الشاعر حيدر العمار الخزعلي

2021-07-28 19:01:19 لحن قصيدة ( ضحگتك ذبحوهه ) باز کردن / نظر دهید

2021-07-28 19:00:05 جديد ...
قصيدة ( ضحگتك ذبحوهه )

السلام على عزيزه الحسين رقيه (ع)

☆☆☆☆☆☆☆☆☆☆☆☆

ضحكتك ذبحوهه ... للسبي ودوهه
ورده چن شلعوهه
من صدرك حسين

●●●●●●●●●●●●●●●●

تشبه الورده بشكلهه والورد من عدهه غار
چانت بحضنك وطنهه تغفه و يدور المدار
ماي تِرويهه بضحگتك ورگه چفيهه الزغار
من عفتهه يابو الأكبر داست آبرجليهه نار
طفلتك حيروهه
بالضرب جبروهه
تبتعد خلوهه
من صدرك حسين

●●●●●●●●●●●●●●●●

شبو النار و شفتهه تحترك طفله و تصيح
اذني تاذيني ي عمه والدمه فيض ويسيح
بالفله تركض رقيه و عل وجه كلسع تطيح
من شفتهه تيهتهه شنهو بيهه المو جريح
شردت وتبعوهه
بالرمح دفعوهه
عالثره شمروهه
من صدرك حسين

●●●●●●●●●●●●●●●

جابو الماي و اجتك تركض ام قلب الحنين
گالت ازكيه واشوفه ارتوي بشُرب الحسين
عالجسد واحد سطرهه گلهه ذوله موذرين
منهو يفزع لو ندبتي منهو ترجعله السنين
تنحب وسطروهه
بالحبل شدوهه
لليسر وَدوهه
من صدرك حسين

●●●●●●●●●●●●●●●

تحچي وي راسك شفتهه بالرمح راسك يدير
طفله تصرخلك حبيبي اسره من سار المسير
عالهزيله بحضني تدري و فرفحت نار الزفير
تچوي روحي وحيرتي يا حچي اليقنع اسير
تنحب وشتموهه
بأسمك يذكروهه
بالضرب سكتوهه
من صدرك حسين


●●●●●●●●●●●●●●●

شافت الطفله بحلمهه شخصك و گعدت تنوح
وين ابويه حسين اريده يمسح بچفه الجروح
ارد اشبگه و أرد اشمه من الخرابه و ياه اروح
شالت الراس بحضنهه و ما بقه بل طفله روح
ماتت و دفنوهه
بالغرب تركوهه
بالغصب حرموهه
من صدرك حسين

●●●●●●●●●●●●●●●

الشاعر : حيدر العمار الخزعلي

. باز کردن / نظر دهید

2021-07-27 17:26:32 لحن أخر
قصيدة (( ردو بيهم )) باز کردن / نظر دهید

2021-07-27 17:25:21 لحن قصيدة (( ردو بيهم )) باز کردن / نظر دهید

2021-07-27 17:24:00 جديد .... قصيدة (( ردو بيهم ))
لسان حال العليله وهي تخاطب عمها العباس (ع)

◇◇◇◇◇◇◇◇◇◇◇◇
◇◇◇◇◇◇◇◇◇◇◇◇
ردو بيهم ... روحي ذابت يابو فاضل شحتمل
ردو بيهم .... ما نمت بس احلمت شفت الهزل
ردو بيهم

●●●●●●●●●●●●●●●●●

عانِدت عيني المنام ... مانمت اقره السلام ...
وانتظركم
جالسه مابيه صوت ... والنفس شهگاته موت ...
بس ردتكم
من الأذان و للأذان .... أجلس بنفس المكان .....
عاتبتكم
طول وطال المغيب.... و الفِكر ياخذ يجيب ...
وشيردكم
كون اجيكم .... اگعد بنصكم واسولف ما امل
كون اجيكم .... واشبگ حسين وأشمك يا نَفل
ردو بيهم

●●●●●●●●●●●●●●●●●

توقفت عندي الحواس .... ألتفت ما يمي ناس ...
واسمعتكم
اسمع اصوات الألوف ... تخيلت مدري اشوف ...
ناضرتكم
واتبعت ضن و سراب .... والفكر ضاع بضباب ...
ميزيتكم
واعرفت صوت البعيد .... و اشتِعل نار الوريد ....
حصنتكم
ادعي ليكم ... ما طفت ناري بدليلي المشتعل
ادعي ليكم ... ومدمعي فوگ الوجه احمر يهل
ردو بيهم

●●●●●●●●●●●●●●●●●

سافر بروحي الهيام ... وادخلت وسط الخيام ...
بوستكم
والعدد شفته قليل ... و انلچم عمي الدليل ...
واحسبتكم
وينك انته ما اشوف .... واسمعت كلمه طفوف ...
تفگدتكم
وين الاكبر و العمام ... وينه جسام الهمام ....
حلفتكم
ذابحيكم .... عالنهر منهو الوگع والمنچتل
ذابحيكم ... لو بقه يابو الوفه منكم عدل
ردو بيهم

●●●●●●●●●●●●●●●●●

جددت گمت الوضوء ... وحالتي اكثر تسوء ....
من بُعدكم
وانفتح لحساسي باب ... واسمعت صوت الرباب ...
كَلِمَتكُم
ضامي عبد الله حرام ... بالغصب صار الفِطام ...
يا قهركم
واسمعت گامت تصيح .... يُمه أخلص واستريح ...
وي ابنكم
احچي بيكم ... ويه روحي واسمعت رمية نبل
احچي بيكم .... صوبت اصغر نحر نحر الطفل
ردو بيهم

●●●●●●●●●●●●●●●●●

تعوذت گلت الضنون .... و هالمسه لازم تجون ....
روحي يمكم
سلب اعيوني النحيب .... عالوعي بتكم تغيب ...
شكبره همكم
والدي شفته ابمكان .... ماشفت بيه الأمان ...
ودي يمكم
عالرمح چن الرؤس .... بالصدر خيل التدوس ...
يجري دمكم
مسلبيكم .... شاهدت بس النسه بچفهن حبل
مسلبيكم .... و العليله تنتظر منكم وصل
ردو بيهم


●●●●●●●●●●●●●●●●●

الشاعر : حيدر العمار الخزعلي

●●●●●●●●●●●●●●●●● باز کردن / نظر دهید

2021-07-26 18:30:00 مبارك لشيعه امير المؤمنين عيد الغدير

https://t.me/Hauij







هذا عيد الله الچبير
علي مولاي امير .... علي مولاي أمير


■■■■■■■■■■■■■

حكهه تتباهه الارض تنثر مسره
حكهه تسجدله الشمس للتمشي بامره
علي مولانه صُبح و شكبره قدره
والبغض حيدر يموت يكتله قهره
بالسمه الطير اليطير
غرد بعيد الغدير
علي مولاي امير ... علي مولاي امير


■■■■■■■■■■■■■


الي مايسوه الذكر ماريد اذكره
الركض صوب الخلافه راد شُهره
ياهو أوله لو نسئله شنهو عذره
وغير حيدر مانود ولا نغيره
ويا علي مالك نضير
ياهو كال انت الاخير
علي مولاي امير .... علي مولاي امير


■■■■■■■■■■■■■


بنورك انت ياعلي اسنيني كمره
وبمماتي سيدي ادروبي خضره
انه مولاي اعترف ماوافي قطره
انت البحر البي دُرر يا أغله دُره
انت نورت الضمير
حاضر لكلمن يحير
علي مولاي امير .... علي مولاي امير


■■■■■■■■■■■■■


غالب يطب الحرب وبسيفه نصره
للشدايد يعتني و الحومه ادره
كرار حيدر من يُكر أيسوي ثوره
لمن يغير وينتخي مكشوف صدره
علي وجهه مايدير
يهجم ويعلن نفير
علي مولاي امير ..... علي مولاي امير


■■■■■■■■■■■■■


ميزان يحكم بالعدل والوده يقره
ينظر مكارم سيدي متفوته شعره
مجنون بيه وهمت وبگلبي حضره
واتمنه انه لو متت يم گبري گبره
وي علي صار المصير
وما خفت انه السعير
علي مولاي امير ....علي مولاي امير


■■■■■■■■■■■■■

الشاعر : حيدر العمار الخزعلي

. باز کردن / نظر دهید

2021-07-26 17:45:36 لاي استفسار خادمكم
الشاعر : حيدر العمار الخزعلي
@HaeiderALkhazaily باز کردن / نظر دهید