الشاعر حيدر العمار الخزعلي

2021-07-20 17:57:38 لحن قصيدة ( متغير حته آخيالچ ) باز کردن / نظر دهید

2021-07-20 17:52:59 جديد ...
لسان حال ام البنين وهي تخاطب السيده زينب

قصيدة ( متغير حته آخيالچ )

■■■■■■■■■■■■■

متغير حته اخيالچ .. يالذبحو كل ارجالچ
اذوچ ... ذبحوچ ...
غيروچ ... تعبوچ ... متغير حته اخيالچ

■ ■ ■ ■ ■ ■ ■ ■

صدك عود انتي العقيله وانه عود أُم الگمر
حيل متغيرات زينب والعتب مو عل النظر
ليلي ما نمته ابسفركم بيه و اشسوه الدهر
ماعرفتچ حتى صوتچ چنه ضهرچ الانكسر
مبحوح ... مجروح ...
والروح ... التنوح ...
وگليبي حس بحالچ
متغير حته اخيالچ

■ ■ ■ ■ ■ ■ ■ ■

ليش محنيه وعباتچ حمره محروگ الطرف
ليش رديتي ابخواتچ والوجه لونه انخطف
وين الحسين وبنينه وينه اليحامي الشرف
وين الاكبر وينه جاسم زينب اگليبي آنزرف
مخطوف ... ملهوف ..
معصوف ... مچتوف ..
والحيره بوجه اطفالچ
متغير حته اخيالچ

■ ■ ■ ■ ■ ■ ■ ■

وين البدور المزهره وينه بدرچ ما حضر
ليا سبب خلاچ وحدچ كافلچ فارس مضر
خايفه قَصر واجرحچ خايفه ومامش خبر
بس اطمن روحي ادري فرهِده مني القدر
محتوم ... معلوم
ملچوم ... هاليوم
متحير چي ما جالچ
متغير حته اخيالچ

■ ■ ■ ■ ■ ■ ■ ■

سولفيلي بالي يمكم ذوب اگليبي الألم
اگعد أتذكر صوركم واركض واتبع وهم
مره اسمع طفله تصرخ تنحب آدور خيم
مره اغفه و بضلوعي انضرب چن بسهم
اوهام ... احلام
الخيام ... تنضام
وتوج و چن اگبالچ
متغير حتى اخيالچ

■ ■ ■ ■ ■ ■ ■ ■

أيست مامش اخوتچ و اعرفت من الدمع
شما جبتلچ طاري واحد النعي شو يرتفع
بس أسئلچ عن رُقيه الخضرت وسط الضلع
ما شفتهه و لا اختهه ما أجن وي هالجمع
اشصار ... وشدار
شخبار ... الصغار
وشباقي وشنهو آبالچ
متغير حتى اخيالچ

■ ■ ■ ■ ■ ■ ■ ■

الشاعر : حيدر العمار الخزعلي

■ ■ ■ ■ ■ ■ ■ ■ باز کردن / نظر دهید

2021-07-19 17:29:29 لحن قصيدة ( فدوه لأسمه وأسم الأكبر ) باز کردن / نظر دهید

2021-07-19 17:27:29 جديد .... قصيدة ( فدوه لأسمه وأسم الأكبر )

●●●●●●●●●●●●●●

فدوه لأسمه .... واسم الأكبر
فدوه لأسمه .... واسم الأكبر

●○•○•●○•○•○●•○•○•●

حسين القصه الما معيوده
ماكو مثله ويا هو ابزوده
روه الدنيا و يابس عوده
مثل حسين ولا يتكرر ....
فدوه لأسمه ... واسم الأكبر

○•○•○•○•○•○•○•○•○•○

خط الثوره بدم جروحه
قدم ولده وضحه بروحه
لأجل الدين وتشهد سوحه
هوه الحق و همه المنكر ....
فدوه لأسمه .... واسم الأكبر

○•○•○•○•○•○•○•○•○•○

شد احزامه وشد الهمه
عزم الدنيا مو گد عزمه
فدوه تروح الدنيا لاسمه
كل الدنيا وبعد و اكثر ....
فدوه لأسمه .... واسم الأكبر

○•○•○•○•○•○•○•○•○•○

ضحه بأصغر وأكبر ولده
انطه اخوانه وكل العنده
دون الدين وحارب وحده
كون الباري اعليه اتکدر ....
فدوه لأسمه .... واسم الأكبر

○•○•○•○•○•○•○•○•○•○

طاح وخيل الداست صدره
ثوبه اتسلب منهو اينصره
ضل اتلاثه بحَر الغبره
مثل اشفافه گليبه اتفطر ...
فدوه لأسمه .... واسم الأكبر

○•○•○•○•○•○•○•○•○•○

هز الكون الحزو نحره
شاعل بينه حسين الجمره
ما ننساه و امه الزهره
ما نتركهم ما نتعذر ....
فدوه لأسمه .... واسم الأكبر

○•○•○•○•○•○•○•○•○•○

باجر محشر يَهل الغايه
حسين الجنه نطبهه برايه
ما يدخلهه بس وفايه
باجر بيده ويزكي الكوثر ....
فدوه لأسمه .... واسم الأكبر

○•○•○•○•○•○•○•○•○•○
خادم الحسين
حيدر العمار الخزعلي
○•○•○•○•○•○•○•○•○•○ باز کردن / نظر دهید