قصائد سيد فاقد الموسوي المكتوبة والصوتية

2022-09-29 21:52:45 #الخدمة_بجف_العباس

ويَ حسين.. بالخدمة نموت ونعدل
كون يصير.. مجلسنـا يعـادل مقتل

گبل الطف چانت يا ناس
الـخـدمـة بـچـف العباس

ويَ حسين..  ويَ حسين..
ــــــــــــــــــــــــــــــــــــــــــــــــــــــــــــــــ

كون الخادم يندل دربه
ولو مر اسم حسين يطيح

كون الناعي أول ما يبدي
عن الطف من گلبه يصيح

من يسمع زينب مسبية
يهتز مثل السعفة بريح

الخادم اعله حسين كل گلبه صافي
بكل مجلس شمحلاه من يمشي حافي

طف حسين.. رايد خادم بدموعه
من يقرون.. يطبع چفه اعله ضلوعه

ينگط غيرة وكله احساس
الخدمة بچف العباس .. وي حسين ...
ــــــــــــــــــــــــــــــــــــــــــــــــــــــــــــــــ

خل نشد احزام الخدمة
لشهر حسين الباقي ايام

الـ من هسه محضر روحه
تسجله الزهرة من الخدام

كون نحط موكب يم موكب
نبنيهن بنيان اخيام

حتى الزچية تگول لحسين أبنها
يوليدي هالخدام طاهر لبنها

يا خدام.. گبل اهلال المسبية
هل عزيات.. كلها تصبّح مبنية

ماواحد بينا الينقاس
الخدمة بچف العباس .. وي حسين ...
ــــــــــــــــــــــــــــــــــــــــــــــــــــــــــــــــ

لازم مانبرد عن الطف
ولكل مجلس مشتاگين

هذا اليلطم ذاك يوزع
وينزلن دمعات العين

چا معقولة الخادم يسكت
وبالحافر ينداس حسين

لطمه اعله راسه يصير من يسمع الصار
زينب بنص الشام شمروها بحجار

ها يالشام.. كون نعيش ويا كلشي
نص السوگ.. زينب عثرت لو تمشي

وي الكافل عالي الراس
الخدمة بچف العباس .. وي حسين ...
ــــــــــــــــــــــــــــــــــــــــــــــــــــــــــــــــ

الخادم كون لشهر احزانه
يتلگاه بحرگة روح

ويضل لمصابك كل عمره
مامرتاح وكله اجروح

زينب يوم العاشر ركضت
وعطشان حسين ومذبوح

وبلا قميص حسين بيه عالترب نام
فوگ الحرم يا ناس حرگوها الخيام

طف حسين.. مايتوصف بحچاية
طف حسين.. جروحه بگد المشاية

مكتوب الراعي النوماس
الخدمة بچف العباس .. وي حسين ...
ــــــــــــــــــــــــــــــــــــــــــــــــــــــــــــــــ

وي ركضت زينب خل نركض
عالخدمة بكل همّة وحيل

نخلص وي حسين بكلشي
وبالخدمة انّافس جبريل

بيرغ خدمتنه يضل عالي
جيل يسلّم كون الجيل

كون الخدم لحسين صف يمشي يم صف
چا حتى اليرضعون عرفوا شنو الطف

يمته نصير.. واحد يتباها بواحد
منجمعين.. وحسين اعلينه الشاهد

ينگط غيرة وكله احساس
الخدمة بچف العباس .. وي حسين ...
ــــــــــــــــــــــــــــــــــــــــــــــــــــــــــــــــ
✿ اداء : سيد فاقد الموسوي
✿ الشاعر : محمد البطحاوي
✿تليگرام : قصائد سيد فاقد الموسوي المكتوبة
@facdy باز کردن / نظر دهید

2022-09-29 21:51:21 ٢٩٣ يوم لمحرم باز کردن / نظر دهید

2022-09-29 21:46:34 يا أبا الفضل مدد باز کردن / نظر دهید

2022-09-27 23:57:56 يا رَب العشگ .. بس أنتَ الصدگ .. باز کردن / نظر دهید

2022-09-26 15:10:54 #منية_النبي

خاتمُ الأنبياءِ .. أمنيةُ الكساءِ

ياليتنا صار.. في نينوى غار..
كي يمنع النار.. وتسلم النساءِ
ــــــــــــــــــــــــــــــــــــــــــــــــــــــــــــــــ

أمنيتي غار بكربلا
وتلوذ بيه العايلة
كل الحمام نشوفه
يم خيمة حسين ..

والعنكبوت خيوط امس
ينسجها عن حرالشمس
يحسين ومن الكوفة
ترد النساوين ..

ولا زينب يمرها العطش
ولاتوگف بليل هدعش
ولا تنوخذ مچتوفة
تدخل دواوين ..

امنيتي وحدة هيّه .. ماتنسبي العلوية

وجدام الزغار .. ماتسحگ النار..
وبالرمل حار.. في أرضِ كربلاءِ
ــــــــــــــــــــــــــــــــــــــــــــــــــــــــــــــــ

يا نبي سليمان الهوه
باچر توصله لنينوى
تحترگ خاف الخيمة
وزينب هوه تريد ..

والهدهد من ارض الوطن
ينگل رسايل للضعن
درب العليلة بهيمة
عن كربلا بعيد ..

اربع حياطين وتون
وتدير اديها من تحن
وحدة لگلبها وضيمه
و اعله الضهر ايد ..

ذمة برگبته الحافر .. يسحگ حسينچ باچر

هُدهُد سُليمان.. يأتيكِ ضمآن..
فوقَ الجناحان.. من اهلكِ الدماءِ
ــــــــــــــــــــــــــــــــــــــــــــــــــــــــــــــــ

باچر يهاجر فزعتچ
للماي اريدن ركضتچ
عبدالله هم وليدچ
مااريده عطشان ..

يوسف اريدك بالحلم
عن زينب توخر الزلم
وتگلها الله يريدچ
للخدر نيشان ..

واتگلها باعوني اخوتي
همَّه اهدعش ياحسرتي
وأنتِ ابوفاضل بيدچ
شايلته قرآن ..

هنيالچ بعبّاسچ .. وَحَّده ورافع راسچ

ينطي السهم عين.. طيحله چفين..
حي الله اخو حسين.. يا هَيبةُ السماءِ
ــــــــــــــــــــــــــــــــــــــــــــــــــــــــــــــــ

ايوب باچر ينتظر
يتعلم من الطف صبر
لو شاف زينب حارت
من حسرته يموت ..

ابراهيم من ناره سلم
بس لو يجي يشوف الخيم
جمرًا ونارًا صارت
مايگدر يفوت ..

يونس اذا ليل اهدعش
مر بيك وي ذاك العطش
چا صحت نعمة ودارت
وي ظلمة الحوت ..

خل موسى يحمد ربّه .. ماصار عالطف دربه

بجذعچ تهزّين.. بس راس الحسين..
هزوا السبعين.. يا مريم العذراءِ
ــــــــــــــــــــــــــــــــــــــــــــــــــــــــــــــــ

باخر نفس گال النبي
يحسين عينك عالعبي
زينب اذا عفتوها
ماترحم الناس ..

انه ادري باچر تنذبح
للشام راسك عالرمح
والخيمة اذا حرگوها
ويطيح عبّاس ..

خل زينب تشيل العلم
تقرا السلام اعله الخيم
بت حيدر يعرفوها
ما هَبّطت راس ..

باچر تجي المشاية .. وتشيل هاي الراية

المهدي هم جاي.. وبيمنته لواي..
والشيعة وياي.. لاينتهي العزاءِ
ــــــــــــــــــــــــــــــــــــــــــــــــــــــــــــــــ
✿ اداء : سيد فاقد الموسوي
✿ الشاعر : سيد محمود'محمد الموسوي
✿تليگرام : قصائد سيد فاقد الموسوي المكتوبة
@facdy باز کردن / نظر دهید

2022-09-26 15:10:18 صلى اللهُ عليك وآلك يا نبي الرحمة.
ولعن الله قاتليك وظالميك .. باز کردن / نظر دهید

2022-09-25 20:10:02 السلام عليك سيدي ومولاي يا صاحب الزمان باز کردن / نظر دهید

2022-09-25 19:59:26 .
وا أبتاه وا صفياه وا محمداه
من للقبلة والمصلى
ومن لإبنتك الوالهة الثكلى .. باز کردن / نظر دهید