10 معلومات حول الرضاعه الطبيعيه احب احدثها : 1. لازم تبقين تر | إستشارة طبية
10 معلومات حول الرضاعه الطبيعيه احب احدثها : 1. لازم تبقين ترضعين لفتره نص ساعة او ربع ساعه او لساعه !! ابدا المعلومه تكول انه الطفل ممكن يرضع 10 دقايق و يكون الطفل وزنه زين و عدد مرات الادرار جيده و عدد مرات الخروج متكرره اعرف اطفال يرضعون لمده دقيقتين وزنهم احسن من اطفال يرضعون ساعه 2. الحلمه الصناعيه سيئه ! ابدا خطا كبير و نجحت الرضاعه الطبيعيه عند الكثير من الامهات 3. الرضاعه كل ساعتين او ٣ ساعات او ٤ ساعات المبدا اللي يشجعه الكثير من اخصائي الاطفال و اخصائي الرضاعه الطبيعيه حول العالم ابدا و خطا ابدا لا تعتمدين على الرضاعه بنسق ثابت الرضاعه عند الحاجه لا تباوعين على الساعه باوعي على طفلك هو راح يكولك 4. خلي طفلك على الجهتين لوقت ثابت خطا الانتاج يفرق بين جهه و اخرى فاكيد مو طبيعي تخلين الطفل ع الجهتين بوقت ثابت ملاحظه صغيره 15 بالميه من الاطفال يرضعون من جهه واحده فقط و يكون كافي و نمو الطفل جيد 5. مضخه الحليب تخرب انتاج الحليب ابدا بالعكس المضخه تزيد انتاج الحليب و و امهات كثيره و بالاخص الموظفات اللي مضطرات للعمل بعد اول اسبوعين بعد الولاده معتمدين عليها كليا 6. من يصير عندك التهاب بصدرك لا ترضعين خطا كبير من يصير عندك التهاب رضعي اكثر من الجهه المصابه مو زين يتجمع الحليب 7. من تتمرضين لا ترضعين ! بالعكس الحليب الطبيعي من تتمرضين يكون غني بالاجسام المضاده 8. حليبك اصفر مو زين ! خطا الحليب الاصفر هو الغني بالاجسام المضاده 9. حليبك خفيف مو زين خطا الحليب هو طبيعي يكون خفيف 10. من تنقهرين لا ترضعين ! اصلا اللي كالك هيجي ما يريدك ترتاحين لان انتاج الحليب الطبيعي يحفزه هرمون الفرح اللي يرفع حالتك النفسية الحليب الطبيعي نعمه كبيرة اسال الله ما يحرم طفل منها د. سيف سمير البياتي اخصائي طب الاطفال
