2021-06-06 22:19:46
نصائح تقنية خارج عن اطار الدراسة وخصوصاً بوقت التعليم الالكتروني حتى الي ماعنده جهاز صار عنده لضرورته لهذا لازم تنتبهون ع كم نصيحة وبشكل مبسط احاول اوضحهن.
1- لاتدخلون روابط ربح جوائز او رصيد او مسابقة ربح سيارة لو مبلغ مالي الخ... كلها نصب واحتيال وسرقة لرصيدك او اختراق لجهازك.
اضافة الى روابط المنح والرواتب والرعاية والعاطلين عن العمل ...الخ
ذني هواي تنزل استمارات وهمية تجمع معلومات لغرض الابتزاز او اغراض اخرى لازم تتاكدون من مصدر الاستمارة بموقع الوزارة المعنية وكون موقع رسمي ع كوكل او بيج موثق بعلامة زرقاء بالفيس او المواقع الاخرى واذا ممنشورة الاستمارة معناه استمارة مزيفة تاكدو من الرابط زين.
2- مهم جداً تفعيل ميزة التحقق بخطوتين او ماتسمى بـ المصادقة الثنائية بكل حساباتك فيسبوك، تويتر، انستا، تلغرام، وكذلك حساب جيميل ضروري جداً وطريقة تفعيلهة باليوتيوب.
3- عدم استخدام رقم امريكي لاي حساب باي موقع تواصل اجتماعي فيس تويتر الخ وذلك لسهولة اختراقه وسرقة كافة معلومات حسابك وجهات اتصالك (ارقامك).
4- بالنسبة للتلغرام من تراسلون شخص لا تضيفو ك جهة اتصال لان رقمكم يظهر يمه.
ذني اهم نصائح تقريبا ماريد اكتب اكثر ويصير المنشور مملل بس الصراحة جداً ضروري تراعون كل ما ذكر اعلاه علمود ما توكعون باي خطأ.
ويلي يحب يقرة نصائح ومعلومات اكثر وجداً مفيدة اكيد يدخل على الروابط التالية:
الرابط الاول
https://t.me/EnglishDepartment1/4094
الرابط الثاني
https://t.me/EnglishDepartment1/5235
3.0K viewsAhmed Kareem Al-fatlawy, 19:19