بس الكلمه ديك ماقادرة تطلع معااي حاحاول اتصالح معاه واقولها ليهو رجعتي مفاااجاءة للكل مافي زول عاارف بيهاا جاني ايمن قال طالبيني مشيت معاه مدير الفرقة شكرني على الفترة القعدتها معاهم والجهد البزلتو لقيتو حول لي مبلغ في حسابي في السودان غير حق شغلي قال لي دي هدية عرسك كلهم باركو لي وقالو لي احتمال نجي نحضرو قلتا ليهم تعالو حافرح بيكم ... من الحماس حسيت الزمن واقف وماعايز يتحرك بس نمتا من بدري ومن الصباح جهزتا اموري وكلهم مشو معااي وصلوني للمطاار ودعوني نفر نفر ماقصرو والله بقو لي اهلل ركبتا الطيارة وانا بتخيل في ردة فعل كل واحد على حد طياران الامارات حلق في السمااء وانا بشوف في الغيوم ومبسوط جاتني غفوة نمتاا صحيت بصوت المضيفه قالت لي وصلناا نزلتا حاجاتي ومريت بالتفتيش وعملتا الاجراءات وطلعو لي شنطي برة ركبتا تااكسي الساعه كانت10التوقيت بين السودان والامارات فرقو4ساعات قلتا معناها ناس البيت حبكونو صااحيين قلتا حاشوف مرافي تاني اتذكرتاا انهاا اتزوجت وطبعا مثاني اتخرجت بعد تخريج مرافي بسنه ونزلت شغل مع ناس متولي وياهو فؤاد في الجامعه مع غرام يعني ان كان في زول في البيت حتكون مرت متولي المابطيقها ولا بتطيقني وصلتا البيت قلتا للبواب يدفع لبتاع التاكسي لانو ماعندي قروش سودانيه دخلتا جوه وانا بدعي ما الاقي رفيدة والحمدلله مالقيتها شكلها برضو هي مااف دخلتا غرفتي بقيت واقف وبعااين ليها ياخ اشتقتا ليها واشتقتا لسريري دخلتااا غرفتي استحميت وغيرتاا انتظرتا الظهر صليتو وبعدها نمتاا ما صحيت الا بصوت جوطه سمعتا ملل ملل ياهاشم شركتكم مملله لمن بهناك منو القال ليكم عايزه اشتغل فيها كان خلوني مرتاحه في البيت قمتا فتحتا باب غرفتي وقلتا الجوطه في شنو يا مثاااني عااينت لي مسااافةة قالت احمدد وجاتني جااارية حضنتني قالت لي اشتقتا ليك شدييييد ياااخ قلتا ليها وانا كمان هاشم قال لي جيت متين قلتا ليهو من قبييلل مثاني دخلت معاي غرفتي وبقت تحكي لي عن الحصل في غيابي وقالت لي صحي جيعان اكلتا شي؟ قلتا ليها اكلتا الحمدلله ماتشيلي هم انتي قالت لي تسابيح عارفة بجيتك قلتا ليها لالا بعدين بالليل ماشي ليها في بيتهم افاجئها قالت لي تمام.... فعلا بالليل طلعتاا مشيت بيت ناس غرام كنتا مشتاق ليها شدييد بالجد دقيت الباب فتحت لي ترتيل عايزه تصرخ سكتهاا قلتا ليها يابت اسكتي دي مفاجئه قالت لي اتفضل يا ابوالمفاجئات دخلتا سلمتاا على ام تسابيح وابوها ومعتز ترتيل كتحت كتح عرفتها عايزه تشمر بعد شوية جات مع تسابيح وهي لابسة توب لمن شافتني وقفت شكلها انصدمت ماكانت عاارفة بي قلتا ليها كيفك قالت لي6شهور ناس البيت كلهم بقو يضحكو قالت لي هي قصدي كويسة الحمدلله انت كيف وجيت متين قلتا ليها يعني الصباح الساعه10تقريبا قالت لي حمدلله على السلامة عاينتا لاهلها قلتا ليها الله يسلمك حبيت افاجئكم امها قالت لي مفاجاءة سمحه والله قعدتا اتونستا معاااهم والصباح مششيت لعمار في شغلو باركتا ليهو الترقية... السمستر الاخير لتسابيح مرا سريع وامتحنت امتحاناتها النهااائيه مرات بتطلع مبسوطه ومرات زهجاانه لغااية ماخلصت وبعدها بدت برامج تخريجهاا كلنا كنا واقفين معااها انا وعمار وسارة هي متخرجه مع شلتها من يوم الزفة ماخلينا لحظه ما اتصورنا بيهاا برامج الرحلات كانت للخريجين بس انا مشيت ممعاهم على اساس اغني ليهم حلفتا ما اخلي غرام براها االحنه لبست توب بقيت بس بعاااين ليها توب بنفسج مع حنتها كانت حاجه كداا الزول مايعرف يوصفها اصلااا اتصورت معاها ونحنا بنضحك قلتا ليها التياب اتصممت عشانك تاني مافي واحده تلبس توب يوم الحنه كان سمح شغلو ليهم اغاني زنق والناس دي رقصت رقييص زيزو دا انا ما اتعرفتا عليهو غاايتو حتااااها حت وجا السيد خااالد او خلخل زي ممابتقول تسابيح سلم علي قلتا ليهو اهلا بارك لتسابيح وزيزو والبقية زيزو جرا جنان وجاني قال لي صورنااا صورتهم وانا بضحك جاني واحد سلم علي قال لي احمد السماني ممكن تغني لينا اغنية واحده بس ماحبيت احرجو فمشيت غنيت اغنية واحده سودانيه والناس اتفااااعلت معااي وبعدها رجعناا بالجد طول الوقت بعااين لتسابيح كانت جميلة شدييد جات وقفت معاي قالت نختار اغاني للتخريج قلتا ليها انا بغني ليك انسي الموضوع قعدنا كلنا في طاولة كبيرة فقلتا ليها: حبيبتي ان يسألوك عني يوما قولي لهم بكل كبرياء يحبني يحبني يحبني كثيرا عمار قال لي اها يا كاظم الساهر البت دي حتى كاظم عملتك ضحكنا ،،،،،،،،،،،، *تسابيح* بعدها بفترة بدينا تجهيزات حفلة العرس كنتا مبسوطة شدييد لاني حاضرة التفاصيل مع ساارة قلتا ليها عرسي مش ياهو فكرتك ليهو نفس الحاصل داا قالت لي لااا الايام كانت جميلةة وكلها سعاادة وفرح حنة سارة جبنا دلوكةة وبقينا ندق ونغني وتاني يوم حنة عمار مشينا انا وسلسبيل وزيزو حضرناها يااخ لقيناهم قالبينها حفلة عدديلل واحمد يغني والناس دي تحنن سناء حننت
