حبابين نعيد كم سالفه شكلكم ناسيها حليب بعد السنه مرتين مو ا | إستشارة طبية
حبابين نعيد كم سالفه شكلكم ناسيها حليب بعد السنه مرتين مو اكثر اكثر من مرتين فقر دم العصير الطبيعي لا يقدم محتوى غذائي مهم ولهذا هو ممنوع تحت عمر سنه و بعد السنه كلما اقل احسن ما حجينا ع العصير الصناعي اللي لا لون لا طعم لا رائحه حبابات عيوني شبيجن ع الجبس اكولها شكد جبس باليوم تكولي ٥ أكياس جبس باليوم لو اللخ تكولي بس ٣ باليوم كلش قليل ؟ ناويات تجلطني لو شنو ؟ الجبس تتذكرن من فاز بجائزة اسوء سناك ممكن تقدمه لطفلك لو نسيتن؟ من توكلين طفلك ركزيلي على موضوع الحديد جهال العراقيين صايرين صفران سمران من كثر الحليب و الجبس و الاكل اللي ما براسه خير ابو البيت حبيب تطلع من الصبح لليل تشتغل و تتحمل و تجيب ١٠ الاف حرامات تشتري بالف جبس و مصاص بنفس الالف جيب برتقاله و تفاحه و موزه راح يكفي الالف و طفلك مناعته تقوى عيوني انت فدوه لتعبك لا تضيعه بالمو زين عيوني الجيل الجديد رضعن طبيعي تره ما يشبهه و لا حليب صناعي ما عسى القوطيه ب ٥٠ الف و لا تدل المميه على الثقافه بالعكس بره كلما يعلى المستوى الاجتماعي كلمة تكثر الرضاعه الطبيعيه اللبن من مشتقات الحليب ممكن ينطي بعد ٦ اشهر و البيض بعد ٦ اشهر و اللحم ممكن من ٥ اشهر بس وكلن شجاجن ما تكولن كلما فتح حلكه الجاهل خضيتي المميه و بحلكه كومي سوي شوربه و ضيفي لحم او دجاج للشوربه و عوفي السيريلاك و الاكل الجاهز فيتامين دي لا تنسين من اول يوم و حديد بالشهر الرابع للي يرضعون طبيعي فقط و بروبايوتك اشجعك عليه لصحه افضل لطفلك و دمتم بود د. سيف سمير البياتي اخصائي طب الاطفال
