من العادات الغذائيه الخاطئة هي تأخير تقديم اللحم للاطفال الرضع | إستشارة طبية
من العادات الغذائيه الخاطئة هي تأخير تقديم اللحم للاطفال الرضع و منهم من يذهب بعيدا و ياجله بعد عمر السنة اللحوم سواء حمراء او بيضاء غنيه جدا بالحديد و الحديد من النوع اللي يكون سهل الامتصاص و احتمال انه يتحسس الطفل من اللحم مثله مثل احتمال اي تحسس غذائي اخر عادي راح تعترض اؤم حسن على الموضوع و تكول لا عيني ما انطيه لحم مو زين عليه خل يروح دكتور سيف ما انطي قابل شنو المشكله!! المشكله انه فعلا اكو مشكله و مخزون الحديد اللي اجه وياه من الولاده بدا ينضب بعمر ٤ أشهر لان دا ينقص الحديد بأهم فتره عمريه من حياته ! اي طبعا السنه الأولى هي أهم سنة و تطورات الذكاء و غيرها لعد شوكت نقدم اللحم للطفل ؟ اجاوبكم من الاكاديميه الامريكيه لطب الأطفال تكول بيه انه اللحم ممكن يدخل بعمر ٦ أشهر وزاره الزراعه الامريكيه كالت احنا دول متطوره و لازم يدخل اللحم بعمر ٤ أشهر إلى ٦ أشهر و بكميه تقدر بملعقة او اثنين طعام زين شون انطيها لطفلي ؟ ما اعرف ابدعي و جدي طريقك د. سيف سمير البياتي اخصائي طب الاطفال الصورة لبيوريه البطاطا و لحم الغنم