الشاعر حيدر العمار الخزعلي

2022-06-17 15:11:00 جديد ...
لسان حال ام البنين وهي تخاطب السيده زينب

قصيدة ( متغير حته آخيالچ )

■■■■■■■■■■■■■

متغير حته اخيالچ .. يالذبحو كل ارجالچ
اذوچ ... ذبحوچ ...
غيروچ ... تعبوچ ... متغير حته اخيالچ

■ ■ ■ ■ ■ ■ ■ ■

صدك عود انتي العقيله وانه عود أُم الگمر
حيل متغيرات زينب والعتب مو عل النظر
ليلي ما نمته ابسفركم بيه و اشسوه الدهر
ماعرفتچ حتى صوتچ چنه ضهرچ الانكسر
مبحوح ... مجروح ...
والروح ... التنوح ...
وگليبي حس بحالچ
متغير حته اخيالچ

■ ■ ■ ■ ■ ■ ■ ■

ليش محنيه وعباتچ حمره محروگ الطرف
ليش رديتي ابخواتچ والوجه لونه انخطف
وين الحسين وبنينه وينه اليحامي الشرف
وين الاكبر وينه جاسم زينب اگليبي آنزرف
مخطوف ... ملهوف ..
معصوف ... مچتوف ..
والحيره بوجه اطفالچ
متغير حته اخيالچ

■ ■ ■ ■ ■ ■ ■ ■

وين البدور المزهره وينه بدرچ ما حضر
ليا سبب خلاچ وحدچ كافلچ فارس مضر
خايفه قَصر واجرحچ خايفه ومامش خبر
بس اطمن روحي ادري فرهِده مني القدر
محتوم ... معلوم
ملچوم ... هاليوم
متحير چي ما جالچ
متغير حته اخيالچ

■ ■ ■ ■ ■ ■ ■ ■

سولفيلي بالي يمكم ذوب اگليبي الألم
اگعد أتذكر صوركم واركض واتبع وهم
مره اسمع طفله تصرخ تنحب آدور خيم
مره اغفه و بضلوعي انضرب چن بسهم
اوهام ... احلام
الخيام ... تنضام
وتوج و چن اگبالچ
متغير حتى اخيالچ

■ ■ ■ ■ ■ ■ ■ ■

أيست مامش اخوتچ و اعرفت من الدمع
شما جبتلچ طاري واحد النعي شو يرتفع
بس أسئلچ عن رُقيه الخضرت وسط الضلع
ما شفتهه و لا اختهه ما أجن وي هالجمع
اشصار ... وشدار
شخبار ... الصغار
وشباقي وشنهو آبالچ
متغير حتى اخيالچ

■ ■ ■ ■ ■ ■ ■ ■

الشاعر : حيدر العمار الخزعلي

■ ■ ■ ■ ■ ■ ■ ■ باز کردن / نظر دهید

2022-06-17 15:11:00 جديد ... نسأل الله القبول
قصيدة ( خويه وينك )

••••••••••••••••••••••••••••••••••••••••••••
°°°°°°°°°°°°°°°°°°°°°°°°°°°°°°°°°°°°°°°°

خويه وينك .... جابو الهزل إلي

خويه وينك ....يابو فاضل كافلي


︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎
︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎


من طحت فوك الشريعه اخذت النار الخيام

انسلب خدر العقيله وانسلب حته السلام

طاح حملي وشيشيله خويه هل حل الضلام

والضعن تسمع عويله بيا ستر كلي ينام

تدري عينك ... لو طفت يابن علي
خويه وينك ... يابو فاضل كافلي


□□□□□□□□□□□□□□□□

احترك طرف العبايه وانجوت خويه الجفوف

ضاكت الوسعه عليه هجمت اعلينه الصفوف

طفله تاهت من اديه بين الرجال وسيوف

طفله سحكوهه اميه وماتت بأرض الطفوف

بت حُسينك ... ضاعت وضاعو هلي
خوية وينك ... يابو فاضل كافلي


□□□□□□□□□□□□□□□□□


شبعت ايتامك نياحه وطاحو اعلينه بضرب

وارد اكلك بالصراحه التحرس اجناب وغرب

كلبي من همه وجراحه ما لكه لجيتك درب

والفجر طول صباحه وشِيبت روحي الحرب

كل بنينك ... تشتكي وين الوِلي
خويه وينك ... يابو فاضل كافلي


□□□□□□□□□□□□□□□□

خويه للكوفه خذونه وشدو بأيدي الحبل

عل دعي من دخلونه ونوخت خويه الابل

تنظر الناس ورمونه ونظرت الشامت نبل

وتالي ماتالي حدونه لشام الاحزان أبطبل

بلا حنينك ... شمر يحدي بمحملي
خويه وينك ... يابو فاضل كافلي


□□□□□□□□□□□□□□□□

بالخرابه طفله ماتت وانفطر كلب الحجر

يارقيه كلهه صاحت والظهر والله انكسر

النوايب بينه دارت وصرخت وين الكمر

المدامع تدري حارت تبجي ياهم يا قهر

رد سنينك ... انهض وارجع إلي
خويه وينك ... يابو فاضل كافلي


︎¤ ︎¤ ︎¤ ︎¤ ︎¤ ︎¤ ︎¤ ︎¤ ︎
︎¤ ︎¤ ︎¤ ︎¤ ︎¤ ︎¤ ︎¤ ︎¤ ︎

الشاعر : حيدر العمار الخزعلي

︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎ باز کردن / نظر دهید

2022-06-17 15:11:00 نبات ( ردات ) ليلة الوحشه

■■■■■■■■■■■■


يا زينب حالچ ياحال وانتي بهل محنه
ما عشنه الطف وشفناه بس بيه اسمعنه
بيه اسمعنه وشاب الراس
عانچ الله ابلا عباس
و خيامچ شبوهه آبنار وانتي المسبيه
ويلاه ... يالبوة حيدر


■■■■■■■■■■■■■■


يازينب راس العباس مرفوع و يرهب
يحرسكم ضل طول الليل ودموعچ تندب
يابو الغيره و النوماس
شوف حسينك ياعباس
عطشان ومسحوگ ضلوع عالغبره مسلب
ويلاه ... يالبوة حيدر


■■■■■■■■■■■■ باز کردن / نظر دهید

2022-06-17 15:11:00 جديد ... قصيدة ( ياشهيدَ كربلاء )

◇◇◇◇◇◇◇◇◇◇◇◇◇◇



خالد و يبقه العزاء ... ياشهيدَ كربلاء

●●●●●●●●●●●●●●●

تنمحي كل الاسامي ويبقه اسمك بالقمم
تنفني كل الخلايق و الله يبعثلك خدم
يالصرت سيد عليهه سيد اعراب وعجم

سيد أقطاب السماء ... ياشهيد كربلاء

●●●●●●●●●●●●●●●

بالجمر دلالي يلهب ما طفه حسين الجمر
انتحب اجري دمعتي ما لزم دمعي الصبر
انه من گد ما احبك روحي لأجلك تنعصر

ياجرحنه و الدواء .... ياشهيد كربلاء

●●●●●●●●●●●●●●●

يا قتيل العبره ضامي للسمه بجرحك طرت
صعدت لخالقهه روحك دققت بيك و شفت
شايل بأيدك منيتك من خيامك و احرمت

لله لبيت النداء ... ياشهيد كربلاء


●●●●●●●●●●●●●●●

الدنيا يا مرخص ثمنهه وانته يالمالك ثمن
كلمة الله و الرساله بدمك حسين اعتلن
انت ستر الله وشرفنه خيره بالسر و علن

خامس اصحاب الكساء ... ياشهيد كربلاء

●●●●●●●●●●●●●●●


نبقى بالخدمه نباهي نصرخ ونطلب مدد
لو تموت اجيال بينه تواصل اجيال العهد
خالده هالحرگه تبقه عدنه وي زينب وعد

حرگه الشايل لواء .... ياشهيد كربلاء

●●●●●●●●●●●●●●●●

الشاعر : حيدر العمار الخزعلي

●●●●●●●●●●●●●●●● باز کردن / نظر دهید

2022-06-17 15:11:00 جديد ....
قصيدة (فده ابن الزچيه )

بحق الامام العباس (ع) ووفائه وماقدمه للحسين (ع)
••••••••••••••••••••••••••••



فده ابن الزچيه الگمر بالغاضريه

.........................

ساعه الناشد شخص وين اليوافي

ما شفت بين البشر بس التجافي

كتله حقك واستمع هاك اعترافي

غير الگمر لاماشفت وانهي القضيه


*******************

گتله طب لكربله وانظر مقـامه

لو اكو مثله تره يـصبح علامـه

تنبني لأجله قبب توفي الكرامه

دور شبيهه ومُهلتك حد المنيه


*******************

مستحيل وأحتمل! تلكه مثاله

بالشجاعه يختلف وبكل خصاله

هذا غيره منبعه ولا صح بداله

الوفه من طينته وماخذ هويه



******************

قصه تحچيهه الحناجر ويه الاقلام

عاليحامي عالشرف ويحامي الاسلام

شايل الرايه ويذود ويحصد ازلام

آچم الف لمن خطف طاحو سويه


********************

عالنهر خط بوفائه احلـه مرسال

العُـبر كـل الكـتايب طبـه خـيال

ماشرب ماي ودليله يلهب اشگال

يانفس هوني ورميتك من اديه



******************

طاحت ازنوده ضلوعه لزمت الجود

سيفه بسنونه يحارب حالف ايذود

من جراحه وي دمائه ينزف اعهود

گالت الوادم عجب عالوافه آخييه



*******************

تعترف ضلت اله أجيال واجيال

مثله لاما يـنوجد مابين الرجال

كافل وحامل لواء وساقي ينگال

الشهم راعي الوفه راعي الحميه



******************
الشاعر:
حيدر العمار الخزعلي

. باز کردن / نظر دهید