التحويل الى الحليب بعد السنه ! على الرغم و قبل ما ابدي بالبوس | إستشارة طبية
التحويل الى الحليب بعد السنه ! على الرغم و قبل ما ابدي بالبوست انه بعد عمر سنه الاهم ان الطفل يتناول وجباته الرئيسيه فهذا الشي كافي و يبقى الحليب شي ثانوي شي ثانوي بالنسبه للاكل فكوب او كوبين من الحليب او مشتقاته هو كل ما يحتاجه طفلك الطفل بالمعدل بعد عمر سنة يكفيه حصتين من الحليب او مشتقاته مثلا كوب حليب و كاسة لبن او كاسة لبن او قطعتين جبن هذه باليوم نجي للجزء الاهم التحويل من حليب الرضع الى حليب الابقار الكامل الدسم الامهات اللي يرضعون طبيعي و يحبون يستمرون بالرضاعه الطبيعيه بعد عمر السنه ماكو داعي لاضافه الحليب حليبك كافي و مغذي و ما يحتاجه الطفل قدمي لطفلك الاكل الضروري الغني بالحديد و عادي تكدرين تنطيه لبن او جبن بس مو شرط ابدا حليب الامهات اللي يرضعون صناعي هنا اكيد القياس راح يكون بالكوب مو بالمميه ابدي ببطء و رويه اكو طريقه اشوفها فعاله و هي ان التحويل ياخذ شهر كامل شون يعني؟ اول اسبوع ننطي ربع الكميه من الحليب ما بعد السنه و ٣ ارباع الكميه من حليبه العادي ثاني اسبوع نصف الكميه حليب بقري كامل الدسم و نصفه الاخر حليب الرضع العادي ثالث اسبوع ثلاثه ارباع الكميه من الحليب البقري و ربعها من حليبه للرضع العادي الاسبوع الرابع من الحليب العادي ما بعد عمر السنه احسن نوع حليب ؟ بعد السنه خلص اي نوع حليب ما ياثر اهم شي حليب يناسب جيبك لان مو مهم الاكل اهم انت الله مفضل عليك و تريد افضل حليب بقري شنو انطي ؟ الحليب نفسه اللي كنت عليه باول سنه كمل عليه بعدها يعني طفلك كان على حليب بقره لاك 1 و بعد 180 يوم حولته على حليب بقرة لاك 2 و من يوصل سنه حوله على حليب بقرة لاك 3 ببساطه ما احوله على فلان حليب احنا متعودين على فلان حليب ؟ ما يفرق شي اهم شي الاكل هسه عادي تكدر تنطيه فلان حليب ما اكدر افطم لان عندي جهال هوايه و ما متفرغه و حامل شاسوي ؟ افطمي و انطي حليب بالكوب كم مره انطي حليب باليوم؟ مرتين ببدايه السنه و بنهايه السنه مرة وحده اكو طريقه تحضير معينه؟ اي اقري العلبه نيدو مثلا يحضر انه ٧ ارقام و نص يخلون بيه ٦ ملاعق حليب الاكياس يحضر انه الكوب يخلون بيه ٣ ملاعق شنو اللي اتوقعه من تغييرات بعد التحويل لحليب ما بعد عمر السنه ؟ امساك او اسهال بس الاغلب اسهال خروج مخاطي و الكثير من الغازات بدياشور و ايفوشور و كومبليت و برايمشور و نستله ريسورس جونيور ؟ مكملات غذائيه افضل يوصفها الك طبيبك اذا يحتاجها طفلك عداها هي مكملات غذائيه تكمل الاكل الناقص و ما يصير تؤخذ اكثر من مرتان يوميا تنصح شي بعد عمر سنه؟ خلي الحديد بين عيونكم اهم شي تنطون الطفل اكل غني بالحديد لان فقر الدم عدنا هوايه اكثر بكثير من نقص الكالسيوم و فيتامين دي
