الكادي

2021-07-04 13:53:22 ري،، اها لكن الناس ظروف وما معروف ظرفك الخلاك تطلعي تفتشي بي البيوت،، انا قعدت ابكي لما قالت لي كدا وقلت ليها يا خالتي المعايش جبارة والله كريم،، اي بشتغل معاها وديني ليها،، اها لبست توبها ومشينا وكنا بنتونس في الطريق المرا طلعت ظريفة والله ضحكتني.. جابتني بيت بتها واتفقت معاها علي كل نهاية اسبوع بتديني مية جنية مجبورة اوافق،، وطوالي نزلت شغل معاها شغل نضافة بيت وحوش وغسيل عدة بس الحمدلله غسيل الهدوم بره عندها واحدة بتجيها ليها ولا كنت اتوفيت،، الحمدلله البت طلعت طيبانة بطلع منها زي اربعة عصر بتفطرني وبتغديني،، والداخلية بقت ما بعيدة لي..
ما حاولت اعمل علاقات نهائي مع البنات كنت في حالي بس في بنات مستحيل يخلوك في حالك...

تابعوني
فاطمة قسم الله باز کردن / نظر دهید

2021-07-04 13:53:22 #اغتصاب_23

الحلقة الثالثة والعشرين

رديت ليه السلام وعليكم السلام،، وبي تردد قلت ليه عبدالرحمن موجود؟
عاين لي كدا وقال لي ابدا ما عرفتو دا ما بيتو...
وقتها زي الجاتني لفة راس وحسيت الواطا ما شايلاني،، طيب انتو منو سكنتو هنا بتين،،
والله لينا تلاتة شهور كدا..
طيب الناس القبلكم كان في زول لاقيت منو؟
والله انا البيت صادفني عند سمسار صاحبي وكان معروض للبيع هو الجابو لي والراجل لاقيتو مرة واحدة بس وقت جينا نخلص البيع..
سكته والعبرة وقفت لي...
اتفضلي يا اخت شكلو الناس الكانو هنا مغروضة فيهم ان شاءالله خير.. خلاص اتفضلي علي المدام لي جوه..
قلت ليه لالا شكرا كتر خيرك،، هسي ما عندك اي معلومة عنهم يعني..
هذا لي راسو لالا والله ما عندي..
شكرتو وجيت محبطة ركبت مع نن وبس قعدته اتفقعت بالبكي..
قالت لي في شنو يا ميمي مالك چيتي راچعة ودا منو الوقفتي معاه ما تتكلمي خلعتيني واللهي..
ناس امي وابوي رحلو يا نن وما عارفاهم مشو وين،، باعو البيت ودا الزول الاشتراه منهم..
تيب ارح لي ساحبتك الكنتي بتحكي لي عنها ديك امكن تساعدك..
زينب!! لالا ما عايزة اشوف خلقتها خلينا نمشي علي طول وانا برجع استفسر تاني براي..
جينا راجعين وكنت مهمومة وقلقانة في نفس الوقت..
ما عندي فكرة وين يكونو مشو،، حاولت في تلفون سارة،، الرقم مغلق مغلق مغلق قربت اضرب بي تلفوني الارض،، ماف تلفون شغال..
شلت التلفون واتصلت بي اسامة جاني مغلق،، الله هو الليلة اليوم العالمي ل اغلاق التلفونات ولا شنو اي رقم اتصل بيه القاه مقفول،، انتظرت ساعة كدا تاني رجعت اتصلت بيه برضو مقغول،، قلت احتمال يكون مشغول ولا حاجة،، رسلت ليه في الواتس جاني خط واحد بس ماف استلام،، بقيت منتظرة ومنتظرة وتوتري زاد زيادة،، للمساء انا بحاول وتلفونو مقفول وماف رد في الواتساب،، عقلي بقي بودي وبجيب بي ستين سؤال ما عارفة ليه اجابة...
انشغلت مع نن للشغل وهي ما قصرت معاي والله عمري ما اقدر اجازيها علي وقفتها دي فتحت لي بيتا ولا زهجت ولا اتزمرت مني وساعدتني في حاجات كتيرة حتي هدوما دي اعتبرتني تومتها ولبستني ليها والله كنت ببكي من البتعملو لي لو ما هي انا كنت ما عارفة اتجدع في ياتو شارع،،
كل يوم بشيل ورقي وبنطلع بالعربية قدمت لي في كم شركة كدا من الناس البعرفهم ابوها يتوسطو لي عندهم..
نن هي بت واحدة وعندها اخوها واحد في الثانوي،، ابوهم مغترب نوع الاغترب من بدري وبقي مرطب داك بالاضافة لي انو هو اصلا من اسرة معروفة في الخرطوم ومرطبين،، وامها نفس الشي عندها كوفير معروف واهلها ناس راحات برضو،، يعني الاسرة كلها كدا ناس عز...
انا النصيحة بديت اتحسس لانو عدي شهر وشوية وانا قاعدة معاهم بقيت بحس اني تقيلة قعدتي دي،، خصوصا لما يجو اهلهم ويقعدو يستفسرو عني وكدا..
مع انها هي ما مخلية لي شي حتي طلعاتهم دي بتسوقني معاها وتقريبا شبه يومي بنطلع بالعربية،، هي بت دلوعة لا عندها هم لا مسئولية،، هي وصاحباتها كل يوم يطلعو يتفسحو وياكلو بره البيت،، مافي اي وجه شبه او مقارنة بين حياتي وحياتهم،، كتير بتضايق وبشتاق لي لمة بيتنا والمجاكرة والونسة وجد فقدتهم شديد ونفسي اتلم عليهم... وقت كنت افاتحها في موضوع اني حا اشوف لي داخلية اقعد فيها واني متقلة عليهم كانت بتجوط فيني وتقول لي انا ما صدقته لقيت لي اخت تقعد معاي احكي ليها وتحكي لي،، بس من جواي انا ما مرتاحة ما بقدر اقعد معاهم كدا امها زاتها تقول علي شنو،، المهم يوم هي طلعت مع امها مشت الكوفير وقدر ما حنستني امشي تظبط لي شعري وجسمي ابيت ليها،، ما كان عندي مزاج لي اي حاجة،، بعد طلعو انا طلعته وجيت الصياغ كانت امي جايبة لي هدية سلسل وخاتمين لما قبلوني في الجامعة،، شلتهم وبعتهم قدر الجابو لي حمدت الله عليه،، رجعت البيت ودخلت النت افتش لي داخلية اقعد فيها،، عملت اعلان في قروبات الفيس،، ادوني ارقام ل داخليات،، اتصلت عليهم وقدرت اتحصل لي علي سكن بسعر مناسب..
يومين كدا وكلمت نن اني اتصلت بي خالي وحا امشي ليه اقعد معاه،، اول زعلت مني بس قلت ليها انتي ما قصرتي معاي يا نن ونحن اها متواصلين ان شاءالله مع بعض،، بس تابعي لي حكاية الشغل دي الله يرضي عليك..
ودعتهم وجيت الداخلية.. طبعا ما زي بيت ناس نن ودي علي قدر قروشي والغرفة مشتركة وجوطة وغايتو لكن برضو..
ارتحت اول يوم وتاني يوم نزلت افتش لي شغل ما معروف امكن ما يقبلو ورقي في الشركات القدمت ليها.. وانا القروش العندي يادوب تكفي اكل وادفع منها للداخلية وحاجات تانية..
دقيت لي بيت كدا فتحت لي مرا قلت ليها عايزة ليك شغل نضافة غسيل عدة ولا كنس حوش،، قالت لي لالا،، مشيت فتشت كم بيت كدا لما زهجته والجو سخن علي،، قلت اخر بيت لو ما لقيت برجع الداخلية،، فتح لي راجل وشوية نادي لي مرتو،، قالت لي ما عندي والله لكن عندي بتي حامل بتفتش ليها لي بت تشتغل معاها وانا النصيحة يا بتي لما راجلي قال لي في بت قالت دايرة شغل بس شكلها ما شبه شغل البيوت جيت ج باز کردن / نظر دهید

2021-07-04 13:53:21 #اغتصاب_22

الحلقة الثانية والعشرون

الوو اها يا مازن لقيتوها؟
سكت شوية ورجع جاط تاني كيف يعني انا لو ما حرقت ليها قلبا يا مازن ما ابقي اسامة،، رامي دا تلقاهو لي بأي طريقة وانا الانت عايزو بديك ليه،،
سكت تاني وبعدها ردا،، قعد يضحك اتصلت بيك وقالت ليك كدا،، دي واحدة.... (لفظ ما بقدر ازكرو لانو كعب).. هي البقول ليها خياناتها منو ما كلهم كدا الواحدة تعيشك في العسل وانها شريفة وصادقة وتلقاها اكبر....،، انتظرني انا جاي عليك زاتي ماشي المطار اخلص الاجراءات دي للسفر وبنتفاهم...
شعرت بيه وقف فترة ما عارفاه شال شنو وبعدها طلع،، يالله قدرت اتجرا واطلع الصالة وصلت تلفوني والحمدلله ما انتبه ليه اتصلت بي نن..
الووو نن وببكي الحقيني في الشقة سريع انا بموووت يا نن ومن شدة الوجع الجاني في بطني بقيت بصرخ وحسيت بي شي نزل مني تحت خلاص تاني ما فهمت اي شي،، نن بقت تبكي وتصرخ معاي،،
انتظرتها قريب ساعة لما الباب دقة انا ما عارفة استحملت كيف ولا عارفة قدرت اقوم كيف،، قمته والدم سايل فيني فتحت الباب وتاني ما حسيت بي اي حاجة،،
فتحت عيوني كنت تعبانة شديد وراسي دايخ،،
مريم حمدالله علي سلامتك،،
نن وضحكت ليها..
كانت بتبكي..
قلت ليها شكرا يا نن لو ما انتي كنت مته زمان..
بقينا نبكي الاتنين..
قالت لي خلاص اسكتي نومي انتي تعبانة ما تتكلمي كتير.. وبعد الشر عليك يموت عدوك ان شاءالله..
قعدت تلاتة ايام في المستشفي المهم وقت الدكتور سألني قلت ليه اتزلقته في الحمام وقعته وحصل الاجهاض.. وراجلي مغترب وما معاي زول في الشقة..
نن كتر خيرها اتكلفت بالمصاريف كلها و جابتني البيت معاها واسرتها طلعو ناس طيبين والله خلتني اعرف انو الدنيا دي لسه بخيرها.. حكيت ليها انو راجلي ضربني بس ما جبت ليها زكرت اي شي تاني حتي الاغتصاب ما قلت ليها عليه،، سري بحتفظ بيه لي نفسي خايفة من نظرة الناس لي والله عالم ممكن يقولو شنو..
نن طبعا جاطط فيني وقالت لي الا نمشي الشرطة تشتكي عليه وتاخدي حقك.. ابيت ليها كلو كلو وقلت ليها اذا عايزة تساعديني شوفي لي محامي ارفع فيه قضية خلع لو ما رضي يطلقني،، وشوفي لي شغل في اي محل بس...
في التلاتة ايام المشت دي تلفوني كان قاطع شحن نسيتو عديل،، بعد شحنتو مع فتحتي ليه جاني اشعار مكالمات منو كان سبعين شوية ورسايل وتهديدات وكلام فارغ كتير،،
قبل ارد عليه جاني اتصال من رقم بره السودان،،
الوو
من الصوت عرفتو اسامة وانو سافر
قال لي عاملة روحك شفته وشردتي و...
قبل يتكلم قاطعتو وقلت ليه طلقني يا اسامة..
صنه كدا وجاتني منو ضحكة مستفزة والله اتعلمتي انتي برضو.. اها ولو ما طلقتك حا تعملي شنو انتي زاتك..
والله زي ما بتعمل انت زاتك وتبتز البنات،، انا برضو عندي ليك صور تحب ارسلهم ليك..
فجأة بدل كان رايق اتقلب علي ورجع انبز تاني..
قلت ليك من الاول زي ما لويت يدي بالعرس هسي بلوي يدك بالطلاق وانا وقعت في يدي فيديوهات شاذة ليك من الزاكرة برضو اتعلمت منك ونسختهم في تلفوني ولو ما مصدقني انا برسلهم ليك هسي دي قلت شنو،، تطلقني وتحزف الصور والفيديو المفبرك العملتو فيني،، انا حا امشي لي اهلي وبفتح الاسبيكر قدامهم توضح ليهم كل الحصل وبعداك تطلقني قدامهم ولا والله حا اصغرك وافضحك قدام العالم كلو وانزل الفيديو العندي في اليوتيوب مع الصور وفي قروبات الفيس كلها وافتكر مافي بت بترضي لي بت زيها وانت تاني تعال شوف حا يبشعو بيك كيف..
زي تقول صبت فيه مطرة وقلة ادبو ديك كلها نساها في لحظة،، خير امرك يا مريم القلتي عليه بعملو وما بتشوفي وشي تاني انا هسي شغال برجع بتصل بيك والعايزاه بعملو...
قفلت الخط وكنت عايزة انطط اصرخ بي طول حسي المهم اطلع الجواي يااااه مرو كم شهر وانا الدنيا دي سوداااا قدامي ياربي ليك الحمد والشكر..
نن جات داخلة لقتني بضحك براي..
چنيتي ولا شنو يا ميمي دحكيني معاك بدل تدحكي براك..
حا اتطلق يا نن خلاص وارتاح من الكريه دا رضي يطلقني..
جررر قعدت تكورك تقول هي العايزة تطلق يلا يلا اسمعيني ح اعمل ليكي حفلة تلاق توالي يا بيبي..
قعدت اضحك مجنوووونة انتي والله يابت..
نن عايزة امشي اشوف ناس بيتنا ممكن توديني..
توالي يلا قومي نلبس ونمشي..
كنت مشتاقة ليهم موووت ولي امي شديد نفسي اشوفها واسلم عليها طول الشارع انا بفكر من رد فعلهم والبحصل،، حاولت اتصل بي تلفوناتهم بس كلها مقفولة من فترة وما بتدخل معاي دا كان مقلق بي وموترني وخوفني تكون حاصلة ليهم حاجة..
وصلنا ونزلت دق دق دقيت الباب بعد مسافة حتي حسيت بي حركة قلبي دقاتو بدت تذيد..
وقت الباب فتح
السلام عليكم نعم..
بقيت مندهشة للفتح لي الباب وبعاين ليه..
وعليكم السلام.....

تابعوني
فاطمة قسم الله باز کردن / نظر دهید