهم القليله الصباحيه ٨. باوع على ايديهم و هي مسدوده هذا هو حجم معدتهم !!!! لهذا هو ياكل قليل ٩. يعانون من فقدان الذاكره ههههه اي فعلا ما يتذكرون هوايه ١٠. يكدر يحسب حتى قبل ما يحجي !!! اي انه يعرف الاكبر و الاصغر حتى قبل ما يبدي يتكلم
