المشمش فاكهه الصيف المشهوره موقفها بالنسبه للاطفال؟ المشمش ممكن اعطاؤه للاطفال بعمر ٦ اشهر و حتى قبلها اصلا وزاره الزراعه الامريكيه توصي انه الاطفال ياكلون مشمش لان بيه فيتامين A المهم المشمش جيد و سهل التحضير بس اهم شي يكون ناضج المشمش موجود بشكل طازج و مجفف و معلب فوائده للطفل؟ 1. بيه نسبه ماء جدا عاليه لذلك يروي الطفل و خصوصا الاطفال اللي ما يحبون الماء 2. غني جدا بالطاقه و السكريات و الالياف و الفيتامينات 3. مسهل طبيعي و بالاخص النوعيه المجففه و طريقه تحضيره سهله مجرد نضيف ماء فاتر عليه و نتركه و بعد ساعتين ننطيه للطفل 4. يغير تركيب بطانه الامعاء و البكتريا الحميده اللي بيه باكثر من دراسه 5. يعزز المناعه لاحتوائه على مضادات الاكسده و مضادات الالتهاب و اكو دراسه على الكبار انه باستخدام زيت المشمش زادت المناعه بس ما مثبت هالشي على الاطفال 6. صديق للقلب و يحمي القلب و بيه ماده اسمها كومارك اسيد تحمي القلب بس طبعا مثل ما دائما اكول ماكو شي بدون اعراض جانبيه !!! اعراضه الجانبيه؟ 1. ياذي البطن و ممكن يسوي غازات و قيء و اسهال اذا تم تناول كميات كبيره منه 2. حساسيه المشمش جدا وارده و عندي يمكن ٧ او ٨ مراجعين عدهم هذا التحسس فهو نوعا ما شائع . . شون اختار المشمش؟ الناضج و المجفف هم الافضل للطفل و نبتعد جدا عن المشمش الغير ناضج لاحتواءه على ماده سامه للاطفال بالطب الصيني تم استخدام المشمش كمضاد للالتهاب و خافض حراره و مضاد للديدان و حسب العديد من الدراسات فهو مضاد للاكسده و مضاد للسرطان لا ننسى انه هذا ما يجي من مره وحده و ما يجي بالكثره فيوميا ٣ الى٤ ثمرات كلش كافي
