*احمد* سارة قالت لينا عايزه اعمل ليكم عرس من كم عادة يعني ماعرس سوداني بس حتدخل فيهو عادات الدول التانيه قلتا ليها مثلاا قالت مثلا الحنه حتكون هندية وحنعمل ليكم حفلة كركم حنكتب اسمك في يدها حنعمل ساونا تركيه حنعمل رقيص عروس بعد الجرتك دا من العادات السودانيه يعني لانكم مميزين لازم عرسكم يكون مميز عمار قال الهنود عندهم عيد كدا سمح عاجبني المرة بتصوم فيهو من الفجر لطلوع القمر سارة قالت ليهو قصدك الكارفشوت بس دا ماعندنا بيهو شغلةة عمار قال لي في حفلة توديع العزوبيه دي عند الاترااك بعد ماقال جملتو دي سارة وتسابيح ادونا نظررة كداا زيزو قال لينا هبل وحتفضلو طول عمركم هبلل جات ام عمار قالت ليهم انتو لسه واقفين يلا اتحركو ودعونا ومشو سارة قالت لينا بكمل ليكم لمن ارجع ومشت قعدتا مع تسابيح قلتا ليها ناوي اتصالح مع متولي قالت لي انت ماحتتصالح مع متولي طالما بتنادي باسمو جرب قول ليهو ابوي قلتا ليها المشكله مابتطلع معااي الكلمه دي ماملاحظه حتى اهلك امك بقول ليها امي وابوك يا اما اقول ليهو عم نوري او استاذ نوري ليه؟ لانو الكلمه ديك مابتطلع معااي صعبه عللي قالت لي حااول وصلتها هي واهلها بيتهم ورجعتا بيتناا لمن جيت داخل شفتا متولي في الصالون من اول ماجيت من السفر مالقيت طريقة اتكلم معاه او اتواصل معاه قلتا ليهو السلام عليكم ردا لي وسكت مشيت غرفتي شلتا البروش جيتو راجع وبقيت واقف عاين لي وقال خير عايز حاجه سكتا مساافة بعدين طلعتا البروش من وراي قلتا ليهو اشتريت ليك دا من ابوظبي لمن شفتو اتذكرتك قلتا اذا ختيتو في بدلة او جلابية حتطلع هيبه قام جا شالو مني وعاين لي قال لي حاشبه الوزير يعني ابتسمتا قلتا ليهو اي قال لي تعال اقعد قعدتا معاهو وسكتنا قال لي اها احكي لي كيف كانت سفرتك قلتا ليهو الحمدلله كوويسة قال لي وعرسك من البت دي حيكون متين ضحكتا وقلتا ليهو كنتا اتوقع انو دا حيكون اول سؤال هجومي ضحك قال لي مالك ما اطمن يعني قلتا ليهو من حقك سكت وبقا يعااين لي مساافة بعدين قال لي انابعمري ماكرهتك يا احمد كنتا رافض البت لاني شفتها مامنااسبة ما لانو عايز ازعلك او اكسرك بس بعد اتعرفتا عليها عرفتا انها منااسبة يمكن انا غلطتا في حقك انت وامك بس ولا مرة فكرتا اكرهك انت ولدي من لحمي ودمي معقولا ممكن اكون بتعامل معاك ببرود ممكن اوصل ليك فكرة اني مامهتم بيك بس حلقااتك من اول برنااامج دخلتو كلها مسجله عندي كل انجازاتك عندي يا ولدي مافي اب في الدنيا بكره ولدو انت عارف لمن اكون في الشغل والناس تمدحك قدامي وتقولل لي ولدك مبدع ولدك مثالي لاحظ لكلمة ولدك دي انا الاب الفخور بولدو... ابتسمتا لكلامو ماحصل مرة متولي اتكلم معاي بالطريقة دي وحسسني باهميتي قلتا ليهو انا كمان اسف على اي شي على اي لحظه نسيت فيها انك الولدتني وجطتا وعملتا تصرفات لا تحتمل اعفي لي قال لي انت كمان اعفي لي قال لي تعال وفتح لي يدينو ابتسمتا وحضنتو ربت على ضهري شدييد وقال لي ولدي الاسد ابتسمتا قال لي ماحتقول ابوي قلتاليهو المهم قلوبنا صااافية تجاه بعض والكلمه دي يمكن تجي مع الزمن قال لي اعفي لي نسيتك ليهاا مشيت غرفتي وانا حاااسي بأنو حمل كبيير انشال من صدري دخلتا غرفتي وانا مبتسم اتصلتا على مرافي قلتا ليها اتصالحتا مع متولي قالت لي ولسه بتقول متولي قلتا ليها الله يسهل بس اتونستا معاها وسألتها من احوالها قالت انها كويسة ومبسوطه ومنتظره عرسي بس ضحكتا وقلتا ليها قريب ان شااءالله ،،،،،،،،،،،،، *زيزو* حسيت انو انا طالما جاادي في موضوع جناان وطالما خلصتا خلااص وحاليا شغال تدريب تاني لغااية ما امتحن المعاادلة قلتا اتكلم معااها واوريها الجواي رغم اني عارف انها عارفه بس برضو قلتا اكلمها ضربتا لتسابيح عشان استشيرها في الموضوع وتوريني طريقه اعترف بيهاا ضربتا ردت قالت لي زيز اللزيز قلتا ليها قلبو يااخ قالت لي الخبرر والاموور الحاصل قلتا ليها الحاصل وجع مفاصل بس قالت لي اصلك عجزتا شي طبيعي تحس بوجع المفاصل قلتا ليها يابت انا اصغر منك اسكتي المهمم عايزك ضروري قالت لي خير عايز تعمل ياتو مصيبه قلتا ليها الله يسامحك انا بتاع مصايب كمان؟ عايز اعترف لجنان قالت لي بشنو قلتا ليها بأني سرقتا خروف سمايتها لمن ولدوها حيكون بشنو يعني قالت لي وقتها انت كنتا مولود يعني وقاادر تسرق غاظتني كيف قلتا ليها تسابيح يااخ انا جادي عايز اعترف ليها بحبي بس ماعارف خايف انها ماتوافق او تكون مابتحبني او اي شي قالت لي هو انت بتترفض؟ قلتا ليها حاشا وكلا قالت لي مالك طيب مامتعوده عليك متردد امشي اعترف سااي اتوكل وان شااءالله ماحتخيب قلتا ليهاقلتي كدا قالت لي قلتا اي جرب وانا معاك واذاشوشكتك مامشكله عندي قروب للمشوكشين عاطفياا بضيفك فيهو قلتا ليهاهاهاها ما ظريفه وما الرازي كمال الدين البترفض يابتي قفلتا منها وانا متحمس فجاءة الحمااس اتقطع بحترفضك غايتو رسلتاليها
