خطوات النوم للرضع هذا البوست يتكلم عن كيفيه ترتيب النوم للرضع | إستشارة طبية
خطوات النوم للرضع هذا البوست يتكلم عن كيفيه ترتيب النوم للرضع كل الليل بخطوات مرتبه امينه و مخطط لها ! ممكن انت تقرين هذا البوست و هذه السطور لان عندك طفل ما ينام و عندك مشاكل بالنوم و انت تردين تنامين ممكن انت هدفك هسه هو أن ينام طفلك الليل كله بهدوء و رويه كلنا مرينا بيها كلها و كلنا صعب علينا نوم الطفل و خصوصا اول ايام بس بالروتين و التنظيم تصبح الامور اسهل و اسهل خلينا نخلي الهدف ! ان ينام الطفل الليل بطوله هذا الهدف ممكن يتحقق باي عمر و حققته باولادي خلال اول فتره و هوايه حققوه باول فتره بس أريدك تعرفين انه 70 بالميه من الاطفال ينامون الليل بطوله من دون رضاعه لمده ٨ ساعات ! اي اعرف انت مصدومه بس اعرف الاف الاطفال ينامون الليل بطوله من عمر ٦ اسابيع و هم اطفال بصحه جيده ممكن اي يتأخر الطفل لغايه ٦ اشهر يلا ينام ال ٨ ساعات بلا انقطاع اخر معلومه أريدك تعرفيها قبل ما نروح لخطوات النوم و تعليمه اي ممكن للاطفال اللي يرضعون طبيعي ينامون الليل بطوله بنفس معدلات الرضاعه الصناعيه هل واجهت مشاكل مع نوم اطفالك ؟ لو بس اني أواجه هذه المشاكل ؟ طبعا واجهت ايام التسنين و ايام المرض و الطفله الاخيره صار عدها بعض المغص اللي استعدل على قطرات البروبايوتك و حسن نومتها لذلك مو بس انت تعانين الكل عانى في مرحله ما يلا نرتب اول خطوات النوم : اول نقطه الكماط الكماط يضمن نومه هانئه الكماط يخليه يتخلص من الفزه اللي تمنعه من النوم اهم شي اريده هو كماط صحيح امين يترك الساقين حره و يشمل فقط اليدين الخطوه الثانيه لنوم وفير هي اتباع خطه رضاعه ثم لعب ثم نوم ابعدي الرضاعه عن النوم راح تخليه يتعلم ينوم نفسه بنفسه لا تتوترين اذا ما تمت اول ايام بس اصبري على تنفيذ هذه الخطه احرصي على ان يحصل طفلك الحليب و الكثير من الحليب بين ٧ صباحا و ٧ مساءا اي ادري تردين تنامين للعشره بس صدكيني الطفل اللي يستقيظ مبكرا من اول أيامه راح يظل ينام مبكرا كعدي طفلك و اوقظيه مو شرط ترضعيه بس اذا راد رضاعه ارضعيه اوقظيه و خلي الاغفائات قصيره راقبي النوم من ٧ مساءا إلى ٧ صباحا نريده ينام زين لا تكعديه للرضاعه الا تمر ٤ ساعات للرضاعه بأول اسبوعين بعدها لا تكعديه ابدا و اتركيه يكمل نومته ليلا وقت النهار يعني نهار يعني شمس و ضوء و ضوضاء و نوم بالشمس و نومه قلقه مزعجه من اول يوم حتى يتعزز عنده شعور النوم روتين النوم مهم و ابدي بظلام خفيف مع العصر و عززي الظلام و ملابس النوم و كل شيء يخص النوم مثل الضوضاء البيضاء مهمه البكتريا النافعه مثل ما كتبتلكم مكمل غذائي غير الحياه للرضع اكثر من تجربه علميه تكول انه يحسن المزاج و انطيه ويه اول رضعه من الصبح اسألي طبيبك عنها ممكن يوصفلك النوع اللي يثق بيه و ما دام ماكو تعارض ويه الحاله الصحيه لطفلك اني اثق بقطرات اوبتيباك ميزي علامات النوم و اول ما ينعس خليه ينام بس لا تخلين الاغفاءة تطول بالفتره من ٧ صباحا إلى ٧ مساءا الرضاعه الليله يعني طفلك و هو نايم ترضعيه تزيد النوم اي بس اني جدا ضدها لان راح تخلي الطفل فقط يرضع ليلا و ما سوينا شي لان نريد نعلمه ع النوم مو على الرضاعه ليلا تأكدي من الاعتام التام ليلا ظلمه ظلمه ظلمه ظلمه جدا لا تركضين لطفلك اول ما يكول احم أحيانا طفلك ما يريد يكعد بس من ترحين عليه راح يكعد و تخربين نومته عزيزي الاب وقت اللعب نهارا فقط اللعب ليلا ممنوع بالأخص مع الاطفال الصغار حرامات تخرب اللي دا نحجي بيه حاولي ان تضعي صغيرك في فراشه نعسان مو نايم و هذه خطوه تحتاج الكثير اتمنى يفيدكم البوست
