شنو افضل شي أقدمه لطفلي بعد الحب ؟ همممممم التعليم بمدرسه د | إستشارة طبية
شنو افضل شي أقدمه لطفلي بعد الحب ؟ همممممم التعليم بمدرسه دوليه ؟ ممكن اجيبله احسن حليب و احسن حفاظات و احسن غرفه نوم و احسن العاب ؟ كلشي ما تسوي هاي غير تطلع طفل غير راضي عن أي شيء و كل شي اوديه سفره لتركيا؟ و بعدين راح ترجع بس وصلت تقريبا سولف دكتور شنو أكدر أقدمه لطفلي بعد الحب ؟ الطلعه تحجي صدك ؟ هذا المهم ؟ اي نعم تغيير الجو و الطلعه للاطفال ضروريه من أي يوم مهمه ؟ من اول يوم مهمه تغيير الجو و الخروج خارج المنزل ضروري و النفس و الاختلاط ؟ مو شرط نختلط مكان مفتوح حديقه عامه نادي بستان مو الا اوديه لمكان مغلق و هم اصلا ما يعتبر طلعه تغيير الجو مو شرط بملاعيب و صرف فلوس حديقه بالمنطقه كافي عليه عمي روح جيب صمون بالف وياه هم نعمه الله و اذا تكدر تطع طفلك الصبح هم ليش لا خليه يغير جو زين كل شكد ؟ يوميه اذا تكدر بس اني اشتغل دكتور و الله ما أكدر؟ وره ما تخلص شغل و اذا تكدر الأم تطلع الطفل ليش لا انطيها الحريه بس حالتي الماديه مو زينه دكتور شون و الطلعه يرادلها فلوس ؟ كلشي ما تحتاج بس اطلع و غير جو و اخذ لفات من البيت وياك و برد الشتا؟ هو بالعراق اكو شتاء كول يا الله اطلع و غير جو و الصيف ؟ روح للمول راح يكون مبرد و الواجبات للي عدهم مدارس ؟ عادي يحلوها الظهر من يرجعون من المدرسه و شنو ناكل بره ؟ اخذ اكلك وياك و عوف المطاعم و اخذي وياك حب عين الشمس و كرز حب بربع غيروا جو لاطفالكم و شوفوا الفرق و راح تشوفون الفرق الكبير بنفسيتهم العيال صايرين منغلقين ما يحجون و مشاكلهم النفسيه بلا حدود بسبب الانغلاق و بيوتنا اللي ما بيها منفذ شمس الله يحفظكم و أولادكم د. سيف سمير البياتي اخصائي طب الاطفال
