قصائد منبريه مكتوبة2

2022-01-17 08:56:12 اليوم سوف نقرأ زيارة عاشوراء ونهدي ثوابها لام البنين عليها السلام بنيه قضاء الحوائج لمن قلدنا الدعاء والزياره

للمشاركه @abwameer93 باز کردن / نظر دهید

2022-01-16 13:18:06 ((هيبة الجبار))

هـيبـة الـجبـار ذكـره بالمجالـس راهـبـة
دخيل ريشاته البراسة دخيل رفة شاربة
دخيل رمشة الفوگ عينه دخيل ميلة حاجبة

يادخيل عيونه وريشاته .. ابا الفضل
الگمر ماخذ لونه من وجناته .. ابا الفضل
شمرة من حيدر ورث طگاته .. ابا الفضل

ياشيخ المراجل
بعينك لغز شايل
ميلة حاجبك ذيج
بيها گليبي مايل

دخيلك ياگمرنه  .. دخيلك يابو فاضل
_
حرگة اصحاب المجالس كلها من تدبيرة
چفوفنه علگها بيدك يبو چفوف چبيرة
من نشيل ايدينه فوگ نريد منك غيرة

اسمك الخلانه نرفع هامة .. ابا الفضل
بغيرتك شد غيرة اللـطامة .. ابا الفضل
بيدك الخادم تشدله حزامه .. ابا الفضل

يشارتنه وبختنه
يلمبلل گصصنه
يالمشيم الخدام
وتارسهم محنه

دخيلك يا گمرنه .. دخيلك يابو فاضل
_
تفور بينه الغيرة منك من نذكرك بالعزاء
كاشف الكرب لأخيك منك نريد الوفاء
ياگمر تسطع محنه من السبعة لـكربلاء

ياگمر وضوانه من چفوفك  .. ابا الفضل
عين باء و الف سين نطوفك .. ابا الفضل
يخو زينب يا دخيل حروفك .. ابا الفضل

يـابدر الهواشم
يالمشيم الفواطم
يضهر حسين ياحيد
يخلاس الصوارم

دخيلك ياگمرنه .. دخيلك يابو فاضل
_
بالزلم من نّعد لازم انته شيخ القائمة
بعد من ياضهر طالع غير ابن حامي الحمة
الما يطوف عله ظريحك ما يسمونه زلّمه

مغيم وتمطر شهامة علينه .. ابا الفضل
بالكرم كلش مخجل ايدينه .. ابا الفضل
دخيل بختك هاا يعم سكينه .. ابا الفضل

طامرنه بعطائك
واهسنه بندائك
من نصيح عباس
تغطينه بردائك

دخيلك يا گمرنه .. دخيلك يابو فاضل
_
مالك الاشتر شجاع وتشهد عليه الخصوم
بهندس ولا يرف گلبه لو اسود عليه تحوم
ومن خزرتك يابو فاضل صار مايكدر يگوم

مالك توازة وحجاها كبالك .. ابا الفضل
كلك اتكتر وشاف افعالـك .. ابا الفضل
رجفه گلبه واجه بسد خيالك .. ابا الفضل

مالك يمك محتار
يـاهـيـبـة الـجبـار
رآد يكول ميصير
خزرته وكالك صار

دخيلك ياگمرنه .. دخيلك يابو فاضل
_

حسين علي التقي
قنوات مؤسسة فاطميون
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2022-01-16 13:17:12 ((حب وطاعة))

تعلمنه الخدامة حب وطاعة
من الظحت ولدها بكل قناعة

لكالت كون مية انطيت
احسب كلشي ما وفيت

تعلمنه الخدامة .. تعلمنه الخدامة
____
رسالة حب وطاعة من ام الشفاعة .. ام الاربعة
رسالة علمتنه نشوف الخدمة جنة .. وهنيالة السعة
تعيش الغربة لازم من تتسمه خادم .. وگلبك توجعه
احذر من غرورك وقدم بس قصورك .. صيتك يرفعه

رادت ترسملنه احلى صوره
الخادم يعله لو قدم قصوره

لو تخدم عُمُّر شنطيت
احسب كلشي ما وفيت

تعلمنة الخدامة .. تعلمنة الخدامة
_
رسالتها جبيرة تميزت بأحلى سيرة .. سيرتها الوفه
اعرف قدر امامك يوصله هيامك .. لمن تعرفه
تقربله وتوسل اخجل وانته تعمل .. بهيام وعاطفه
الضحت كلشي عدها شغلى من ولدها.. درسها نسولفه

تقربله وتوسل كله اريدك
بس حسين ومحد راح يفيدك

كله بخدمتي شـجازيت
احسب كلشي ما وفيت

تعلمنه الخدامة .. تعلمنة الخدامة
__
وصت غاية بيها شما تتعب عليها .. تلآگيها بعدن
الخدمة بيها ذلة بس لحسيني تحله .. بس هو الوطن
گالت كلشي عوفه وحزنك ابقه طوفه .. شما دار الزمن
ابچي عله الأسيرة الغربتها جـبـيـرة .. وانحب للظعن

شوف ام الوفه شنهو جزاها
باب من الحوائج اصطفاها

ذوب بخدمة اهل البيت
احسب كلشي ما وفيت

تعلمنه الخدامة .. تعلمنه الخدامة
___
روحك خلها بيده والكافل عضيده .. سلملهم الأمر
الكافل يكفل أمرك من تلطمه صدرك .. وگليبك جمر
بمجلسهم تأدب خلك جمره تلهب .. بس لأم الخدر
عوف الدنيا كلها وخليها لأهلها .. وبالخدمة أبتشر

تذكر بت علي أزرك متنها
وادعي تنرزق بالغربة منها

واذا چم مجلس تعنيت
احسب كلشي ما وفيت

تعلمنه الخدامة .. تعلمنه الخدامة
___
درسها الاعظم النه لازم يحضرلنه .. الغايبله دهر
تكليفك تنطره  كلبك هم تكسره  .. حته تشوف أثر
اسأل عنه واسهر شوفه ماشي يا بر  .. گاضيها قهر
ذنبك هم يروفك بيا حال من يشوفك .. هو المنتظر

أنشد عن امامك شوفه وينه
اترك كلشي وعله الغربة عينه

بگلبك سمعه اشتاگيت
احسب كلشي ما وفيت

تعلمنه الخدامة تعلمنه الخدامة
__

حسين علي التقي
قنوات مؤسسة فاطميون
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2022-01-14 02:34:01 يا إِلهِي وَرَبِّي وَسَيِّدِي وَمَوْلايَ، لِأَيِّ الأُمُورِ إِلَيْكَ أَشْكُو،
#دعاء_كميل باز کردن / نظر دهید

2022-01-14 01:31:19 ( ثواب من زار الحسين عليه السلام) عن أبي عبد الله الصادق (عليه السلام) :قال سمعت أبي يقول : من زار الحسين (عليه السلام) وصلى خلفه صلاة واحدة يريد بها الله لقي الله يوم يلقاه وعليه من النور ما يغشى له كل شيء يراه ، والله يكرم زواره ويمنع النار أن تنال منهم شيئاً ، وإن الزائر له لا يتناسى له دون الحوض وأميرالمؤمنين (عليه السلام) قائم على الحوض يصافحه ويرويه من الماء، وما يسبقه أحد إلى وروده الحوض حتى يروى، المصدر /كامل الزيارات : باز کردن / نظر دهید

2022-01-14 01:30:22 ‏- إِنَّ الحُسَين "عليه السَلام " طَرِيقاً يَأخُذُ بِكَ إِلىٰ حَيث ‏"لا خَوفٌ عَلَيهُم وَ لا هُم يَحزَنون" باز کردن / نظر دهید

2022-01-12 10:31:59 أللهم صل على فاطمة وابيها وبعلها وبنيها والسر المستودع فيها بعدد ما أحاط به علمك وأحصاه كتابك باز کردن / نظر دهید

2022-01-01 03:25:03 جيت أشكيلك ياحيدر
مهظومة اوضلعي اتكسر

متعوبه أو شاحب لوني
واتفايض دمع اعيوني
والباري ايكون ابعوني
روحي اختنگت واتحسر

آنا امن الامي اتلوه
أو لاظل حيل أو لا گوه
اوهاي الدنيه الماتسوه
هظمتني اوگلبي اتكدر



ياحيدر آنه البضعه
ماملت عيني الدمعه
ماأنسى الطاغي او صنعه
اوكل لحظه امصابي اتذكر

يا فارس خيبر تدري
نابت بسمار ابصدري
والمحسن طاح ابكتري
مچتول امن ارباب الشر

حين الارجاس اتعدت
بعيوني الدنيه اسودت

عن هذا الدين ارتدت
والشاهد بابي التسعر

خلف الباب الملتهبه
عشت اللحظات الصعبه
واشعرت الموت اشگربه
اوصرت الگبري أتصور

ينزف دمي امن اضلوعي
اوهايم دلالي ابروعي
طفوا بالعصره اشموعي
اولاأنسه الصفعه التقهر !

ردتك بالليل الأظلم
تدفني او كابر عالهم
والطاغي الباغي الأجرم
ماريده ابدفني يحضر

حامد البدري

قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2021-12-23 20:42:54 ((يالكسرتي گلبي))

يلي عفتيني اصيحن ااه يويلي
يالكسرتي گلبي گومي ردي حيلي
يأم حسن رديلي لحظة وشوفي حالي
وداعت العشرة بچي مگضيه ليلي

انه قالق باب خيبر
لچن باب البيت صار عليه بلوه

حيلي مو الاول يفاطم
هسه اتچه و اكومن والله گوه

حيلي بالعصرة احسنه انسحگ
گلبي ويه الباب يالزهرة احترگ

اايفكدج فاطمة .. اايفكدج فاطمة
_____________
يأم حسن لو بيدي انه بگلبي ادفنج
والله ما ترهم ادفنج وامشي عنج
يل عشرتچ تارسه عيوني وخيالي
شلون اطب للبيت والكاه خالي منج

من دفنتج وانه ادعي
كون ولا لحظه وراج انه عشت

كوه اجرن نفسي كوه
كمت احس بروحي يالزهرة متت

ريته مسمارچ عله صدري انطبگ
گلبي ويه الباب يالزهرة احترگ
______________
خلاف وچهج يأم حسن غربة صدك
بابي طفوه  بس بقه بيه الحرك
انه شابع ظيم من چلمة و( إن)
چماله اشوف الكاتلج شابع ضحك

الناس ماترحم يفاطم
سوالف تهد حيلي سمعوني تره

بذاني ظل يحجون كالو
شلون ترهم زلمة ويطگله مره

سمعت انواع الحچي من الخلگ
گلبي ويه الباب يالزهرة احترگ
_____________
المحسن الجنت انتظر بس شوفته
ااخ تالي ابابي صارت طيحته
ما رضى عنج يروح و يبتعد
بوكت موتچ رآد تلفي موتته

توسد عله الترب دمه
يمـه مـا كلها بـقـت متحيرة

والله من ساعة مشيكم
وانه صاير بيتي نفس المگبرة

صاح يمه المحسن ويمچ وشهگ
گلبي ويه الباب يالزهرة احترگ
___________
رجعت من جنازتج وبحسرتي
احجي للحيطان راحت راحتي
ماشفت دربي يفاطم تيهت
تيهت دربي وانه بنص ديرتي

ودعتها وانه اصيحن
فتحي عينج يام حسن انه علي

بالله شيهودها روحي
انه مو فاگد مرة فاگد هلي

بروحي شديت الحزن عگبچ علگ
گلبي ويه الباب يالزهرة احترگ
___________
حسين علي التقي

قنوات مؤسسة فاطميون
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید