سيرت رمله وطلبت ايد سكينه تكلها لسكينه المهر ال طلبينه بنيت | الشاعر الحسيني ضرغام الغزي

سيرت رمله وطلبت ايد سكينه
تكلها لسكينه المهر ال طلبينه
بنيت عمامه وانتي منه وبينه
بني عمج وايحبج معدل وبن اصول
تعرفينه وتدرينه تربات الفحول
......................
ياعمه ماريدن مهر لا خاتم
من الله اصيرن انه مرت القاسم
من ال هاشم هذا منه وخادم
لحسينه وسنيه ناذرهن نذر
حبيته وتانيته ياعمه اشكثر
....................
مبرؤك عمه ويوم اشوف وليدكم
جيبونه حسين الزغير ايعينكم
وانشاء الله يكبر يعمه ابينكم
شيجيبه وندريبه ياعمه بعيد
جن قاسم هال عازم للحومه يريد
.........................
يجمعنه جدي هناك ونسؤيها
والزفه حيدر علي حاضر بيها
جيب الزجيه وتجوه صاير ليها
تتلكانه فرحانه وتزفنه بدموع
تتبسم تتألم تلوع من ضلوع
.....................
يم الله عود هناك افرحج بينه
شمحلاها امنه الزهره التحنينه
وتجيب وردات وتطش علينه
ترافكنه تباركنه بيحفظكم علي
تحنيني تحاجيني ابنيتي ادللي
..................
ضرغام الغزي