الشاعر حسين عبد الزهرة الدراجي

2022-07-19 11:17:02

باز کردن / نظر دهید

2022-07-17 23:39:10 انا غديري
معه علي بلا شروط


علي بيك اتنــــــخه الأنس وي الجان
وعلي لو مــــــاعلي هذا الحفل ماجان
علي بهذا غديـــــــــــرك كلنه بايعناك
والمابايع يـــــــــــوم الحشر خسران
علي ياراية الله التـــــــرف وي الغيم
واسمك لليـــــــــــحبك باجر اطمئنان
علي يارحــــــــمة الله الماتحده حدود
علي اسمك للفــــــخر ولمرجله عنوان
علي مو نــزوه حبنه يضل لحد الموت
غيرك زحمه نعــــــشك يا أعز انسان
علي دين العـــدل دينك يحامي الجار
وبيك تفاخـــــــــــرت ياحيدر الاديان


ــــــــــــــــــــــــــــــــــــــــــــــــــ
حسين عبد الزهرة الدراجي باز کردن / نظر دهید

2022-07-15 00:46:27 انت الماخذ كلبي
شلون اوصفلك حبي
يانور انت ابدربي
ياحيدر ياحيدر
0000000
انت اول من حبيتك وبنص كلبي ضميتك
غالي وبالروح اشريتك حيدر حيدر.
بايعتك يابو حسيني وما احب غيرك تدريني
بس انت التارس عيني حيدر حيدر

بايعتك من زغري
ونطيتك كل عمري
حبك بالدم يجري
ياحيدر ياحيدر
0000000
يانسمه وروحي اتشمك مطبوع أبعيني رسمك
يمشي وي دم صار اسمك حيدر حيدر
اشما كتبو مي وصفونك نورس يغفه عله اجفونك
انه اليعشكها اعيونك حيدر حيدر

محتار انه ابوصفك
يالشاملني ابعطفك
رحمة الله ابجفك
ياحيدر ياحيدر
0000000
بسمك من لولتلي امي ينزاح ابذكرك همي
حبك ضل يجري ابدمي حيدر حيدر
خليني دوم ابكربك تدري ابكلبي يحب كلبك
حالف مافارك دربك حيدر حيدر

انت الماصح ملك
وانه الطحت ابعشكك
روحي وكلبي ملكك
ياحيدر ياحيدر
0000000
حيدر يانبع الكوثر الماحب عيونك يخسر
تستاهل لجلك اسهر حيدر حيدر
اسهر وكتبلك شعري يالتسوه افديلك عمري
انت البالمحشر ذخري حيدر حيدر

بالمحشر تحضرني
وانت لتعبرني
اعرف متفشلني
ياحيدر ياحيدر
00000000
حسين عبد الزهرة الدراجي باز کردن / نظر دهید

2022-07-13 21:09:58 هلالك هلالك بالدمع نستقبله
ــــــــــــــــــــــــــــــــــــــــــــــــــ

يله نستـــــــــــقبل هلالك بالدموع الحمره
وباجر الزهرة قميـــــــصك بالسماء اتنشره
انت ذاك البالحـــــوافر منسحك كل صدره
عيالك ابـّــــــر طشروها وخيمتك مستعره

حريمك حريمك طشروها بالفله
هلالك هلالك بالدمع نستقبله
ــــــــــــــــــــــــــــــــــــــــــــــــــ

شهر خدمتنه العـــــظيمه اليوم بأن اهلاله
واحنه حضّـــــــــــرنه دمعنه الليله لستقباله
والف هنياله ليـــــــــــخلي حسين بس اباله
والتســــــجله الزهره يمها هاذه الف هنياله

دمعنه دمعنه الليله يترس كربله
هلالك هلالك بالدمع نستقبله
ــــــــــــــــــــــــــــــــــــــــــــــــــ

ياهلا بعاشور اجـــــــــانه هاذه شهر ادموعنه
نرفض اي موضوع احنه حسين بس موضوعنه
بحافر المفروض نــــــلطملك وندمّي اضلوعنه
ارواحنا نشــــــعلها لجلك موش بس اشموعنه

حجينه حجينه بيك يبن البسمله
هلالك هلالك بالدمع نستقبله
ــــــــــــــــــــــــــــــــــــــــــــــــــ

انت بـــــــــــاب الله اوگفنه يالحسين ابابك
ننسه كـــــــــــل الغالي عدنا ومانسينه مصابك
ياجرح يـــــــــل ماله طيبه عينك اعله حبابك
شـــــــــــد حزمنا الدنيا خطره مانحب غيابك

خدمتك خدمتك اتشرفت بيها المله
هلالك هلالك بالدمع نستقبله

ــــــــــــــــــــــــــــــــــــــــــــــــــ

راحتي بهذه عـــــــزائك ياسبب حزن امي
من الطفوله وبيه احسك انت تمشي ابدمي
الخدمه هاي أتريـــد واحد كلبه حار ونشمي
انه يـــــم احروف اسمك انسه مولاي اسمي

عزائك عزائك بي دمعتي هامله
هلالك هلالك بالدمع نستقبله

ــــــــــــــــــــــــــــــــــــــــــــــــــ
حسين عبد الزهرة الدراجي باز کردن / نظر دهید

2022-07-08 01:30:42 ليله

الرادود علي الرميثي

حسين عبد الزهرة الدراجي باز کردن / نظر دهید

2022-07-07 10:02:59 ليلة عبد الله

عبد الله منك حيل خجلان الماي
جي مارواك وذبل اشفافك هاي
كلب النهر ضل من كسر
مــــــاي الله منك يعتذر

عبد الله عبد الله
ــــــــــــــــــــــــــــــــــــــــــــــــــ

بعالم خيالي اتصــــــــورت جرحك وضل يلجمني
واكتبت عالورقه حـــــــــزن من سهمك اليوجعني
اشما شوفلك صوره انلجم وحافر احس يسحكني
ياريتني اتحـــــــــــول نهر وكت العطش تشربني

من العطش متفطره عبد الله اشفاك
من عمت عين الماي جي مارواك

طفوك يا اجمل بدر
ماي الله منك يعتذر
عبد الله عبد الله

ــــــــــــــــــــــــــــــــــــــــــــــــــ

الماي ضـــــــــــم روحه خجل عبد الله لمن شافك
ابشفت النهر حركه اطلعت جي ماوصل الشفافك
والموت عبد الله من اجه صافن بقه عله ابوصافك
وبلـــــــــــذت البوسه اخــــذ روحك وكام وطافك


الموت اجاك وباك روحك بسكوت
طاح بغرامك ياترف حته الموت

منك يفوح أجمل عطر
ماي الله منك يعتذر

عبد الله عبد الله
ــــــــــــــــــــــــــــــــــــــــــــــــــ

من سكت صوتك ياترف ضل ينسمع صوت الدم
ومئثوم مــــاي طف يضل جي منه شفتك تحرم
يالصرت طــــــــــف الوحدك عنك شريد اتكلم
السهم ميت شـــــوك اجه بنحرك بقه بس يشتم

يالبعده طولك ماوصل حته اذراع
اتبده جمالك ويه دمك عل كاع

ابنحرك غفه سهم الغدر
ماي الله منك يعتذر
عبد الله عبد الله

ــــــــــــــــــــــــــــــــــــــــــــــــــ

اسمك اذا مر عل نهر يعرك خجل من عدك
يالتوك مورد عشك شبساع صوفر وردك
يالماكمل عمرك سنه ويالموت بله اشعدك
ازغير بعدك والسهم عبد الله وموش ابكدك

عطشان يالشالك نهر هم عطشان
ولو مسهم جا هسه اشوفك كبران

وي موتتك مات الصبر
ماي الله منك يعتذر
عبد الله عبد الله

ــــــــــــــــــــــــــــــــــــــــــــــــــ

لحضات عمرك ياترف وحزنك مشيب العدلين
عنك ردتت اكتب شعر وتحيرت ابدي منين
المفروض لا مو بالحبر اكتبلك بماي العين
ازغر قتيل ابكربله وكبر جرح عد حسين

جرحك جبير ولا اضماد يلمه
المفروض ابجيلك لحد ما اعمه

وماريد وني يستقر
ماي الله منك يعتذر

عبد الله عبد الله
ــــــــــــــــــــــــــــــــــــــــــــــــــ
حسين عبد الزهرة الدراجي باز کردن / نظر دهید

2022-07-05 17:36:49 أسألكم الدعاء أحبتي خدام الحسين عليه السلام باز کردن / نظر دهید

2022-07-05 17:16:03 ياعلي الاكبر ياعلي الاكبر
ــــــــــــــــــــــــــــــــــــــــــــــــــ

لمعــــــــــت البيض وثكب دخانها
وجن صقر تلـــــهب غدت نيرانها
اشطوط سوه الدم علي ابميدانها
اتخورست يم سيفه كل شجعانها

ياعلي الاكبر ياعلي الاكبر
ــــــــــــــــــــــــــــــــــــــــــــــــــ
هـــــــــــد يشاهين الحرب وكضيها
وخنك ابجفك هـــــــــــوه الله عليها
كربله اتغـــــــــــص بالجثث خليها
ياعلي وحمـــــــــــلت علي راويها

ياعلي الاكبر ياعلي الاكبر
ــــــــــــــــــــــــــــــــــــــــــــــــــ
ياعلي وجـــــــــــنك علي بحملاتك
الطـــــــــــف لهسه يسولف ابصولاتك
بخـــــــــــد زلمهم لسه اثر سطراتك
وكـــــــــــمت تذبح بيهم ابخزراتك

ياعلي الاكبر ياعلي الاكبر
ــــــــــــــــــــــــــــــــــــــــــــــــــ
سيفه بكـــــــــــرابه يضل ماراده
اتعنه ليها وذلـــــــــــها ذيج القاده
الزلمه بيـــــــــــهم تيهاه مشراده
حيل توجع طـــــــــــكت ابن الساده

ياعلي الاكبر ياعلي الاكبر
ــــــــــــــــــــــــــــــــــــــــــــــــــ
شك حلكها الحومه كُوم ابسيفك
انت راعيها وأمـــــــــــرها ابكيفك
تكضي كـــــــــــل هاي الزلم تكليفك
منهم مـــــــــــربع علي رد حيفك

ياعلي الاكبر ياعلي الاكبر
ــــــــــــــــــــــــــــــــــــــــــــــــــ
محكمه وبيها انــــــــه صرت القاضي
عدام حكــــــمه الراضي والماراضي
مثل جـــــــــــدي راح اعيد الماضي
الطف لخليه مـــــــــن زلمكم فاضي

ياعلي الاكبر ياعلي الاكبر
ــــــــــــــــــــــــــــــــــــــــــــــــــ
دخنت والدنيه صارت سوده
والطرق من كل كتر مسدوده
اختاض الاكبر سرفناها زنوده
وفن اخو اخيته يصل لحدوده

ياعلي الاكبر ياعلي الاكبر
ــــــــــــــــــــــــــــــــــــــــــــــــــ

حسين عبدالزهره الدراجي باز کردن / نظر دهید

2022-07-05 17:15:04 ليلة القاسم ع

بيده لاح الفقار ودخل الحومه انذار
مثل عمه الصكار هذا جاسم هذا جاسم
ــــــــــــــــــــــــــــــــــــــــــــــــــ

هله بالماخـــــــــــاف وكـــت اصياحها
الحومه مـــــــــــن طباهه كب انياحها
اتخيل الشـــــــــــكره وهـــجم ذباحها
من لكــــــــــدها المهره طك اصفاحها

اكباله موت الله احتار ودخل الحومه انذار
مثل عمه الصكار هاذه جاسم هاذه جاسم
ــــــــــــــــــــــــــــــــــــــــــــــــــ

عت رسنها وضـــــــيك الثامه الشهم
وطب عليهم ضــــــــوه بياجف يلزم
الخوف خله الـــــــــــزلم تردم بالزلم
اشما عددهـــــــــــم كثر بيهم مايهم

ذلهم ازغار اكبار ودخل الحومه انذار
مثل عمه الصكار هاذه جاسم هاذه جاسم
ــــــــــــــــــــــــــــــــــــــــــــــــــ

الحرب طبها وكلبه ماجاسه الرعب
جنه يرسم لوحـــــــــه ماجنه ابحرب
مثل عـــــمه كباله مامش كل صعب
هوه هـــــــــــذا الجفه يوجع بالضرب

الحرب طباهه اعصار ودخل الحومه انذار
مثل عمه الصكار هاذه جاسم هاذه جاسم
ــــــــــــــــــــــــــــــــــــــــــــــــــ

اترخص مـــــــــــن حسين وعليهم نوه
عطش سيفه وكــــــــــام من دمهم روه
وكــــــام حته الهوه يـــــــدور عل هوه
ولولـــــــــــها رجلــــــين شردتت نينوه

الزلم صارت طشار ودخل الحومه انذار
مثل عمه الصكار هاذه جاسم هاذه جاسم
ــــــــــــــــــــــــــــــــــــــــــــــــــ

سيفه يـــــــــــذبح بالحرب طول وعرض
واهليه الـــــــــــروس طشها عله الارض
هاذه اجـــــــــــاكم جاسم ومن يعترض
خيـــــــــلكم فحــــــطها من كثر الركض

مابرد والدم حار ودخل الحومه انذار
مثل عمه الصكار هاذه جاسم هاذه جاسم
ــــــــــــــــــــــــــــــــــــــــــــــــــ

قسم يقـــــــــــسم بالــــــــوتر وي الشفع
اليوم اخلي المـــــــــــوت بالطف ينصرع
كلها تســـــــــــكت سيــــفه بس الينسمع
روسهم محـــــــــــتركه جن روس الشمع

يكطف النار ابنار ودخل الحومه انذار
مثل عمه الصكار هاذه جاسم هاذه جاسم
ــــــــــــــــــــــــــــــــــــــــــــــــــ
حسين عبد الزهرة الدراجي باز کردن / نظر دهید

2022-07-05 17:14:26   ليلة العباس ع
                     زعل نزل وحومته طباهه
                   وذيج الزلم  بالرجل داساهه
                       هلا هلا بالمعدل دومه
                                      0000000
       نزل والحومه شيمها الخيل بخيل يردمهه
     صبغ وجه السمه دمها لمن طب للحرب
بالشارد عثر شارد واحد لايذ بواحد
الدم بعروكهم جامد مدخلهم رعب
صكر ولصيده متعبره وابد ميثني بالسطره
هله بالمحد ايكدره صعب والله صعب
                  
          الزلمه فنه يمه ايتدنه الجايبته أمه
                         يوصل خيامه
سيف الله سيفه وكلشي ابمرته وبس الله يستر
                         لو شد لثامه
 
                سبعين ألف   ذلهم بصولاته
               بخد الزلم    اتضل إثر سطراته
                     هلا هلا بالمعدل دومه
                                      0000000
      أسد والحومه صاكرهه وحط خوف ابعساكرهه
الزلم مثل الغنم كرهه كمر هاشم بطل
طبها وسرفن اردانه الزلمه يكول هذا انه
اليحجي يكطع السانه ابن خير العمل
شهم واتخيل الشكره الجيش يلمه ويطشره
ويذبح كام بالنضره علي جنه وحمل

       بالحومه گبر الله واكبر بالقاده عباس
                          ضل يتخير
هاي الجحافل ذلها ابو فاضل من احرورته الجيش
                        كام يتبخر

                خيل وزلم   من دخل ذلاهه
                  يوم الحشر  كربله سواهه
                    هلا هلا بالمعدل دومه
                                     0000000
      هوه  الخزرته اتعور وهوه البل هوه اتشور
    علي بيه الكه إذا دور ويل اكله علي
عجيد ولمن طبلها ركض للنجف وصلها
بيده يشدها ويحلها ابن حيدر علي
الشرد من عنده خيعونه الضل طفاهن اعيونه
جا همه يدرجونه ولم ربي علي

حي الله عباس مادنك الراس وبالحومه ياناس
                        سوه الريريده
اجدمه عله الروس ضل يمشي ويدوس ولرايد يحوس
                        يكطعله ايده

                 مامش زلم  يوكفون اكباله
                 وريج النهر  يبس من طباله
                    هلا هلا بالمعدل دومه
                                         0000000
شهم ولزلم خالسها وهوه الحرب فارسها
حلوك القاده خورسها بطل راعي اللوه
نزل واهتزت الحومه هلا بالكافل ويومه
غضب تجادح رسومه خنك حته الهوه
سبعين ألف لاكاهم مثل فنجان هزاهم
بحذوت مهره داساهم وتشهد نينوه 

تشهدله الطفوف ذلاها الصفوف حيد وابن حيد
                      مايعرف الخوف
طبهم مثل موت المالاحه  مبخوت مثل الغنايم
                     مشاهم ازحوف

                سوك الغنم  الكمر ساكاهم
طف كربله  فيضه بدماهم
  هلا هلا بالمعدل دومه        
                                      0000000
طلع سيفه من غمده مشه الصوب النهر وحده
رايد يوفي ابوعده زمط لخته الكلف
دخل  يتبختر بكيفه طبلهم واخذ حيفه 
نكع من الدمه سيفه ذبح سبعين ألف
كلمن يوكف  كباله يذبحه حته لو خاله
طب عل شمر ورجاله ذبح وين التجف

من المخيم صاحاله الحسين بسك يعباس
                         دمهم  وصلنه
كالاله ياخوي خليني بيهم ماخلي واحد
                         يكرب خيمنه

                    هذا العدد   له اذله  كبالك
                   ياهو يريد  بله يسبي عيالك
                        هلا هلا بالمعدل دومه
                                    0000000

حسين عبد الزهره الدراجي باز کردن / نظر دهید