الشاعر محمد حسن ضيغم

2022-08-19 11:16:53 احنه الموالين ... سمونه الخلك
خدام الحسين ... سمونه الخلك
بكل وكت نرفع علم ... حكنه نتباهه خدم
ـــــ
ندري بالخدام باجر تفتخر بأحزانهه
وهل مجالس كل اهلهه عالي يصبح شانهه
اه يحسين ومصابه هالخدم عنوانهه
وتذكر ايام الطفوف وكربله واشجانهه
ماننسه الطفوف .. لا وام الحسن
بكل لحضه انشوف .. الام ومحن
وبالكَلب يبقى الالم ... حكنه نتباهه خدم
ـــــ
اسم خدام ابو اليمه فخر بين تباهه
وقيمة الخادم حبيبه بكل وكت علاهه
هاي نعمه امن الطفوله احنه نتمناهه
بعين امنه ابروح ابونه خدمته شفناهه
لا عذّب الله .. لا امي وابي
خلوني اعشكَ ... كل آل النبي
بروحنه الحب انرسم ... حكنه نتباهه خدم
ـــــ
مانعوف الخدم هابدا حتى لو وذرونه
وشاهد الهاي الحقيقه كَبل من منعونه
بكل منازلنه مجالس عامره يشوفونه
ويا مجانين الحسين ابفخر لو سمّونه
سمّونه عشّاك ... موكب فاطمه
كل لحضه نشتاك ... حسين ومأتمه
بخطوته اينادي الجدم ... حكنه نتباهه خدم
ـــــ
احنه خادم الحسين ومنّه ناخذ غيره
حسين باب الله الّي عشنه كل عمرنه بخيره
هو بس هو النعشكه حسين لا مو غيره
برحمته ساتر علينه الرحمه حيل اجبيره
يارحمه الله ... الرحمه الواسعه
اباعبدالله ... حبك راضعه
اللوح حبك والقلم ... حكنه نتباهه خدم
ـــــ


شلون ننسه السار ضعنه للغرب بأطفاله
شلون عالهزّل سبايه مشت كل اعياله
شلون ننسه الراس دامي برمح ضالم شاله
شلون والسهم المثلث مرد كل دلاله
مسلوب الثياب ... ليش بكربله
نايم على اتراب ... ابن عقد الوله
خلافه مسبيه الحرم ... حكنه نتباهه خدم
ـــــ
الشاعر محمد حسن ضيغم باز کردن / نظر دهید

2022-08-19 11:16:11 ركضت للنهر تبچي… گوه امن الالم. تحچي… رقيه
ياعمي انظر عيوني.. صعبه تلزم امتوني .. اديه
الخيمه احترگت اعلينه
تصيح انهض يوالينه ..رقيه
ــــــــــ
ملامح كربله اتغيرت .. وبيها بس تشم دخان
الخيم شبّت يبو الغيره ... اسمع صاحت النسوان
ذاك اليحترك ثوبه .. وذاك اليبجي بالرضعان
الخيم عباس من بعده ... كلتها ابكربله النيران
من عكَبك يبو الشيمه .. النه مابقت خيمه ... مصيبه
وانت اعله النهر نايم .. واندب يا كَمر هاشم ... عجيبه
منها اعجوبه فرّينه
تصيح انهض يوالينه ..رقيه
ــــــــــ
طفله اتعاين الطفله ... وين انروح من النار
وزينب بالام تنشد ... شيلم الضعن تحتار
جروح ام الخدر وسفه ... تشاهدهن اجروح اكبار
تنادي الحكنه يا عباس ... وللشاطي تدير انظار
وينك كافل ضعوني ... من بعدك تولّوني ... اميه
يا وسفه غريبه اصبح ... وانت اموسّد المذبح ... رميه
عباس اليروّينه
تصيح انهض يوالينه ..رقيه
ــــــــــ
زينب شبجت العشره ... وماكطعت دموع العين
شافت للنهر كصدت ....من الخوف بنت حسين
لاجن تركض وتعثر ... تندب وين طايح وين
الحكَلي يبو فاضل ... جا درب الشريعه امنين
من توكف يضربوهه ...من تركض يلحكَوهه ... حزينه
راحت كصدت الكافل .. اتدور حضن ابو فاضل .. حنينه
وينه العلكمي وينه
تصيح انهض يوالينه ..رقيه
ــــــــــ
وصلت يم ابو الغيره ... يمه تشكي حالتهه
خافت تلجم اجروحه ... ضلّت تخفي وجنتهه
بس كَالت يعمي الحك ... حركَوا عمتي خيمتهه
ولو تنظر سهم بالعين ...لجنهه تخفي يمنتهه
تظم ايديهه عن عينه ... وفوك الغبره جفينه .. كطيعه
احجيلك مصيبتنه ... محّد ضل لعمّتنه ... الوديعه
كَوّه اتحرّكت عينه
تصيح انهض يوالينه ..رقيه
ــــــــــ

تكَلّه امورّمه جفوفي ... هنا يل كَطعوا جفوفك
عيني انسطرت وحمره ... يل باكَ السهم شوفك
متوني من الظرب زركَه ... جيفن صحت بحروفك
ماضل والي ياعمي ... ضحايه انترست اطفوفك
اشبه فاطمه الزهره ... عيني امن الضرب حمره ...شفتهه
مثل حيدر علي تشوفه ... اخويه امربّطه جفوفه .. عفتهه
وعفتهه تنحب سكينه
تصيح انهض يوالينه ..رقيه
ــــــــــ
يعمي تدري بالغالي .... بيه انفجعت الزهره
صابوه او وكع عالكاع ... وداست خيلهم صدره
وخنصر يمنته المكطوع ... وجثه انظرها متوذره
ياعمي وشمر بالسيف ... كَدامي كَطع نحره
كتله لاتكص نحره .. سمعته يشتم الزهره .. وعلينه
اجيت الوالدي او ردني ... وبسوطه يهددني ... ابسبينه
ما واحد يحامينه
تصيح انهض يوالينه ..رقيه
ــــــــــ

الشاعر محمد حسن ضيغم باز کردن / نظر دهید

2022-08-19 11:15:58 جيت وارجاك .. يا خويه حسين
لا تنشدني ... عن بتّك وين
ــــــــــ
على الناكَه واصيح بصوت الك ردّيت يبن امي
اصيحن بسمك وابجي وبناتك هل اجن يمّي
بعيوني سوالف هم .. احجيهه شلون وياك
محتاره وكَلب زينب ...ينبض تدري بذكراك
كتلك خويه لا والله ... يبن امي ما انساك
وبخدودي اتسيل ... دمعات العين
لا تنشدني ... عن بتّك وين
ــــــــــ
انه الشفت بطريق الشام مصايب ما جرت لحّد
جروحي بفركَت الخوان جثيره ولا تضن تنعد
الطف عايش خويه بجرحي .. جرح وماضن انساه
وايام افراكَك خويه ... خلتني اندب ويلاه
راسك مرفوع يصدلي ...ودم ينزف من عيناه
وجن ليّه تكَول ... زينب لاوين
لا تنشدني ... عن بتّك وين
ــــــــــ
الشام الشام يبن امي الخلّت عمري صار اضعاف
شافوني وانه زينب الخيالي ما كَبل ينشاف
طبّيت الديوان آنه ... ويتبسّم شفت ايزيد
ومدنكَه الراس وابجي ... وحبل امجتّفلي الايد
وحسراتي اخلاف اخواني ... بديوانه ضل اتزيد
يصعب هال حال ... واحنه انساوين
لا تنشدني ... عن بتّك وين
ــــــــــ
واجيتك من بعد يسري وحسره بكَلبي ماتبرد
اجيت وهل ضعن سالم رجعلك مثل ما ابعد
بس وحده الضلّت خويه ... هي الزادتلي الام
ماتت من كثر الحسره ... مدفونه بأرض الشام
جانت تتمنه ويانه ... ترجع وي الايتام
رادت تشكي .. جرح الخدّين
لا تنشدني ... عن بتّك وين
ــــــــــ
يخويه اعذرني مارجعت .. رقيه الكربله ويانه
وهذا الي مرد جبدي ... وصرت من ضيمه نحلانه
شلون ارجعلك وىنه ادري ... تفكد بتك يحسين
شنطيلك رد يبن امي ... لو تنشد ضلّت وين
سامحني ولا مو بيدي ... ماتت صاباهه البين
لوبيدي انطيت .. البنتك عمرين
لا تنشدني ... عن بتّك وين
ــــــــــ
الشاعر محمد حسن ضيغم باز کردن / نظر دهید

2022-08-19 11:15:12 بجروحي .. قضيه
ختمتها .. المنيه
ودلالي .. وعذابه
من الشام .. ومصابه
ــــــــــ
بيمن ابدي ... بدمع خدي ..اليكتب ايام الطفوف ومحنة الشام
لسّه اشاهد ... لهب زايد ...وعمّتي حيل اندبت حركَوها الخيام
وعله بالي ... هل ليالي ...ماتروح شما علينه مرّت ايام
من مصيبة كربله ..وكل الم مر بينه
عفنه اهلنه امطرّحه .. مشينه وي سابينه
واحنه صفوة حيدر .. امربّطات ايدينه
حزن حزن ...مارحم كَلبنه
نون نون ... شما بعد دربنه
وكل حيلي ... غيابه
من الشام ومصابه
ـــــــــــــ
انه دهري .. كسر ضهري ... من شفت نار الخيم وصلت للحسين
بعيني شفته .. ولن عرفته ...ماكدر ينهض ابوي وهلت العين
جرحه نازف .. كَلبه ناشف ..ساعه عاليسره ايتكَلّب ساعه اليمين
يريد يلحك عالخيم .. بلكن ايطفّيهه
يدري اطفال وحرم ...وهو خوفه اعليهه
يعاتب اجدامه اسمعت ... تعّبنّي اشبيهه
وكف وكف ....بس هوه اعله وجهه
وسف وسف ... كَصده يفزع الهه
طاح اعله .. الترابه
من الشام ومصابه
ـــــــــــــ
الغاضريه .. بكل مسيه ...صرت اشوفنها جرح يدّي ابدليلي
والوديعه .. اعله الشريعه ... واكفه وتندب يبو فاضل كفيلي
بلا مخيم ... شلون نلتم ... يابوفاضل خويه صاحت صار ليلي
اطفال من كثر الضمه ... ناطرت تلفيهه
وجربتك يا بالفضل ... فاطمه اتّانيهه
تالي ليش اعله النهر ... كافلي امخلّيهه
وكع وكع ... مكطعه جفوفه
رجع رجع ... ليش ما اشوفه
من دمه خضابه
من الشام ومصابه
ـــــــــــــ
بحبل اميه ... جفوف اديه .. اتربّطت وانه علي السجاد اسمي
من المصيبه .. والعجيبه ... شلون مافاركت روحي التبجي جسمي
اعليل آنه .. والخذانه ... شامت وبس زينب الحوراء يمي
ناكه هزله انه اركبت .. وعمتي ويانه
تالي يحدينه شمر ... وياه ابن مرجانه
ننظرب لو ننشتم ... واظلمت دنيانه
يسر يسر ... جرح ما احمله
عمر عمر .. دمعي هيج اهمله
على رمله وربابه
من الشام ومصابه
ـــــــــــــ
الشام جرحي ... البيه ذبحي ... البيه شفت امخدرت حيدر حزينه
الشام اهلهه ...عيد الهه ...حين طبّينه ووصلنه الهل مدينه
شلون ندخل ... المجلس الذل ... واحنه امنه فاطمه وحيدر ولينه
والخرابه ياخلك .. هروش كَلبي مالت
عالطشت شفت الاخت ... من بجت لنت ماتت
بويه وياك انه اريد ... خذني بالهم كَالت
ومتت ومتت .... وجبدتي مسمومه
صحت صحت ... عمه يامظلومه
ما انسى الخرابه
من الشام ومصابه
ـــــــــــــ
الشاعر محمد حسن ضيغم باز کردن / نظر دهید

2022-08-19 11:14:27 على لحن يل ماعليكم هانت العشره


يل عنّي رايح ناوي هل سفره
راح ابقه الك يالغالي منتظره
وبحالة امك يبني انت ادره
ـــــــــــــــــــــــــــــــــــ
يل ناوي تمشي بسفرتك .. ومخلّي كَلبي يون حيل
ياسلوتي شما مر وكت ... بعدك اساهر كل ليل
ياحيلي انت وكلشي الي ... بعدك الي ميضل حيل
اسمك يبو اليمه دوه ... وينثر على اديارك هيل
بين الجروح اكتبلك اهمومي
وماريد بغيابك يمر يومي
يل بوجودك دنيتي كَمره
ــــــــــــــــ
معقوله ماشوفك بعد ...يل عايش ابنص عيني
معقوله بالهم والدمع ... من ترحل اتخلّيني
انساك لتضن سيدي ... هم موتي مينسيني
الحد مايجي ليّه الاجل ... لجلك يضل ونيني
لاخر نفس مااكَطع اونيني
ولدي وحياتي فدوه لحسيني
ماريده كلمن ما رخص عمره
ـــــــــــــــ
تعرف حياتي ابشوفتك ... بعدك اموت ابداري
يل رايح الطف كربله ... من هسه اخذهه اخباري
لا ليلي ليل ولاصبح . .. يصبح ابدمعي الجاري
ومن هسه اخبرك تشتعل ... بين المحاجر ناري
مثل الخيم جمراتي تلكَاهه
وزينب سبيه وآنه ويّاهه
روحي بضعنهم تمشي متيسره
ــــــــــ
تودّعني بدموعك وأنه ... يصعب عليّه اغيابك
امودّع ابالله ولجن ... اذكرنه واحنه احبابك
الخطواتك امشي وارتجي ... اشتم عبير اترابك
ياربي ميته ولا يمر ... يحسين بيّه امصابك
ياربي لتراويني هل حاله
جسم العزيز اتدوسه خيّاله
وخيولهم تلعب على صدره
ـــــــ
ام البنين الاربعه ... الفدوه الك انذرهم
لوكَصروا يا مهجتي ... لتضنّي يبني اعذرهم
افرح اذا كل الولد ... رخضوا الك منحرهم
وبهاي عنهم راضيه ... يبن النبي بشّرهم
لو رخّصوا ارواح للغالي
راس امهم اخبرهم يضل عالي
واحدهم ايقدّم الك نحره
ــــــــ


الشاعر محمد حسن ضيغم باز کردن / نظر دهید

2022-08-19 11:11:53 رايحه يامن اجيت وياكم
انسه روحي وابد ما انساكم
من كثر ما لملمتكم بالادين
بالعبايه باقي اثر لدماكم
بجفوفي شدّوا حبل يابو الغيره .. امدللتلكم هسه خويه بحيره
ماجانت اعله البال يا ضي عيني ... عالناكَه للكوفه اروح ايسيره
ـــــــــ
اطفالي تهوه امن الهزل كل خوفي
واسمع ابنيتك تكَلّي شوفي
عمّه هذا الدم يسيل امنيدي
حيل شدّوه الحبل بجفوفي
مجتوفه آنه وحايره بهل حاله .. عن جف رقيه شلون افل احباله
انظرها مكسورة كَلب ياخويه ... ومحروكَ كَلبي ودمعتي همّاله
ــــــــــ
خويه حر الشمس فرهد لونّه
اتكَشرن من السموم اوجوهنه
ردن ساعه الضعن يوكَف نستراح
صحنه لاجن خويه ما خلونه
اطفال تبجي امن الضمه وعطشانه ..وياهو الاصدله خشبه اشوف السانه
خوفي يطيح الطفل من الناكَه ...كّوه جفوفي لازمات اردانه
ــــــــــــ
الضعن سار وروحي يمّك باقيه
ويّه كل خطوه المدامع جاريه
والله غصبن عني ياخويه مشيت
وعفتك اعله الغبره جثتك عاريه
حر الشمس غيّر يخويه ارسومك ..والخيل زادت نزف ذاك ادمومك
ياهو الّي مثلك ينذبح يحسيني .. وفوك الذبح تنسلب خويه اهدومك
ــــــــــــ
الخيل حين الاجت شدّوا عينها
تخيّروا وين الثكيله وينها
حتى ما ترحم لمن تسحك عليك
وتنفجع زينب ابذبح حسينها
تروح وترد خيل العده خلّوها ....وتتكَلب الجثه بألم شافوها
بهل حاله اصيحن يمه ها يم حسين ... زينب ابذبح حسين مارحموها
ــــــــــــــ
الشاعر محمد حسن ضيغم باز کردن / نظر دهید

2022-08-13 17:52:05 احط ايدي على عيوني
وأرد اردود ابوس ايدي
چي مريت عيني بطيف
ها يا فرحتي وعيدي
بويه حسين مشتاگه
يبعد اوريدك اوريدي
… ..
الشاعر محمد حسن ضيغم باز کردن / نظر دهید

2022-08-13 16:51:44 ااسلام عليكم
خدام الامام الحسين يشرفني الانظمام الى قناتي الخاصه بالنعي فقط
بناءا على طلب الاخوة المشايخ والخطباء والرواديد تم افتتاحها
يشرفني الاشتراك بها ونشر الرابط لجميع خدام الامام الحسين

https://t.me/alnaay2022 باز کردن / نظر دهید

2022-08-13 12:18:03 https://t.me/kasaedalatharDaygham باز کردن / نظر دهید

2022-08-12 17:37:38 علي السجاد شاف اجساد عالغبره
جانت يمه امس واليوم متوذره
ــــــــــــــــــــــــــــــــــــ
بعيونه امس يمه ويصد ليهم
وجان بكلب ذايب من يحاجيهم
شلون اعله الارض صرعه يخليهم
وميواري الضحايه الصرعه بالحفره
ــــــــــــــــــــــــــــــــــ
الله يعين دلاله على المأسات
من شاف الكمر نايم عل مسناة
ابو الباقر تجرّح خده بالدمعات
وصار بخده من كثر الدمع مجره
ــــــــــــــــــــــــــــ
امس يمه الاهل ويصدهم بعينه
يحجي وبالدمع مجروحه جفنينه
هسه ايشوف دامي مكطع حسينه
ضلوعه مكسره ودم يجري من نحره
ـــــــــــــــــــــــ
علي السجاد الله يعينه عالشافه
وضيم العيله بالطف شالته اجتافه
شاف حسين عصه اتلامس اشفافه
ومن العصه شفتينه اصبحت حمره
ـــــــــــــــــــــــ
شاف العيله مسبيه مشت للشام
والعيله حرم ومجتفه وييتام
وسكنه اعله الكمر تبجي وتدك عالهام
تكله خلاف عينك صرت متيسره
ــــــــــــــــــــــــــــــــ
الشاعر /// محمد حسن ضيغم باز کردن / نظر دهید