2022-05-30 18:10:28
يليلي يليلي يا من كضيتك بس سهر
ــــــــــــــــــ
زينب انه وكلبي انهظم من شفت اخوي ومحنته
مسموم يا ويلي الحسن والسم يكطـّع جبدته
صد ليه اخوي ولن شفت عالخد تكفكف دمعته
وعليـّه احس ونه وبجه ويلي شعظمهه حسرته
ـــــــــــــــ
شفت الحسن من الالم يتلوه واتهل دمعتي
ياريت موجبده انمرد مسمومه انه جبدتي
كتله يبو محمد تره خلافك شسوي بدنيتي
يا لشمعه لو عني رحت صدكني تخمد شمعتي
ـــــــــــــــــ
ياليلي لمصاب الاخوه راح انه اكضيك بسهر
زينب انه ومتعلمه عالونـّه والهم والقهر
اني الي من زغيري ابد ما انصف وياي الدهر
بعدي زغيره وخاطري عالهادي ياليلي انكسر
ــــــــــــــــــــــ
جبدك اشوفن بطشت متوذر ودمك نزف
والطم على الهامه وصحت هيج انت تتلوع وسف
يل بيك كل شيعي ومحب وبهيبتك صدك حلف
مسموم ما جنت احسبك ودرت الوجه لرض النجف
**
يا ليلي ارحمني صحت جم دوب اضل ملوعه
والجفن لمصاب الحسن لا ما يبطل مدمعه
صوت المصيبه بكل وكت ياليلي ابجي واسمعه
شكد صعبه روحي والحسن باجر لونهه اتودعه
ـــــــــــــــــ
الشاعر محمد حسن ضيغم
825 views15:10