2022-02-08 00:53:16
الهواشم هاي ساعتها
ترف بالحومة رايتها
يبو القاسم .. يبو القاسم ..حيهم سباع الهواشم رفوا بذاك اللوه
علي والحمزة ومحمد طبوا الحومة سوه
ظلمت ليل المعاره وهاشم توزع ضوه
علي يوگف السبعة بيده والنبي يوگف الهوه
الحومة طباها النبي ..
بالقتال الطالبي ..
يبو القاسم .. يبو القاسم ..چان ابو القاسم عيونه تفيض نار بخزرته
ضربته تعادل عبادة وعلي چان بيمنته
بيضة چانت راية الله بلون وجهه ولحيته
محّد يگابل حسامه المايثني بطگته
هذا ابو القاسم نزل ..
لو علي خير العمل ..
يبو القاسم .. يبو القاسم ..عركة صارت والهواشم وي محمد غايرة
علي طب اعله اليمين وحمزة طب ع الميسرة
ضلت الخيالة تركض والرگاب مطشرة
صاحوا دخيلك محمد هذا يوم الاخرة
لن محمد يبتسم ..
حيدر مخلص الزلم ..
يبو القاسم .. يبو القاسم ..علي چان بگد محمد بالحرب يذبح زلم
الله چان يصيح طه وحيدر بنفس الاسم
چان يكتب من ضواهم سورة سماها النجم
يعني لو صحت الهواشم صيحوا كلكم والنعم
خلي صوتك يعتلي ..
ونعم من شارب علي ..
يبو القاسم .. يبو القاسم ..هاشم تحب المراجل همَّ وجه الله وظهر
من علي وهيبة محمد الله نزّل هالسور
عدها زلمة هواية يرهب كون يوگف ع النهر
شيل چفك لـ آل هاشم باچر تخلف گمر
دخيل هيبة حاجبه ..
من محمد شاربه ..
ابو فاضل .. ابو فاضل ..ـــــــــــــــــــــــــ
✿ اداء : سيد فاقد الموسوي
✿ الشاعر : سيد محمود الموسوي
✿تليگرام : قصائد سيد فاقد الموسوي المكتوبة
@facdy
433 viewsedited 21:53