قصائد منبريه مكتوبة2

2021-11-17 03:50:58 امي   عذوبها   .....بل باب عصروها
من الباب ندفع.......المحسن وكع . امي عذبوها



اني زينب ياعلي وشفت الجره
شلون من دخلو البيت الطاهره
الصار بمي ياعلي شتفسره
بيا موازين الصبر والمقدره

امي من اجوها.. ..بلا رحمه ولوها
لاذت فاطمه ...بابك لل حمه ...امي عذبوها

=========================

ياعلي  من  الباب  عل زهره انطوه
ضلوعها  من  دفعته  نطبكن  سوه
يكثر     الدخان    ويقل      الهوه
الحك اعله امي بحق القل هوه


برجله من دفعها....   وبيده من صفعها

زمره ضالمه   يا حامي الحمه ..امي عذبوها
=========================

امي من طاحت يحيدر عل ترب
شاهدتها بعيني والموقف صعب
زاد يل كرار عل بضعه الضرب
وكسرو اضلاعها وآدم غرب


امي من ولوها......كلش عذبوها

طاحت عل ترب ....والموقف صعب... امي عذبوها
============================
شاهدت اعضم مصيبه لل قتل
عصرو امي ارجاس والمدمع يهل
شفت من سكطو محسنها الطفل
ونار باب الدار ابد ما تنحمل

اختنكت امي بيها....ومو يمها عليها

والباب احترك.....والكون اختنك ...امي عذبوها
==========================
بويه من عم الهدوء المرتقب
دورت محسنها من جوه الحطب
من لكيته ياعلي شفت العجب
طفل وزغيرون بس شابع لهب

النار مطفيه عينه......مجويات ادينه

هاذه المختصر ....عن باب القدر......امي عذبوها

ضرغام منعم الكربلائي






 

قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2021-11-14 08:20:04 باز کردن / نظر دهید

2021-11-10 05:30:15 رابط دروس الفاطميون ع الواتساب
https://chat.whatsapp.com/EHPKe3fq8SMFdGDe4GwSoW باز کردن / نظر دهید

2021-11-04 15:22:29 باز کردن / نظر دهید

2021-11-01 13:08:06 عَجل لـ أجل عمتك الغريبة
_______
والله يامهدينه ضاگت واللسن تتمادة
ناس كالو انسو امره وصار عدهم عادة
ناس تنفي مصيبة امك والمصيبة سادة
گوم بيدك حـز رگبهم يـا جبير القادة

اباب الدار .. يگول محسن ماسگط بعتابها
والزهراء  .. گال ما كسرو ضلعها أبابها

لم الحچي وراويهم العجيبة
عَجل لـ أجل عمتك الغريبة
______
هالوضع عينك تشوفه ماكو حاجة نفّسره
غير چفك يابو صالح بعد ياهو يغيره
النفة سطرة عين امك يمته اشوفك تسطره
وفوگ رشاتك يرفرف علم سبع الگنطرة

وبيمناك .. يمته اشوفك تفزع بفقارك
يامولاي .. والخدم كلها تصير انصارك

محلى اللقاء المحب وي حبيبه
عَجل لـ أجل عمتك الغريبة
________
الحكم رد لـ آل أميه سيدي بهذا العصر
ناس لآمنته بلطمنه ولو مشينه عله الجمر
مو شمر واحد أجانه هسة لا مية شمر
النهبو خيام العقيلة رجعو بنفس الامر

هناك الصاح .. يالله زينب سلبوها خيامها
رد أردود .. هسه يحچي عله لطم خدامها

وازونه حته عل اللطم مصيبة
عَجل لـ أجل عمتك الغريبة
_______
مو غريبة زينب تظل بالخرابة وما تحير
موش عالهزلة عزاها ننصب مسقف جبير
بقصر آمية شور نلطم من الأول للأخير
وباب للساعات ماكو باب للهيئات يصير

ياهو هناك .. عالسكينه بعد يحچي حجاية
من الشام .. كلنه نرجع  بالظعن  مشاية

مشاية ترجع بالظعن رهيبة
عَجل لـ أجل عمتك الغريبة
_____
يمته ذيج گبور اهلك بالبقيع اتعيدها
الهدموها احفاد الأول كون تگطع أيدها
والخلافة بأسم جدك علي كلها تريدها
بجذع نخلة تشد عمرهم والأحقاد تبيدها

كلها تصيح .. شبل حيدر خذه صدر الحومة
يمه الرآي .. بعد ماكو لا عمر لا گومه

وثار اليتول الطاهرة تجيبه
عَجل لـ أجل عمتك الغريبة
_____

حسين علي التقي
قنوات مؤسسة فاطميون
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2021-10-22 11:48:59 يا اميرة الشيم

سلم الراية ابو فاضـــــــــــل بيد مستوره
گــــــلهه خلصت كربله والشام اجه دوره
شدت العصابة گـــــــــــالت هاي مگدوره
هيه زينب مــــــــره بس عباس بالصوره
شافــــاها وبرد حيله
والجيش انكسر رايه
شلون اتعـدي هالليله
وزينب كضت الرايه
يا اميرة الشيم


كلهن بزينب لگـــــــــــــوهن ياهو يدناها
شيمة العباس بيـــــــــــهه وعلي مگفاها
الجيش كله يلتفت لـــــــو جاب طرواها
ماتضـــــــــم الگاع أثرها ابثگل ممشاها
ياهــــيبة بني هاشم
بس ممشاچ يرعبهم
ماكــــو بالعرب كلهه
مثلچ مـره تصگرهم
يا اميرة الشيم


بس عبايه انشافت امن الناس محـــجوبه
اهواي زيــــــنب  والزلم احساب محسوبه
همه ياهم غـــــــــــــير هيه العلي منسوبه
زينب بزود ابو فاضــــــــل تمشي مهيوبه
بيهم خـوفه من عدهه
اليوم اعــليهم اشثگله
لو عثرت جــدم طفله
كلهم گــــالو اسم الله
يا اميرة الشيم


اخت اخوها الما تشيله الگــــــــاع والمهره
هاي بت اشيوخ عدهه اعله الحچي شمره
محد ايفك حلگه لــــــــــو واحدهم اتأمره
واليشيل الرمــــــــح خايف زينب اتخزره
من تسمع طفل يبچي
ويــــن اتروح حراسه
لو نزلت امــــن الناگه
خيرهم يضـــم راسه
يا اميرة الشيم


طبت الديوان بس شلون مـــــــــــن طبت
دنگت روس الزلم من گـــــــامت وخطبت
واكفه وگفة علـــــــــــي لا حنت لا رجفت
گالت انه اخت ابو فاضل واللسن خرست
مو گــدي القصر هذا
ولا تسترني خيطانه
بس حســين للثوره
مايبـــــخل بنسوانه
يا اميرة الشيم

شاكر الصيمري
قنوات مؤسسة فاطميون
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2021-10-21 03:15:01 الليله باز کردن / نظر دهید

2021-10-17 13:03:32 (الزهراء ع تشتكي لـ أبيها ص)


____
يابوية اخبرك من رحت
گومك ولا رحموني

بينت أنياب الحقد
وبطيحتك ضلموني

غصبو فدك من فاطمة
و ادخلها ما خلوني

لمو عله بابي الحطب وشبوها النار
من دفعو الباب بحقد طگني البسمار

يابوية اكبر جريمة
طگاني الماله قيمة
وحيدر لازم وصيتك
وجتفو ايده الهضيمه

يابوية بنتك فاطمة ///
عليها الانذال محزمة ///
_______
الباب الچنت تستأذنه
المحسن سگط بعتابه

وقالع الباب بخيبره
الانذال دفعو بابه

من عاينت حيدر خجل
والسيف ظل بگرابة

من صاح لو يطلع علي لو أهد الدار
بأسمك صحت يا والدي شوف الي صار

من سمعو بالوصية
صاحو فرصتنه هيه
محد يگدر يردنه
وضربو عين الزچية
______
دمي بالحايط ظل أثر
و فضة اجت تسندني

من صحت خلولي علي
لو لله اشكي حزني

آمر عله عبده النذل
وبسوطه اجه يضربني

من سطرته لعيني بقت مطفية العين
ضميتها عن الحسن وشافاها حسين

يايمه شبيها عينچ
شو ما بطل ونينچ
و أول مرة بصلاتچ
شفنه تنزلين أدينچ
_______
هاا رسول الله الخلگ
ملتمه كلها ابابي

يتشمتون بموتتك
محد رحم بمصابي

بالليل شيعو بضعتك
شيعوني بس احبابي

بالسر وبظلمة علي متحذر ليش
ضم القبر لأنه سمع ينبشونه الجيش

البضعة الكلش تحبها
اليغضب الله لـ غضبها
ماتت مكسورة خاطر
ونحلانه مـن  تعبها
________
يم راسي حيدر ظل يون
مهضومه اسمع ونه

يسولف اسمعه بدمعته
موتتي هنانة اتمنه

كتله علي لداري ترد
زينب تره فگدنته

خليك يمها ياعلي مو وحشة الدار
لا ابو ولا ام بالغرب باجر تحتار

بالطف ماعدها ناصر
حسين تسحگه الحوافر
ومثل الحارگلي بابي
يحرگ خيمتها باجر
________
حسين علي التقي
قنوات مؤسسة فاطميون
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2021-10-12 14:45:26 (اللهم أرزقنا زيارة مولانا الرضا ع)


يـ سلطاني الدمع وشل
اكتبلي للسفر جيه
عيني لـگبتك أشتاگت
و روحي تحن يوميه
انه صح عالحزن معتاد
بس عالفرگة مابيه

تصد عله الصور عيني .. أتخيل روحي بمشهد
واكولن يمته يامولاي .. بعد للصبر ما ظل حد

ساعة بصحنك هوايه عليه
اساجيك بدمع عيني الجريه
وأقرالك عله ذيجه السبيه

اخذني لصحنك أترجاك
دخيلك يالرضا مشتاگ
________
يضامن دمعتي وحزني
أضمنلي وگفة بعتابك
الهجر مر ولأمر منه
اذا ما اوصل لبابك
العاشگ تخنگه انفاسه
اذا ما يشتم ترابك

يوميه أكول ليوم .. والدمعة بطرف عيني
البعد والحيرة تعبني .. ونار الهجر تچويني

اخذني هناك لو بالحلم مرة
دليلي صار من الهجر جمرة
حسرة تجيبني وتآخذني حسرة

بعد ما بيه حيل فراگ
دخيلك يالرضا مشتاگ
_____
يهد حيلي الدمع بالليل
واغفه بالوصول احلم
لقاء بطيفي اتمناك
وانته بالگلب اعلم
وآصل مرحلة بالشوگ
حته بنومتي اتألم

نظرة منك لعبدك .. ألتفت لليغفه بأحزانه
واليشتاگ طبعه يصير .. بليله يبلل اردانه

شوكت شباچ قبرك بيدي ألزمه
ويضل بهدمي عطره من ألمه
حنت روحي  يــا ثامن الأمـة

لعبدك مَنك وسلواك
دخيلك يالرضا مشتاگ
____
علي گال اليزور أبني
الله يغفر ذنوبه
علي واسمه مثل اسمي
وبابه باب للتوبه
همة ينجلي ويأنس
اليطوف بصحن محبوبه

علي سولف عضُم شآنه .. وگال زيارته حكمة
أنيس النفس اليزورك .. تأنس روحه من همة

أكتبلي زيارتك يامؤنس البآل
عاقد نيتي وما اشد الرحال
شوگي لحظرتك مولاي مامآل

يمته بالدموع ألگاك
دخيلك يالرضا مشتاگ
___
حسين علي التقي

قنوات مؤسسة فاطميون
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2021-09-27 19:03:00 .
︎روي عـن الإمــام الـصـادق (عليــه الســلام):

وإنَّ زائر الحسيــن "عليه السلام" ليخــرج مِــن رَحلــه فمــا يقــع فيه على شــيءٍ إلاّ دعــا له!

- فــإذا وقعــتِ الشَّـمـس عليـه أكــلَتْ ذنــوبَه
كـمــا تأكــل الـنّـار الحَــطَــبَ، وما تُبقـي الشّمــسُ عليـه من ذنوبــه شيئاً، فينصــرف وما عليــه ذنــبٌ وقـد رفــع له مـن الـدَّرجــات ما لا ينالــه المتشحّــط بدمــه في سبيــل الله ويوكّل به مــلك يقوم مقامــه ويستغفر له حتّى يرجــع إلى الزِّيارة أو يمضــي ثلاث سِنيــن أو يمــوت.

كامل الزيارات ص 312. باز کردن / نظر دهید