تناقض ! بالخطوبه يكولون نتزوج و نتعرف على بعض و نتونس و بعدين | إستشارة طبية
تناقض ! بالخطوبه يكولون نتزوج و نتعرف على بعض و نتونس و بعدين نسوي اطفال وراها يستعجلون و يراجعون وره ٣ اشهر اذا ما صار حمل تتعب بالحمل و بعدين من تجيب تسهر و ما تنام و بعدين تكول اوووف لو باقيه ببطني احسن تخاف اذا تاخر وليدها ما يمشي و عمره ١٧ شهر و من يمشي تتملل من التعب و الركض وره الولد تخاف و تضوج لان بعده ما كال بابا او ماما و بعدين تزهق و تعصب اذا ظل يكول ماما ماما ماما ماما و من تجاوبه ها يكولها نسيت شنو اريد ! و تظل الام تشكي من التعب و بعدين تشكي من التسنين و بعدين تشكي من الحركه و من العناد و من الدراسه و من التدريس اي ادري انت ما تنامين طول الليل و تركضين طول النهار و راسك يوجعك من التدريس و راح تموتين من قهر التربيه
الامومه مليانه صعوبات بس متعه الامومه ان تستمتعي بكل لحظه بيها و ان تعيشيها بجد و ان تشوفين الجزء الايجابي من هذه التجربه لان راح تتعلمين هوايه الامومه اي و الله صعبه ! د. سيف سمير البياتي اخصائي طب الاطفال