وقلتا ليها عايز اشوفك بكرا نتلاقى في مول عفراء عندي معاك موضوع | رواياتي📖📚
وقلتا ليها عايز اشوفك بكرا نتلاقى في مول عفراء عندي معاك موضوع مهم قالت لي تمااام... تاني يوم اتجهزتا وبقيت كل شوية اعاين لنفسي وانا بقول حتوافق ماتخاف حتوافق مشيت على الباب تاني جيت راجع قلتا ولو رفضت لالا حتوافق خلي ثقتك في نفسك كبيرة اكييد حتوافق غاايتو بعد مجاازفة طلعتا من البيت وركبتا الموصلاااات وانا لشااارع كلو اقول يارب لو رفضت اعمل شنو وصلتا المول ضربتا ليها قالت في قسم الهدايا قلتا لا وصلت قبليني كمان مشيت عليهاا اخدتا شهيق وزفير قلتا ليها كيفك قالت لي الحمدلله وانت قلتا ليها انا كوويس الحمدلله عايزه تشتري شي قالت لا حبت تتفرج بقينا نتمشى وانا ماعارف افتح الموضوع كيف قالت لي مالك زي المتوتر قلتاليها ابدا مامتوتر حتى مابعرف بتوترو كيف قالت لي بس ظاهر كدا ع العموم تمام موضوعك شنو فجااءة وبدون اي سابق انذار قلتا ليها بحبك وعايز اتزوجك قالت لا بس مازادتها ولا حرف.... بعدطلعتا منها لاقيت تسابيح واحمد قلتا ليهم ماعارف لمن رفضتني حسيت بشنو بس ما حاستسلم ولو ماوافقت علي مابكون اسمي الرازي احمد قالل لي تمام ياحبيب وانا معااك انت صح ماتتخلى عن حبك قلتا ليهو حبيبي والله تسلم قال لينا نتو عارفين انا حاجه جميلة شدييد في حياتكم يعني ماعارف حتعملو شنو لو ماكنتا موجود انتو لازم تصلو ركعات شكر ونوافل حتى قيام ليل انا لو مكانكم كنتا اعتكفتا في المسجد عدييلل انا وتسابيح عاينا لبعض تسابيح قالت الفرحان دا مالو قال ليها وجودك جنبي خلا ثقتي في نفسي تزيد طبعا سكتت قلتا ليهم اسي ماحرام عليكم ماتراعو للصغير المعاكم هنا داا في اطفال تحت السن القانوني يااخ احمد قال لي كم عمر السن القانوني قلتا ليهو لمن اصلو بوريك قال لي لمن تصل كم يعني قلتا ليهو ياخ لمن اصل بتعرف قعد يضحك ،،،،،،،،،،، *تسابيح* بعد رجعنا من زيزو ضربتاا لجنان سألتها من موضوع زيزو قالت مارفضت لانها عايزه ترفض رفضت لانو جاها عريس طلبها من ابوها ومنتظرين موافقتها وماحبت تخلي زيزو يتأمل عشان كدا رفضتو قلتا ليها طيب وانتي رأيك شنو قالت لي البشوفو ابوي قلتا ليها بتنااا سألتك انتي رأيك شنو عايزه الزول دا ولالا قالت ماعايزاهو بس ماعندها شي تعملو قلتا ليها تمام بتنحل قفلتا منها وضربتا لزيزو وريتو سبب رفض جنان قال لي انا بحلهاا ماعايزين اي عريس تااني وقفلل قريب للمغرب كدا ضرب لي قال سايقك معاي مشوار اجهزي وقفلل قبل افهم شي جهزتا وانتظرتو جا وطلعناا مشينا بيت ناس جنان دخل لابوها طووالي بعد سلم عليهو وكدا قال ليهو انا عايز بتك انا وابوها اتخلعناا قال ليهو كيف بالطريقه دي جاي وعايز البت وغير كدا البت جاها نصيبها زيزو قال ليهو بس انا احسن منو وغير كدا بتك موافقه علي اكييد انت عايز مصلحة بتك اسألها عايزه منو فيناا ابوها قال ليهو جايني شافع بتكون في العشرينااات وبدون اهلك كماان وجاي تطلب بتي زيزو قال ليهو جيت اشيل موافقتك بعدين اكلم اهلللي ابوهاا قال ليهو طيب نشوف نادا جنان لمن جات وشافتناا اتخللعت ابوها سألها موافقه على الشاب داا عاينت لزيزو ولي وانا شغاله ليها وافقي وافقي وابوها منتظر ردهاا قالت البتشوفو ياابوي قربتا اكفتها طبعاا ابوها قال ردي عدييلل موافقه ولالا زيزو قال ليها حتى لو رفضتي اسي برضو حاقعد احاول لغاية ما اقنعك انتي وابوك اساسا انا بحب اتعب واشقى مابحب السهولة ابوها ابتسم شكلو عجبو اصرار زيزو فجنان قالت ممكن استخير؟ ابوها قال ليها راحتك وطلعت مشت بعدين نحنا استأذنا وطلعناا بابهم دقا فتحناهو ونحنا طالعين كان في شاب سلم على ابوجنان ابوها قال لينا دا مصطفى الحيتزوج جنان زيزو قال ليهو انا بعتذر منك بس ماعندنا بنات للعرس وطاااخ قفل الباب في وشو اتخلعنا من تصرف زيزو وقلنا خلاااص ابوها حيقتلنا بس ضحك والله ضحك زيزو زاتو اتخلع قال ليهو ذكرتني بشبابي انا خطفتا ام جنان خطف من عرسها ضحكنا ودعناهو وطلعناا زيزو قال لي اتعلمي مني يابت..... بعد اسبوع جاات سارة وعمار سألتها ليه جات بعد اسبوع قالت عشان نبدا في تجهيزات عرسي قعدنا الاربعه في مطعم وسارة قالت زي ماقلتا الحنه هندية وحنعمل كركم وساونا تركي احمد قال ليها وشهر العسل وين قالت ليهو انا اسفه مابعرف خططك بس بعرف انو حبيبة قلبي حلمها تمشي ايطاليا والبندقية عمار قال حتى جهزنا صور المنتجع الحتحجزو فيهو هنااك فرحتا شدييد بكلامهم عمار قال انو في محل خاص بالبسة هندية هو حيمشي يشتري لينا فساتين الحنه والكركم ولاحمد برضو زي هندي احمد قال حلو يعني عرسنا حيكون ميكس لتقاليد كم دولة مابس سوداني سارة قالت ليهو اي عمار قال ليهو رأيكم شنو نخليكم تلفو في النار سبعه لفات وتختو الصبغه والطوق سارة ضربتو قالت ليهو شايفنا كفاار قلتا ليها كان نفسي نعمل سانجيت قالت لي اساسا حنعملو ليك بس سوداني لانك حتعملي رقيص عروس بعد الجرتك"السانجيت واحد من عادات الهنود للاعراس ياهو حق الاحتفاال والرقيص بلبسو فيهو اخضر" قالت لي حنعمل ساونا تركية
