_ القراءه اسلوب حياة_ 1) نحن أمة اقرأ .. للذين يقولون لا نحب ا | Ahmed Shawki - أحمد شوقى
_ القراءه اسلوب حياة_ 1) نحن أمة اقرأ .. للذين يقولون لا نحب القراءه ، نحن أمة اقرأ ، أول كلمة نزلت في القرآن " اقرأ " _ ونزلت علي أمًي لا يجيد القراءة والكتابة " صلي الله عليه وسلم " 2)تحفيز للدماغ .. القراءه هتنشطلك دماغك وهتحافظلك علي تركيزك وهتحميك من الإصابة بمرض الزهايمر . 3) زود معرفتك .. كل معلومة بتقرأها بتتحفظ في دماغك ، جايز نحتاجها في يوم من الأيام . 4)اذهب إلي عالم آخر .. امسك الكتاب وسافر بعيد عن وش الدنيا ، وبعد الأصحاب وفراق الأحبة ، وروح لعالم الكتاب الي بتقرأه ، وهناك هتعيش ، وهترجع مرتاح . نحن أمة اقرأ ، لازم تقرأ كتاب كل أسبوع . _اكتب بإيدك_ 1)هدئ أعصابك .. خد ورقة وقلم وروح لوحدك في مكان تكون في لوحدك واكتب بإيدك . _ دراسات علمية أثبتت أن الحركة دي أفضل من شربط مهدئ للأعصاب 2)حافظ علي عقلك .. كلنا من غير العقل ولا نسوي ، لا قيمة لنا ، والعقل زيها زي أي آله لو سبتها من غير ماتشغلها وتعملها صيانه هتبوظ وتصدي فحافظ علي عقلك واعمله صيانة يوميا. صيانة عقلك هي الكتابة 3)الكتابة علاج.. تعرف أن الكتابة علاج ، اه والله علاج ، الكتابة بتخرج مخزون المشاعر الي جواك ، الكتابة يتخرج الكلمة الي لسانك مش قادر يقولها ، الكتابة هتطلع من جواك .. _القلق _الخوف _الاكتئاب الكتابة كلام القلب. _اتعلم انحليزي_ 1) هتتفتحلك أبواب فرص كتيرة ، لو أتقنت انحليزي وبقيت متحدث لبق هتكون قدرت تخلق لنفسك فرص كتيرة .. _ هتساعدك في فرصة الحصول علي وظيفة كويسة _هتساعدك في فرصة الحصول علي منحة لبلد _ هتساعدك في فرصة السفر للخارج. 2)هتقدر تكسب فلوس في أكتر من مجال .. _اللغة الانجليزية هي لغة العصر ولو أتقنتها هتلاقي قدامك فرص كتير إنك تشتغل في أكتر من مجال والأماكن الي هتكون ليك فرص ليها كتيرة . 3)هتوصل لدماغهم وتفكيرهم .. الأدب الانجليزي ، التكنولوجيا الأجنبية ، الثقافه الإنجليزية هتقدر توصل ليها لو اتعلمت انجليزي . _هتقدر تقرأ ادبهم وفكرهم _هتقدر تطلع علي التكنولوجيا بتاعتهم. 4)هتحس أنك اتقدمت خطوة .. من الحاجات الي هتساعدك وهتحفزك انك تتقن انجليزي ، هيفرق معاك ، هيحسسك أنك بدأت أول انجاز . الانجليزي سهل والله . _تعلم شرعي_ 1)طريقك الي الجنة paradise . معرفة الدين الاسلامي من الأمور الي هتزود معرفتك بربنا ، هتحببك في الاسلام ، وهتعيش بالإسلام . مش عشان انت اتولدت مسلم وخلاص . 2)من يرد الله به خيراً يفقهه في الدين .. ضع نفسك ضمن قائمة من أراد الله به خيراً وفقه نفسك في الدين ، _ابحث عن العلوم الشرعية وتعلمها . _اعرف صلاتك صح _اعرف ربك صح _اعرف نبيك صح _اعرف دينك صح . 3)العلم الشرعي علم القلوب .. هو العلم الذي له مكانه مميزة في القلب ، علم اختص بالقلب والقلب اختص به ، _فيه دواء للهموم والعضلات . علم الأنبياء ، فتعلموه . _اتعلم أون لاين_ 1)مفيش قدامك حجه . ابحث عن الكورسات الي تفيدك واللي أنت عايز تتعلمها _تقدر تتعلمها من بيتك ، وأنت راقد علي سريرك . _تقدر تتعلمها من غير فلوس _تقدر تتعلمها لو أنت عايز تتعلمها . 2)استغل النت صح . ابعد عن السوشيال ميديا بقرفها وأخبارها ، ودور علي منصة تتعلم عليها أون لاين . _المنصات كتير ، سجل مع واحدة او اتنين واشتغل معاهم كورسات كورس بكورس. 3) شوف نفسك بعد اربع شهور .. اشتغل علي المنصات دي وتابع معاهم الكورسات الي هتساعدك وتفيدك وشوف نفسك هتكون طورتها ازاي بعد اربع شهور أون لاين صح . _النهاية The end_ عارف إن في ناس هتفضل تايهه بردو في التقسيم التقسيم بص يابرنس احنا عاوزين من ٢٤ ساعة بتوعك ٦ ساعات بس وباقي الأربع وعشرين ساعة عيش مع نفسك فيهم . نص ساعة أذكار صباخ ومساء 1 ساعة الصلاة المفروضة والسنن نص ساعة قراءة القران نص ساعه تمارين رياضية ساعة قراءه في أي كتاب تختاره نص ساعه كتابة ساعه لتعلم اللغة الانجليزية ساعه لتعلم العلوم الشرعية ساعة لتعلم الكورسات الاون لاين . وصلت لهنا يبقي انتا كدا بطل انا كدا عملت اللي عليا اعمل بقا انتا اللي عليك اعمل اللي عليك بقا.. شير البوست عشان يوصل لأكبر عدد ممكن من الناس الشير مش هيفرق معاك بس هيفرق مع شباب كتير منتظره الفرصه دى
