تكلي امشي من اريد امشي تكظ ايدي | الشاعر الحسيني ضرغام الغزي

تكلي امشي من اريد امشي
تكظ ايدي يزينب لاتعوفيني
وتضل تبجي من اضل ابجي
تصبرني وترد تون تبجيني

.................
تكلي الخاطر العباس سهام بصدري اشلعيهن
امد ايدي وتصيح اخ عليج الزهرة عوفيهن
شما اجيب ايدي تتلوه تخلي ايدك اعليهن
كبالي اتلوج يبن امي ادخيلج لاتهيجيهن
احط ايدي وتجيب ايدك
توخرها وترد تكلي شديهن
شأشد كلي صحت كلي
وسهامي بالج لاتلجميهن
..........................
زلمه علينه اجه يحسين كتليه جاي يذبحني
عمت عيني اذا خليهه شتضن كلبي يطاوعني
امشي عليج ضلع امي زينب خل يريحني
موتني الوجع يختي والله جرؤحي عذبتني
بعلي اوليدي انزرف كلبي
ابوفاضل بفراكه كسر ظهري
اعله عبدالله انمرد جبدي
جا ضلت يازينب على نحري
..........................
وصل والله دخيل الله هسة اشلون امنعنه
اجه تربع على صدرك أتهيئ للذبح جنه
كتله انده تره العباس عؤف ابن امي فك منه
كلي شؤفي يازينب اخوج شلون اذبحنه
انكسر كلبي وصحت عطشان
انطية ماي ماكؤ بكلبك امرؤه
صحت خؤيه يبؤ فاضل
تلاحكني عليك بداعت الخؤه
.........................
واسمع صوت مؤش بعيد زينب رؤحي لاتبقين
ارحمي بحالي يازينب دخيلج فدوه لاتبجين
اركضت وعيؤني تتلفت وين انطي الوجه يحسين
حاطوني وفشلتي بهاي زلم يحسين بالصوبين
أتعبت والله شأصير انه
شتتوقع ابجي أركض اطفي اخيام
ابحميده اسحب يجر سكنه
وبذيالي النار مجلبه والأيتام
....................
تهت يحسين الك رديت بس ياخؤيه تيهتك
كلت وينك يبؤالأكبر اعله ريحت امي دورتك
لكيت حسين نص حسين عميه وكون ما شفتك
يبؤ كلب الينكط طيب سالم والجرة بأختك
اسحكوني بحوافركم
وضلوعي طحن بالخيل طحنوهن
ليش حسين شمسؤي
اتوليتوه واضلوعه مردتوهن
........................