2022-08-10 03:41:38
#البارحة..
يمي الحسين وكل اخوتي البارحة
مارايحة..
بـالـخيمة ريحتهـم بقـت مـارايحةيـم خيمتي الدنيا بكبرها زغيرة
كلساع وحدة من البنات مسيرةالبارحة.. البارحة.. ...
ــــــــــــــــــــــــــــــــــــــــــــــــــــــــــــ
لمت احباب البارحة لتمينه
مامش غريب وكلها منه وبينه
وتبده جاسم مستحة گبال حسين
من رملة گامت طلبت ايد سكينة
وتبسم حسين بصدر ديوانه
جسّام ما كمّل الگعدة ويانه
الفاتحة..
وگام أبو فاضل عمه يقرا الفاتحة
البارحة.. البارحة.. ...ــــــــــــــــــــــــــــــــــــــــــــــــــــــــــــ
البارحة الواهس خذانه بغفلة
من تم فرحنه وگام جاسم صلى
وگامت رباب تهني سكنة وجسام
وتگلها يوم أن شاء الله لعبدالله
وين العزيز البارحة مگابلي
مانَزَّل عيونه ابو فاضل عني
نسامحه..
طيبين حتى المايحبنه نسامحه
البارحة.. البارحة.. ...ــــــــــــــــــــــــــــــــــــــــــــــــــــــــــــ
مرسال اجاني وبيه هيَّج علتي
من العليلة الظلت بطايفتي
وتگول من ماجيتكم عذري وياي
عمه المرض حارمني من عرس اختي
وتگلي زينب عمه چنچ يمي
كلساع ادورنچ بغرفة عمي
والنايحة..
من مااشوفچ تبدي عمه النايحة
البارحة.. البارحة.. ...ــــــــــــــــــــــــــــــــــــــــــــــــــــــــــــ
كلساع يم خيمة الحلم ياخذني
وعبدالله يتراولي بعده بحضني
مدري شنزل بمتوني منها وفزيت
ومن الحلم ثاري الشمر فززني
ويگلي هسه الثار بيني وبينچ
توها الحوافر ركضت اعله حسينچ
ما لايحة..
ما ظل مكان وحرملة مالايحة
البارحة.. البارحة.. ...ــــــــــــــــــــــــــــــــــــــــــــــــــــــــــــ
نطشت ايتامك والعطش كاتلهم
مالحگت يحسين ألمهم كلهم
شافوكم تموتون بس همه صغار
ليهسه مقتنعين يرجع عمهم
ميت بعيد وكون ميت يمنه
بلكي الله ويگولون نايم عمنه
ماصايحة..
ليهسه عباس نكتل ماصايحة
البارحة.. البارحة.. ...ــــــــــــــــــــــــــــــــــــــــــــــــــــــــــــ
صار الصبح والنوگ جابوها ولام
وماندري يادرب النِشْد بيه حزام
گالولي للشام وگلت خد حسين
انه ادري بس بخدودك يصير الشام
مااطول اعليك اختصرلك كلشي
والهزّل تذب الزلم من تمشي
الطايحة..
شيلة اصيرن للبنات الطايحة
البارحة.. البارحة.. ...ــــــــــــــــــــــــــــــــــــــــــــــــــــــــــــ
✿ اداء : سيد فاقد الموسوي
✿ الشاعر : حمزة الحسناوي
✿تليگرام : قصائد سيد فاقد الموسوي المكتوبة
@facdy
9.4K views00:41
ق
