الحسين يتكلم مع القاسم عليهم السلام ................ تعال ا | الشاعر الحسيني ضرغام الغزي

الحسين يتكلم مع القاسم عليهم السلام

................
تعال الدنيه بعدك موحشه ومره
يالمسؤي الحياتي بضحتك كمره
يسموك الهواشم فرحت الزهره
وانه أمسميك جاسم ونسة الحره
غالي غالي عندي اوصفك والله مااكدر
غالي غالي عندي بغلات الأكبر واكبر
................
اشمن ريحتك ارد اجلي كل همي
دخليني ارد اشمن ريحت ابن امي
ابسدي اكعد ابد لاتمشي من يمي
اوتكليه بؤيه ابد متكليه ياعمي
بؤيه بؤيه كلي احجيها وارحم بحالي
بؤيه بؤيه كلي بس هالكلمة تحلالي
...............
وعد رايد يجاسم بؤيه توعدني
تخلي ايدك بأيدي وابد متهدني
تركني بموته الأكبر ابني فرهدني
وبقه نص حيل عندي ولاتفاركني
يميه يميه ابقه لتخليني اضل حاير
يميه يميه ابقه خاف يدوسك الحافر
..................
اعز من رؤحي انت واعز من ولدي
يبني ويبن اخيي وغيرك شعندي
يجاسم طيحتك مردت جبد جبدي
خذت حيلي يبؤيه وحيل ماعندي
امشي امشي خطوه اوكع وارجع اتكوه
امشي امشي خطوه وصلتك يبني بالكوه
.......................
طحت لمن سمعتك تندب ادركني
مدري اني الحكك مدري تلحكني
على جم شعره سؤده براسي لاحكني
يبعد اولادي كلهم لاتموتني
شيبه شيبه طلعن من الخيمه لعد جسمك
شيبه شيبه طلعن الله يعين كلب امك
..................
ضرغام الغزي