120 يوم استثمارفي نفسك قادرين يحولوك انسان جديد ويخلوك سابق غي | Ahmed Shawki - أحمد شوقى

120 يوم استثمارفي نفسك قادرين يحولوك انسان جديد ويخلوك سابق غيرك بكتييييييييير :

خطة إنقاذ ال 4 شهور

أفضل وقت ممكن تبدأ فيه من 10 سنين .. و تاني أفضل وقت هو دلوقتي
بكرة 2023/5/5
حط لنفسك ديدلاين 4 شهور من وقت ما تقرر تبدأ
وقبل ما توصل للتاريخ ده لازم تكون حققت شوية انجازات في حياتك

_دول أساسيات هتبدأ فيهم من 2023/5/5 ونستمر فيهم علطول .

دي عادات يومية + عبادات إيمانية لازم تعملهم يومياً عشان هم السند ليك :
1) أذكار الصباح والمساء
2)قراءة القرآن
3) الصلاة
4) الرياضة
5) القرآة
6) الكتابة (التدوين اليومي)

ودول علوم لازم تكتسبها قبل نهاية الديدلاين ..

يعني تكون وصلت لمرحلة متوسطة فيهم
1) اللغة الانجليزية أو اللغه الي أنت هتتخصص فيها .
2) العلوم الشرعية (فقه _ حديث _ تفسير _ عقيدة _ سيرة ).
3) ال Moocs _ الكورسات الأون لاين.
_ وقبل مانتكلم عن كل حاجه من دول تفصيلي لازم تعرف الي هقولك عليه ده .
لا تقم بالفعل إلا إذا كنت ستحصل منه علي فائدة ، فإن لم يكن فيه فائدة فلا خير فيه
ولا خير في فاعله . (أحمد شوقي)
_ هذه قاعدة وضعتها لنفسي قبل القيام بأي فعل فإن وجدتها في فعل قمت به والا فلا .
أبسطهالك ..
أي حاجه بروح أعملها بعتبر نفسي داخل شقة والشقة دي مقفولة ،
ومفتاحها هو الفايدة بتاعتها الي انا هاخدها منها .
يعني لو الفعل ده هاخد منه فايدة هيكون معايا مفتاح الشقه ،
وفي الحالة دي هخش الشقة بكل سهولة ، أما لو الفعل دا مش هاخد منه أي فايدة
مش هيكون معايا مفتاح الشقة .
وفي الحالة دي مش هحاول أضيع وقتي في محاولة الدخول ،
لأنه هيكون : فعل بلا هدف
وعشان كده أي فعل هعمله هطلع الفايدة بتاعته الأول .
_ أذكار الصباح والمساء_
1)سكينة في القلب
يعني طمأنينة في القلب وهدوء في النفس ووقار في الروح .
_ عارفين اليوجا صح ؟
= هي دي بقي اليوجا بتاعتنا ، نعيش ونسرح ونرتاح ونحلم
واحنا بنقولها .
2) توسعة في الرزق
الواسع من أسماء الله الحسني ومعناه أن رزقه وسع جميع خلقه.
_ وفي ذكره صح دليل طلب التوسعة في الرزق ، وربنا ميردش عبده ،
ولا سيما وهو إن كان بيذكره ليل ونهار
3) حماية من الحسد
الحسد أسوأ حاجه ممكن تصيبك لأنه بيبوظلك حياتك وكلنا معرضين للحسد
والحسد أذي وتعب وكدر .
لما بتتعب بتروح للدكتور تكشف ويكتبلك دواء وانتهي الموضوع .
إنما لما تتحسد ..
_ لا بتعرف تذاكر
_ ولا بتعرف تنام
_ ولا بتعرف تعيش
_ وما بتبقاش عارف نروح لمين
بس ربنا بعتلنا الحل في أذكار الصباح والمساء .
_قراءة القرآن_
1) مضاعفة الأجر ..
كل حرف هتقرأه بحسنة والحسمة بعشر أمثالها والله يضاعف لمن يشاء .
2)مرافقة الملائكة ..
هتكون مرافق للملايكة لأن سيدنا محمد قال : " الماهر بالقرآن مع السفرة الكرام البررة"
3)يشفع لأهله وأصحابه..
هتكون في أشد الحاجة لحسنه واحدة والقرآن يجي يشفعلك .
" اقرأوا القرآن فإنه يأتي يوم القيامة شفيعاً لأصحابه "
4)شفاء للأمراض الجسدية والنفسية ..
_ عارف شفاء ليه ... !!
لأن ربنا قال " شفاء ورحمة للمؤمنين "
_ الخنقة والضيق
_التعب والزهق
_ الملل والشدة
_الوجع والألم.
_كل ده وأكتر القرآن كفيل بيهم .
القرآن مشروع لا يعرف الفشل .
_الصلاة_
1) الاستعانه بها علي هموم الدنيا ..
كل يوم بيجلنا بدل الهم ألف عشان كده ربنا عملنا خمس صلوات في اليوم عشان نبعد بيها عن الهموم ونقرب من ربنا ونشكيله همومنا ربنا قال : " واستعينوا بالصبر والصلاة "
وسيدنا محمد قال " ارحنا بها يا بلال "
2) عمود الدين: احنا كمسلمين الصلاة عندنا أهم الأركان لأنها
_أول حاجه هنتحاسب عليها بوم القيامة
_ الركن الوحيد الي فُرض في السماء
_الصلة اليوميه بينك وبين ربنا
من الآخر هي كل حاجه ..
الإسلام منزل والمنزل عشان ميتهدش لازم يكون ليه عمدان والصلاه هي عمود المنزل ده .
3)سمو الروح...
في الصلاة صحيح جسدك بيكون علي الارض بس روحك بتبقي مع ربنا في كل فعل وكل حرف .
_الرياضة غذاء للروح والجسد_
1)هتعدلك مزاجك ..
زهقك ، اكتئابك ، الضغط الي عليك هيطلع في عشرة ضغط ، عشرة بطن ،
عشرة عقلة ، في شوية بلانك.
2)تظبط جسمك وتنزل وزنك ..
ودي حاجه كلنا محتاجينها وبنحلم بيها.
3)يحميك من الإصابة بالأمراض ..
زي السكر ، والسمنة ، والجلطات ، وأمراض القلب .
4)هتجددلك طاقتك ..

هتعملك تدفق في الدورة الدموية وتنظملك الكوليسترول وتظبطك من أول وجديد .
من الآخر هتعملك إعادة ضبط مصنع soft ware.