الشاعر محمد حسن ضيغم

2022-02-04 12:08:56 عظم الله اجرك يبو صالح ننادي
وبالحزن ياسيدي انشيل الايادي
حجة الله سيدي وأبن الحجج
يا امام الشيعه يا يوم الفرج
يابو صالح يابوصالح
ــــــــــــــ
يامن بأيدك نعم هاي البريه
وياك اخلي ادموعي عالهادي جريه
منك آنه مستحي خو تدري بيّه
لجن ترضى اعليه جي اهوى الزجيه
يابو صالح انت ابوي ومالي غيرك
وخيري هذا سيدي من فضل خيرك
انت ياسر وسكن وسط المهجج
يا امام الشيعه يا يوم الفرج
يابو صالح يابوصالح
ــــــــــــــ
شلون حالك وانت يوميه بمكان
شما تزور الرضا تكَصد جمكران
كربله يا كربله جرح الزمان
ولرض سامرا راحت يابو الحنان
من مصيبه سيدي الثاني مصيبه
وكَلبك اليا ساعه ما يكَطع نحيبه
واليضدكم سيدي ايدور الحجج
يا امام الشيعه يا يوم الفرج
يابو صالح يابوصالح
ـــــــــــــــ
شيّبت من عدنه مدري من الحزن
تبجي المن للوجن لو للمتن
مثل ماضلت رقيه الكم تحن
تالي وسط الغربه عمتك تندفن
الجانت بكل لهفه تندب آ يبابه
بياذنب وتموت حسره بالخرابه
بسم ابوهه السانه اليابس لهج
يا امام الشيعه يا يوم الفرج
يابو صالح يابوصالح
ــــــــــــــ


الهادي جدك سمموه بلايه سايه
شكثر تحمل ضيم من هاي البرايه
انت يم شباجه اتسوّي القرايه
وتقره محنة زينب وضيم السبايه
تصبّح اتمسّي ودمعتك عالضعينه
ولسه تسمع كافلي العباس وينه
من عيونه الكافل اينور الوهج
يا امام الشيعه يا يوم الفرج
يابو صالح يابوصالح

ـــــــــــــــ
يعينك الله شما شفت نار ومخيّم
تبجي مو دمعات نعرف تبجي بس دم
شلون تذكر راس عباسك تهشّم
بحال زينب عمّتك بس الله يعلم
ضلوع جدك رضرضوهه بالحوافر
وبالطفوف انشالت شلون المناحر
وشمر يم زينب ابهل حاله ابتهج
يا امام الشيعه يا يوم الفرج
يابو صالح يابوصالح


ــــــــــــ
الشاعر محمد حسن ضيغم



باز کردن / نظر دهید

2022-02-03 21:46:35 https://t.me/ozan1973 باز کردن / نظر دهید

2022-01-30 10:15:17 #نسالكم_الدعاء باز کردن / نظر دهید

2022-01-30 09:52:34 قصيده للسيده ام كلثوم



جرح الكَلب .. بس هم يصب ..درب السبايه شكَد صعب
وهالليله كَلب ام كلثوم ...هاي المحن يرويهه
ـــــــــــــــــ
حين الدنت ساعة اجلهه الحره
غمّضت والطف من جديد اتنظره
خيل وصهيل ونار تلهب جمره
وتسمع خذوهه بت علي متيسره
انعاد الزمن .. بذيج المحن ...نسوه وعلى الهزّل مشن
هاي المآسي بهل حين .. هالفاكَده اتصد ليهه
ـــــــــــــ
غمّضت ام كلثوم بآخر ساعه
وتذكر اخوهه حسين جرح وداعه
وبثاني يوم امكسّرات اضلاعه
والضعن راح اخلاف عينه ضياعه
ما تنحمل ... الدمعه التهل ... بالايد من شدّوا حبل
واطفال ابو اليمه حيل ... شمر الخنا ايجر بيهه
ــــــــــــــــــــ
سولفت كبل الاجل لا يلفاهه
كربله ياكربله شلون انساهه
بكَلبي الطفوف جروحهم خلاهه
لسه الضحايه جن اشوف ادماهه
شفت السبي .. ونار ابعبي ...ويحدي ضعنّه الاجنبي
وخيامي بعد الكفّال .. احتركَت منو ايطفّيهه
ــــــــــــــــ
كل اه باخر نفس جن ترسمهه
صورة رقيه امن المتن صب دمهه
ام كلثوم هاي الفاجعه اتلمهه
من ماتت ابنص الخرابه اتشمهه
عمّه اندبت ... بس ما حجت ...عالراس ميته من لكَت
ياعمّه حاجيني ارجوج ...والميته شتحاجيهه
ــــــــــــــــــــ
ام كلثوم من ماتت الطف روّعهه
ماتت وماكَاطع ابد مدمعهه
والحزن جف اعله الوجن طابعهه
اخر اسم يحسين ضل نسمعهه
وكت الاجل ... الحزن اكتمل ... من ودّعت كل الاهل
ومصيبتج يم كلثوم ... بحسره ودمع نحيهه
ــــــــــــــــ
الشاعر محمد حسن ضيغم
https://t.me/kasaedalatharDaygham باز کردن / نظر دهید

2022-01-29 13:29:32 ‏مقطع صوتي من الشاعر محمد حسن ضيغم باز کردن / نظر دهید

2022-01-28 21:47:19 الإصطفاف الصباحي باحدى المدارس في ايران
اللهم صلِ على المصطفى طه وآله وصحبهم المنتجبين

https://t.me/kasaedalatharDaygham باز کردن / نظر دهید

2022-01-28 19:54:31 للامام الهادي

شايل جروحي واجيت الليله
بنص ضريحك والغريب ابجيله
ــــــــــــــ
كَاصد السامره وبكَلبي جرح
جرح سبي العايله وذاك الذبح
يمك ابجي العل خذوا راسه برمح
واقره يمك تعزيه وأنعيله
ـــــــــــــــــــ
ارد ازورك وأكعد ابنص الصحن
واقره الك عمّاتك الّي اتراكضن
بلا ولي يالهادي تعرف من مشن
والعليل ام الوفه اتجّيله
ـــــــــــــــــــ
ادري صعبه اعليك اذكرك بالسبي
وصعبه من اقره الجمر لاح العبي
صعبه عمّاتك سباهن اجنبي
القصر كَوه ام الخدر تمشيله
ـــــــــــــــ
جروح عندي ومتطيب الّا بزمن
بيه ياخذ ثار جده المؤتمن
الليله زوارك شموع بهل صحن
بالفرج للمنتظر تدعيله
ــــــــــــــــ
تعزيه ابكَبرك تصير اعله الخيم
نصيح واويلاه ياراعي العلم
بالعمود بكربله راسه انهشم
وعينه جانت تربي صوب العيله
ـــــــــــــ
والله صعبه المجلس الّي ينقره
ضلوع جدك بالخيول امكسّره
اكَبال زينب شمر يكَطع منحره
اصحابه صرعه ومحّد ايحاميله
ــــــــــــــــ
الشاعر محمد حسن ضيغم
https://t.me/kasaedalatharDaygham باز کردن / نظر دهید

2022-01-28 18:33:33 https://t.me/ozan1973 باز کردن / نظر دهید