2021-07-18 19:36:47
جديد ..... قصيدة ( كتبت وصية )
نسأل الله التوفيق والقبول
■■■■■■■■■■■■
كتبت وصيه ... بنت الزچيه
■■■■■■■■■■■■■■
كتبت وصيه بالدمع عالغبره محفوره
ماعدهه قرطاس وقلم واتخيل الصوره
من الحجر لمن تمر و الدمعه منثوره
يكتب دمعهه عالصخر ودوني مسبيه
■■■■■■■■■■■■■■
دمعتهه حمره لو جرح خديهه صابغهه
كتبتله البأخر زمن منهو الي ضاربهه
يامهدي حارت عمتك حرگو مضاربهه
ابغربه سارت بالدرب عيناهه معميه
■■■■■■■■■■■■■■
كتبتله الحسين انذبح وتوصف الحاله
تنقله كل الي حصل چلماته و اقواله
فوگ الثره اتلاثه ضل محد اجه وشاله
جدك يمهدي منطعن الف و تسعميه
■■■■■■■■■■■■■■
تحچيله ضلت عالگمر وتسولف افعاله
وتگله عمک من هجم ما بقه خياله
دوهنهه كافلنه ويطر بيمينه وشماله
فوگ النهر چفه انگطع آمفرفح الريه
■■■■■■■■■■■■■■
عبدالله مذبوح وچفن صاير اله گماطه
الأكبر اكبالي وگع جيش العده حاطه
عريس عدنه مافرح دولبهم ازماطه
ناداهم انه ابن الحسن و انتم مراديه
■■■■■■■■■■■■■■
للكوفه اخذوني بحبل والونه مسموعه
فرونه بالشام بطبل والروس مرفوعه
تتورج الوادم بقت و الغيره مگطوعه
محد فزع يبن الحسن والناگه محنيه
■■■■■■■■■■■■■■
ماتت رقيه بالغرب وهناكه عفناهه
خوله مثلهه بالحزن نلطم دفناهه
كل المأسي بالسبي يامهدي شفناهه
جوع وخطر وي العطش ومتوني مدميه
■■■■■■■■■■■■■■
الشاعر : حيدر العمار الخزعلي
.
816 viewsحيدر العمار الخزعلي, 16:36