قصائد منبريه مكتوبة2

2022-03-18 02:56:52 كلام لكلبي من عده يصلي
وكلام لكلبه من عدي يصلي
اليحبك وجب يالحجه  يصلي
على بيت النبي واله وبنيه

اما ضج الانس لجلك اما ان
افعلا عطش اوصالك اما ان
يبن الحسن ما بسك اما ان
الوعد تظهر وتثار للزجيه

احبك لا سنه ولاشهر لايوم
ابجفه الشامت امنبعيد لايوم
مثل يومك ابد يحسين لا يوم
المهدي يرده الك يبن الزجيه

الكون ابجفه والموعود جفه
شر هاي الخلك يالله جفه
باجر في على الخدام جفه
حنين وجنه حماي الحميه

امجنونا فلاحبك ومالي
وخيرك تارس الدنيه ومالي
فدوه يروحلك جاهي ومالي
وهلي ودنياي والروح السريه

__
هلا بيمنت على الكرار وحسين وابو فاضل
مثل ما كفل زينب حيد لثار حسين هم كافل
جنابك حضرت المعقول تحضر فقط للعاقل
وبجيتك كلها تصحيها
___
الف وميه واثمنطعش عام وكلها لجيتك اتاني
ومن عدك خذوها اخيوط خيمة علي السستاني
وياكم بالفرح والظيم يابو الثار تلكاني
وياكم حد طلعت روحي
____
مشتاكين يالموعود عطش وبشوفتك كل ماي
كل جمعه التمر ملهوف واسئل كلت بلكت جاي
ماضل راي بغيابك ننطر وانته راعي الراي
كل جمعه متانينك بيها
__
يبو عمر الكضاه عاشور متى شمسك علي تضهر
والله ووحك داحي الباب كلبي اعليك يتفطر
اليتانيك عكس الناس سنه باليوم ضل يكبر
اضهر يالحجه ولم روحي
_
يوم اخمس طعش شعبان كل الكون بي يبدي
يفرح يبشر ويرتاح لان للدنيه اجه المهدي
كل الخلك ما موجود بس هوه انوجد عندي
وبنوره الدنيه مضويها
_
لاتنسوا صاحب الزمان من دعائكم
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2022-03-13 23:21:10 علي شعب الخدامه يكول شعبي
وخبر عن مولد الاقمار شعبي
الف مبارك لشعبان شع بيه
علي الاكبر ومالي الكون ضيه
______
كل الدنيه مبتهجه وكل العالم اتغير
مبارك يا ابو عبد الله نور بيتك الاكبر
نورا ابن نور النور جنه الكافل معتبر
تمام البدر عنه انكال وورث كل نوره من حيدر
والاكبر نوره امنجداده
______
يوم البهجه والافراح ماكو امجان للحسره
اجه لحسين فارس حيد وصارت جدته الزهره
جبير ابمهده عد حسين ولان اسمه علي امكبره
اسم ومسمى جن حيدر وما واحد وصل كدره
يحسين مبارك ميلاده
_______
افرح يالتحب احسين يفرح هوه من تفرح
الورد بالاكبر امعطر وبوجها الحَسِن صَبَح
تمدح ماتصل لذرار لذلك تمل من تمدح
والاكبر اهله يعرفونه

______
يا مية هله بشعبان اجه ونسرله وجداني
يحسين شدعيت الله واجالك حيدر الثاني
كل الكون منتظره موبس انته التاني
وابتسمت دنيانه بنوره

لاتنسوا صاحب الزمان من دعائكم

قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2022-03-07 18:08:47 اتجمع نور ربنه وصار منه حسين
(احد)ك القل هو ما صار منه اثنين
لان عد ابو حاجب سيف (ذو الفقار)
حط كل البصيره وهوه سواه (عين)

#متباركين_بالولاده
#اللهم_عجل_لوليك_الفرج
لاتنسو صاحب الزمان من دعائكم باز کردن / نظر دهید

2022-02-19 00:01:06 ((لحظات الدفن))

لحظات الدفن ثگلن عليه
چي خواني ماحضرو اليه

اليموت بلايا اخوته موتته شدة
يعني چفوف غربة تنزلة اللحده

وانه أتلوه واصيح الغاضرية ..
____
أحس شالو نعشي گوه .. ونزلوني للگبر
هذا حدي وي النوايب .. السلبن مني العمر
اخ من السبي وضيمه .. ووگفتي باب القصر
اخ يالشام ومصابه .. فاطر گليبي فطر

شدة موتتي والغربة آذوني
ومن هزة التابوت أدري ملوني

يشعوني ويصيحون السبية
وانه أتلوه وأصيح الغاضرية
____
بالخرابة وما اجيتو .. شلون اتاني باللحد?
هاايخوتي عتاب گلبي .. يوصل لساني ويرد
صاحو عليه غريبة .. وهالأسم يمرد مرد
وكت خلاني بترابة .. وبالعرش تگعد هند

من عگب الكفلني حيرتي حيرة
كعدتي بالخرايب كلش جبيرة

بعد فياي اخوتي شصار بيه
وانه أتلوه وأصيح الغاضرية
____
موش گدري هالخرايب .. لچن مجبورة دخلت
وسادة من تراب اسوي .. اذكر حسين وصحت
بيوم عاشر لمن شفتك .. عل المخيم باوعت
ردت تفزعلي لچنك .. حيل مابيك وطحت

بذاك الحال ماسعفنك جروحك
ركض مخدراتك طلعت روحك

يمك والله اموتن لو بديه
وانه اتلوه وأصيح الغاضرية
___
آه ياجرحي الجرالي .. أبد ما صار بمرة
ولدي گدامي ذبحوهم ..واخوتي هم بالسرة
من بعد هيبة دلالي .. وانه بنت المفخرة
ارجع بناگه هزيلة .. بشور حادي ميسرة

وره كل الصار وحرگة خيامي
ذباح اخوتي يتمشه گدامي

آيـا حـيـرتـي بـذيـچ الرزيـة
وانه أتلوه وأصيح الغاضرية
____
حسين علي التقي
قنوات مؤسسة فاطميون
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2022-02-17 09:08:52 ((آخر وصية))

آخر وصية .. وكت المنية
وصلو سلامي .. للغاضرية

ماهم اخوتي .. عزي وتچوتي
وين اليفزعون .. گبل عل صوتي

من اخوتي ما ظل أمل
حته الصبر بيه انكتل
هذا اللحد يومه وصل

هذا حدّي يخوتي وياكم
بعد ماظل وكت حته انعاكم
وانه بالتابوت هم أنخاكم
بلكي منكم أمل شوفه ألگاكم

واا ويلاه واا ويلاه يازينب
واا ويلاه واا ويلاه يازينب
_
وين الكفلني .. ريته حضرني
ويهيل التراب .. بيده ودفنّي

الكافل خدرها .. خلص عمرها
تمنت تشوفك .. تحظر گبرها

يالكافل اختك رادتك
تچفنها كون برآيتك
وترش گبرها بدمعتك

شوف حال اختك شصاير بيها
جنازة مطروحة تظل تاليها
واگف السجاد يحشم ليها
استضگلوها الغرب ويلي عليها
___
وحسيني اريده .. ويه عضيده
يحضرني للشام .. يدفني بيده

خلصت حياتي .. وهاي أمنياتي
يحضروني اخوتي .. ساعة مماتي

وسفه امنياتي تطشرت
من هجمت الخيل واجت
وبكربله أنداس البخت

شما اغمض الگه ذيچ الشوفة
عله صدر حسين خيل تطوفه
تدافعت وياها حته تعوفه
حافية وأركض ركض ملهوفة
___
الحسرة الچبيرة .. أنه الاميرة
بفاتحتي مامش .. بيرغ عشيرة

بعد المأسي .. وشيب البراسي
بالغربة موتي .. وما هما ناسي

لا من أخت لامن أخو
لا أم أجتلي ولا ابو
چاا ظلتي بالله شكو

هاي عود انه العزيزة بحالي
گرب موتي ومحد تعنالي
لا عشيرة ولا سند يبرالي
ظلتي ألمن موتتي أشوالي
___
كون الهوى الهاب .. جاي من الأحباب
من كربله ريت .. ويجيس التراب

هاايه وصيتي .. يا اهلي بيتي
لن بهوى الشام ..مختنگه ريتي

والله لهواكم گمت احن
ياريته يوصل للچفن
مشتاگه وبگبري أون

هذا حالي يخوتي تاليه
حته من ترابهم مچويه
شکبر حظي لون توصل ليه
نسمة من كربله تطب للريه
___حسين علي التقي

قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2022-02-17 09:08:47 عطشت سوالف ملوحه
عطشت الشوفت عيونك
خلص بيه العمر عباس
لهفانه    على   متونك

ما تجوني... جلمه عاشت وي دمعتي
ما تجوني.. عمري خلص ياحسرتي
ما تجوني.. شمتت الناس بغربتي

اه
خويه.. نعش العقيلة يريد أهل
خويه.. بيجار جبناه الحمل
خويه.. لا عين من عدهم تهل

غريبه زينب... غريبه زينب
_
عيني بالدمع غمضت
وروحي بالحزن طلعت
طلعت روحي مشتاگة
يعباس شكثر صاحت

راح اموت.. وروحي مشتاگة الچفوفك
راح اموت.. اللساني يلفض بس حروفك
راح اموت.. خلص عمري يمته اشوفك

اه
خويه... گضه عمري بالحزن
خويه... گضه حسرات  وأون
خويه.. وباچر يلفني چفن

غريبه زينب... غريبه زينب
_____
رسمت جفوف يم نعشي
كلت بلكي يرحموني
ولا اسمع غريبه تموت
وخواني هّم يجوني

ياحسرتي... روحي طلعت بس اتاني
ياحسرتي.. بيه ما يرحم زماني
ياحسرتي.. ماكو من يرحم حناني

اه
خويه.. انه الإميره ام الخدر
خويه... خلصت ايام العمر
خويه.. حته نعشي بلا ستر

غريبه زينب... غريبه زينب
_____
احسدك ياگمر  ع الطف
آخر لحضه يم اختك
بس انه جره بحالي
تانيتك ولا شفتك

ياغربتي... مو مثل غربت كفيلي
ياغربتي..وداع بس ماخذلي حيلي
ياغربتي.. انه اموت ومحد يجيلي

اه
خويه... كلشي ضاع وي اليسر
خويه.... إلي هسة يچويني جمر
خويه... محشومة طبت للقصر

غريبه زينب... غريبه زينب
__
جعفر الحميداوي

قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2022-02-17 09:08:39 بلايه صياح
طلعت روحها وعليها محد صاح
والجنازه العزيزه تريد صوت صياح

يا مكلف مصايبها
النار البيها كلما گربت تنزل
ترد الشام وتشبها
بيش الشام تطلبها؟
خذت زينب وما يمها گرايبها
وخلتها غريبة وماتت بحسره
هاي الچانت الها ويه اللطم عِشره
وعلى جنازتها مالطمن حِبايبّها
وذبحتها نوايبها
وتموت بمنزل الذباح
بلايه صياح

تغمض العين
شافت شجره چان عليها راس حسين
وطلع وي روحها آخر صوت
آ يحسين
آخ شخله بيها البين .. عگب حسين
جروح وتمشي فوگ الگاع
وطاحت بالغرب ما ينلگه الفزاع
ها يجروح زينب بيش تنشالين
أخوه منين؟ راح الراح
بلايه صياح

سكته تموت
مثل امها نعشها يطلع بلا صوت
بس مو اهلها اليشيعون
مو من هاشم الزاتوت
سكته تموت
علي السجاد وحده يعيش محنتها
وخلص حيله اعله غربتها
بچه شما بي دموع وما برد حزنه
وشگد صاح
وآويلي اعله عمتنه
سكته تموت!
هاي عليها كون يضج هدوء الكون
كون عليها تعمه عيون
هاي ام عون
طاحت والهظم ما طاح
بلايه صياح

غريب ودمعته بعينه
إمن اهله شگد دفن بيده
الله يساعد ايمينه
شريكة دمعته وحزنه
يدفنها وبچه عليها
يدفنها ويحاچيها
يالمجروحه حاچيني
اليموت بجرحه هم يرتاح
بلايه صياح

سيد مرتضى الياسري

قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2022-02-17 00:26:11 غدا باز کردن / نظر دهید

2022-02-16 19:53:37 نهر وانفتح عالطف من جروها
وكلشي انكلب ضدها من جروها
ما تعرف جلبها من جروها
كلها اتنابحت عالال هيه

ما همها الاعادي من سبوها
ولا للشام والمن من سبوها
بس الخنك زينب من سبوها
وامها الطاهره الحره الزجيه

ضمير وهمه  غلطه منبوها
نبا وطب اذن كلشي منبوها
ما ميزوا زينب من ابوها
لان حره وشجاعه وهاشميه

ابو لكل طفل صارت من نخوها
وابد بالطف الحره من نخوها
خذت ذيج الصلابه من اخوها
لذلك زينب الصلبه الابيه

عليها الدنيا ضاكت من شدوها
بحبل والبال كور من شدوها
من انتي يحرمه من شدوها
كالت بت علي وتفتخر هيه

لاتنسوا صاحب الزمان من دعائكم

قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2022-02-09 20:02:52 انه زينب .....يالتزور حسين وصيه اعلى امري
انه زينب........ كله مشتاكه واريده يزور كبري
انه اليكلي الحبيبه        هسه من بعده غريبه
                  انه زينب
______
شايف الفاكد عزيز               وناطره ايمر لو حلم
انه يعكوب الحسين             وعطره يوميه اشم
ناطره اتراب اعلى راك         واعلى يا ساعه انهدم
انه شمعه بكلبي نار             اشما احنله انثلم
الفاكده اخوان اوغريبه اتروح وين
بالاخص لو جان واحد ك الحسين
والمثل جود ابو فاضل ماله ادين
اه يا عظم المصيبه     هسه من بعده غريبه
              انه زينب
__________
يابعد ذني اليشوفن              واليدك جوه الضلع
انشلع كلبي ابغايبك              وادري راسك ينشلع
وانكطع هم لابو فاضل          مثل جفه الينكطع
متت مرتين بغيابك              واليواسيني الدمع
الحيلها اخوتها ومشوا هم يبقه حيل
الجَبَر الدين ابدمائه اترضه خيل
يموت كل يوم الفكد لو صار ليل
تفتر الدنيه عجيبه     هسه من بعده غريبه
             انه زينب
__________
بالسنه لو مره دزلي              مو خيالك لو ترب
لمن اشتمه اعيش               ويرجع ايدك الكلب
كربله اتصيح الغريبه           وانته زوارك تطب
وآه لو للشام وصلو             يمكن ايموت الغرب
حجر دنيانه صفت والغربه جام
ليل من دون اخوتي يخنكني كام
والتريد لكربله امعطلتها شام
والبقه اثيابه سليبه   هسه من بعده غريبه
               انه زينب
__________
انه عطشانه ارد اشوفك                 ما يرويني النهر
من تجي بطولك عليه                لو تجي بس النحر
انه اخاف اعليك تتعب             يا حسين الدنيه حر
انته بس انته الامان                وكلها هاي الدنيه شر
انه مشتاكه ارد اشوفك من زمان
يا حنان الدنيه ما شفت الحنان
من بعد بعدك عليه ماكو امان
والعلى كلبه قريبه    هسه من بعده غريبه
          انه زينب
__________
ياكسر كلب العزيزه                    والكظتها امدلله
من تشوف حسين وحده           وما بقه واحد اله
زينب بليلة العاشر                         موتتها  كربله
للهوه من بعد اخوتي                اتكله زينب لاهله
كل بشر مره يموت بهالحياة
تموت مرتين الاخوها يمها مات
وعالنهر جفين اخوها امكطعات
والبقى اخدوده تريبه            هسه من بعده غريبه
       انه زينب
__________
جيب وياك ابو فاضل         خل اشوفه كلبي حن
بيش يشبكني امنشوفه            مو اديه اتكطعن
يشوف من سهم البعينه           من الاكيه ابجفن
ما يكلولي الغريبه                  خويه جيتكم وطن
واليحن كلبه ويجي يمه الحبيب
مثل اليحصل وطن ميضل غريب
مثل ابو فاضل بعد من وين اجيب
والثبت بالطف حليبه       هسه من بعده غريبه
           انه زينب
__________
لاتنسوا صاحب الزمان من دعائكم
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید