آدرس کانال:
دسته بندی ها:
دستهبندی نشده
زبان: فارسی
مشترکین:
64.74K
توضیحات از کانال
اكبر قناة تعليمية في السودان 😎💙✨
خشو سريع عشان م تفوتو المِنح الدراسية و رسايل التحفيز الزابطة وتنظيم الوقت و المحاضرات والكورسات واللايفات واللقاءات و البوستات الدرعة ☑️
ويلا #قوم_امشي_اقرا 🔥✨
❌ممنوع نشر الروابط❌
Ratings & Reviews
Reviews can be left only by registered users. All reviews are moderated by admins.
5 stars
0
4 stars
1
3 stars
1
2 stars
0
1 stars
1
آخرین پیام ها 4
2023-05-19 23:01:31
لمن امتحنته المره الأولى تالته ثانوي اللي هي السنه القبل الفاتت وجبته نسبة دخلتني مختبرات جامعة أفريقيا العالميه كنته حزينه في البدايه وتلاته يوم ماقادرة اتكلم عديل مع زول من الصدمه لكن قلته خلاص الحصل حصل هل حاكتف يديني واقعد؟؟لازم اتحرك واشوف الحاصل شنو وممكن اعمل شنو؟؟ لكن كنته متأكده انه لي خير وبالفعل استخرت وقررته اعيد رغم اني لقيت اعتراضات كتيره في موضوع الاعاده من صحباتي وغيرو لكن ماكنته شغاله بكلام الناس كتير لانو عارفه نفسي بعمل في شنو وواثقه من نفسي وعارفه مصلحتي وين كلام الناس مابخلص امي بس الكانت موافقه معاي شدييد في موضوع الاعادة. فالحمدلله قمت امتحنته للمره التانيه من جديد وبفضل ثقتي وايماني بالله وانه كان عندي ثقه وإيمان بنفسي وبالله قدرته في المره الثانيه تحقيق النسبه الدخلتني رغبتي طب أسنان جامعة أفريقيا العالمية استشعرت عظمة الله وفي اليوم اللي جاء خبر انه تم قبولي طب أسنان جامعة أفريقيا العالميه ماعارفه كم مره في اليوم داك سجدت فيها سجود شكر من الفرح؟حتى ان سجود الشكر كان مابعبر عن فرحي وسروري وكانت الأرض لاتسعدني من السعادة والفرح بالجد ان الله كريم ولطيف بعبده لاتياسوا من رحمة الله وثقوا بالله وصابروا واجتهدوا وكل اموركم فوضوها
إلى الله ولاتاخدوا لها هم وغم عاجلا ام اجلا ستجد الخير والبركات من الله تتدفق إليك سيلا والله اني عن تجربه الحمدلله دائما وابدا .
#لسه_عافر.
7.6K views20:01
2023-05-19 22:02:51
قصة اليوم عن معافى بعد دخل الجامعة عرف أنه دا ما التخصص إلي بحلم بيه وبين الرغبة والتردد كان القرار ، تتوقعوا حصل شنو ؟
#لسه_بعافر
6.9K viewsedited 19:02
2023-05-18 22:08:45
احكي ليكم عن تحربتي اسمي احمد خشيت في العشرين من انا في الثانوي ما متقبل فكرة في أقرا جامعة في السودان نهائي فبديت افتش في المنح من خشيت تالت و كلمت اصحابي بوضوع المنح فكانوا بضحكو فيني و بقولو لي ده منو الما عندو موضوع يدفع ليك يجيبك و يقريك و يديك قروش…
983 views19:08
2023-05-18 22:08:37
احكي ليكم عن تحربتي
اسمي احمد خشيت في العشرين من انا في الثانوي ما متقبل فكرة في أقرا جامعة في السودان نهائي فبديت افتش في المنح من خشيت تالت و كلمت اصحابي بوضوع المنح فكانوا بضحكو فيني و بقولو لي ده منو الما عندو موضوع يدفع ليك يجيبك و يقريك و يديك قروش ده الكلام حطمني شديد لكن قعدت مع نفسي و قلت الحاجة الشايفها انا هم م شايفنها، و فعلا بعد خلصنا الامتحانات بعد موجة الكرونا، خلصنا الخميس انا طوالي السبت عافرت للجواز بدون واسطة اخد مني اسبوع جرجرة في الاجراءات بس الاسبوع البعديو طوالي نزلت كورس انجليزي و ركزت على المخاطبة اكتر شئ و بديت اقدم منح براي بتلفوني كان قراند 2 و قدمت في منح كتير و اترفضت، الرفض ده قوى عزيمتي وقلت م دام رفضوني معناها المنح دي موجودة بجد و بقيت م اخلي منحة حايمة م اقدم فيها لحدي الحمد لله قبلوني في جامعة في ماليزيا و اشتغلت حكاية 9 شهور عشان اطلع لي دولار امشي بيو و اشتري لي ملابس و الحمد لله اسي لي حكاية سنة خلصت كورس الانجليزي الاجباري تبع الجامعة و امتحنت الايلتس و و خلصت السمستر الاول و اسي التاني حيخلص شهر 6 الجاي.
رسالتي للشباب انو اصلا م تستسلم عشان تصل للحاجة الخاتيها في راسك مهما كان الناس الحويليك محطمين خليك واثق بربنا بنفسك و كون واثق تمام ان الله لايضيغ اجر العاملين و لكل مجتهد نصيب.
المعي ديل اخوان برضو عافرو سافرو وقت الانقلاب الاول و سافرو عن طريق مصر و اشتغلو هناك عشان يطلعو حق التذاكر حتى جو على ماليزيا
#لسه_بعافر
1.0K views19:08
2023-05-17 21:16:15
طيب بعد قريت الردود علي المنشور السابق قررت اعمل الهاش دا #لسه_بعافر في الفيسبوك والتويتر فا لو شايف أنك مقاتل وقصتك تستحق المشاركة أنشرها في الهاشتاق وننشرها عندنا في الصفحة كنوع من التحفيز للآخرين وأنت زاتك لما تشوف ردود الناس حتتحفز أكتر وأكتر
*ملحوظة*
حاول لخص وخلي العبرة واضحة + أسلوبك الكتابي حيكون واحد من أهم مقومات اختيار تجربتك
#لسه_بعافر
2.9K views18:16
2023-05-17 13:59:00
عافر دافر ، عمرو الموج الهادي ما بيجب سباح ماهر
استسلمت ولا لسه بتعافر ؟
3.2K views10:59
2023-05-12 07:17:39
"لا تقلْ قدْ ذهبَتْ أربابُهُ
كلُّ مَنْ سارَ على الدربِ وصلْ
في ازديادِ العلمِ إرغامُ العِدى
وجمالُ العلمِ يا صاحِ العملْ
جمِّلِ المنطقَ بالنَّحوِ فَمَنْ
يُحرمِ الإعرابَ في النطقِ اختبلْ"
-ابن الوردي
5.6K views04:17
2023-05-11 22:13:02
انت كطالب ممتحن شهادة للان ما دخلت القناة ليه ؟
https://t.me/GomA8ra2023
#قوم_أمشي_أقرا
#تعليمك_لحد_عندك
5.7K views19:13
2023-05-09 23:01:37
يوم النتيجة والناس كلها مجتمعها قدام التلفزيون و بتحضر المؤتمر ، و إنت حابس/ة نفسك في غرفتك نظام ما مهتم/ة بالنتيجة، ولكن إنت من جواك بترجف من الخوف و المؤتمر يبدأ و أنت في اللحظة ديك بترسل الرسالة الفيها رقم جلوسك وفجأة بدون سابق إنذار بيرن تفونك معلناً وصول رسالة جديدة و إنت القلق خلاص وصل حده ويدينك مبلولات من العرق و ما قادر/ة تمسك/ي التلفون زي الناس و حالتك النفسية في الحضيض وتتذكر/ي شريط سنة ثالثة والصعوبات الواجهتها/من حرب و إضراب و في لحظة تفتح الرسالة وكانت الصدمة
الموقف دا جربوه ناس كتار قبلك و إحتمال إنت تعيش نفس الموقف دا بس بتفاصيلك الخاصة، حرصاً مننا في منظمة قوم أمشي اقرأ على إنه التفوق يكون شعارنا رغم كل الظروف والعقبات فحنوفر ليك عدد من الملخصات لمقررات الشهادة الثانوية كدعم بسيط لكل طلاب بلدنا الحبيب و إن شاء الله نكون دايماً تامين ولامين وبنجاحكم مبسوطين ،دمتم بخير
https://t.me/GomA8ra2023
#قوم_أمشي_اقرأ
#تعليمك_لحد_عندك
6.0K views20:01
2023-05-08 17:20:46
منتظركم في قناة قوم أمشي صلِّ الليلة الساعة 6:30م
https://t.me/Gom9li
#قوم_أمشي_أقرا
#قوم_أمشي_صلِّ
5.0K views14:20