2021-09-24 18:05:42
على لحن عريس الولد
زينب صاحته والدمعه تجريهه
تعال الحگ رقيه معرف اشبيهه
……
من جاب الطشت وتبسّم اگبالي
شويه ولن شفت بي شيبة. الوالي
رقيه شافته وغالي بچه الغالي
وشبگت راس ابوهه والجمر بيهه
… ..
صاحت بويه وينك طالت الغيبه
وبيديهه الزغار وتمسح الشيبه
يبويه اتحمّلت من بعدك مصيبه
ليش ابنيّتك تبجي تخلّيهه
……
شويه وسكت ودمعاتي دم سالت
رقيه چل غصن من التعب مالت
ماادري برقيه بهل وكت ماتت
المنيه بالخرابه ويلي تلفيهه
… .
صحت عمّه علي شوف اختك الحگهه
من راس الابو ياعمه حركهه
رد ليّه علي والطفله شابگهه
وبين احضانه ياخويه يناديهه
… .
شلون ادفنهه وشلون ارجع ابحيره
شگل لحسين ابوهه محنتي چبيره
دفناهه بغرب والديره مو ديره
شمات وعواذل كل اهاليهه
… ..
الشاعر محمد حسن ضيغم
https://t.me/kasaedalatharDaygham
1.7K views15:05
ا
