‍ شعربرای #فراق_برادر-ترکی سبک ترحیم خوانی یاخشی قارداش رسمی | ختم وترحیم خوانی مجمع الذاکرین

‍ شعربرای #فراق_برادر-ترکی
سبک ترحیم خوانی


یاخشی قارداش رسمیدی ایلرفداجان قارداشا

گوزلریم اولسون  ایکی  دنیاده  قربان  قارداشا


دوزدی محکم سدی طغیان ایلسه سیل سیندیرار

دال دالا  وئرسه  قوی  دل  دشمنی  ائل سیندیرار

بیر  فقط   دنیاده   قارداش  داغیدی  بل  سیندیرار

قارداشی  ئولسه  یوخ  فنا  دنیاده  قربان  قارداشا


سیندیرار سوز یوخ اگر محکم وریلسا داش داشی

وار یری توجیهه گر  ترک ائتسه  یولداش یولداشی

تک  ولی  قویماز  یامان  گونلرده قارداش قارداشی

احتیاجون   وار   یامان   گونلرده   هر  آن  قارداشا


باغبانون  محنتی   گلشنده   برگ  زردیدی

آیریلق  هر زندگیون  غملی  فصل سردیدی

تزقوجالدان دهریده انسانی قارداش دردیدی

هر  مصیبتدن چتیندی درد هجران  قارداشا


دوزدی  سودای    محبت  هر  بلالی   باشدادی

بیربیرینه اوخشاری قارداشلارون   گوز  قاشدادی

جان وئرنده قارداشون حسرت گوزی قارداشدادی

حسرتیله  چوخ  باخار جان اوسته گریان قارداشا


عاشق   وارسته  جانان  اولان   باشدان   گچر

سوز  آهی   گور نجه  تاثیر  ائدر  داشدان  گچر

کیم حسین تک شیردل غیرتلی قارداشدان گچر

ائتدی فرمایش گوزوم قربان بو عطشان قارداشا



سبک بانوای ناصراسدی