قصائد والحان الرادود مهدي الزينبي

2022-08-19 09:11:24 ياغريب  المات ضامي  ياغريب  
ياحسين الظل عله الغبره سليب
_
ياحسين شلون ننسه كربله
شلون ننسه اصراخ ذيج العايله
بعد راسك علرمح نتخايله
وبعد جسمك بدمه انشوفه خضيب
____
انشوف جسمك والسهم فوك الكلب
نابت وجالسيل من دمك يصب
اخ يومك ياحسين اشكد صعب
وعله امصابك لا تظن يطفه اللهيب

يالهيب الماطفه ساعه وبرد
عله امصابك والفطر راسه العمد
وبعد نذكر هالرضيع البلمهد
وبعد نسمع بالخيم ون ونحيب

بعد نسمع صوت زينب هالتصيح
حسين يبن امي عله الغبره ذبيح
وعله التل انشوفهه اتكوم وتطيح
وتنخه بخوتهه ولاتسمع مجيب
____
تندب اخوتها الضحايا علتراب
اتصيح ابوي اليوم عني ليش غاب
خل يجي ويشوفني بهذا المصاب
هذا يومج كربله كلش عجيب

مثل يومج كربله ماشفنه يوم
مجتفه الاطفال بالحر والسموم
وهاي زينب ظلت اتطيح وتكوم
بلوه بلوتها الطفل منهه يشيب

اتشيب منهه كلوب عمله كربله
يوم هجمت هالكفر عالعايله
انذلت الجانت عزيزه مدلهه
والشمر اصبح عله الخدر رقيب.

اسروهن والظعن سار وكطع
وجم رضيع من العطش خر ووكع
اتنوح زينب والكلب منهه انصدع
اتصيح والي الهل الحريم منين اجيب

للشاعر المرحوم علي مهودر الحمراني


https://t.me/ML_mahhde باز کردن / نظر دهید

2022-08-18 16:28:13 نعي لسان حال السيدة زينب عليها السلام



دار الـوكت والـوكـت دولاب
لا خله بزلمنا اچبير لا شـاب
ولد ابو تراب اتوّسـد الاتراب
خـلّـصـووا كلـهم بالحرايب

حـرگـوهـن اعليـنا الصواوين
فـرّيـنـه بالـبـرّ مـا دري لوين
يحسين وين الگاك يـحسيـن
منـي الـنـظـر فـرگـاك سالب

نار اخيامنا حيل اشـوه مـن نار
گـلبـي الما تهـوّد والعـتب حار
جلمة خوية ضلّت عندي تذكار
والضيم من هالجلمة ناشب


يا حال خوية اشكيك يا حال
چلمة (بخير) احچاية تنگـال
تعبانة وچبيرة وبيدي الاحبال
والسوط فوك امتوني واچب


يـا حـيـد يا صـنـديد يا حـيد
فزعت علينا الموش اجاويد
من اجفوفكـم عباس للگـيد
چـتـفـوا حـرمـنا وانت غايب

فـزّاع بــس الـسـوط فـــزّاع
بــمـتـونّـه يتلـوّة كــل سـاع
يسباع ما ضل حيل يسـبـاع
فـزعـولـنـه يـهـل الـطـلايـب

ووداعـكم مـا اعرف اشـلون
يصـعـب علـية اوداع العيون
ياعون زينب گـوموا لام عون
ضلّيت عدلة اعله المصايب


ننتظر منكم واحـد يـگـوم؟
يخوان زينب لو حله النوم؟
يـحـدونّـه لـلـشـام هالـگوم
وانـتـم طـرايـح عـالتـرايـب


حيهم يهاشم يهل الحگوك
نسـوانـكـم فـروهـن بسوگ
مالاگت النا ومـاهـي اتلوگ
بــديــارهـم نـفـتـر غـرايـب

يـحـيـود اهـلنـا وعـز الاسلام
نسـوانـكـم مـو للـخـله اولام
والشام آخ اشمصعب الشام
نــوم الـثكـالى بنـص خـرايب

____________________

كرار رحمن

https://t.me/ML_mahhde باز کردن / نظر دهید

2022-08-18 08:33:25 عندما اتو براس الحسين ع لمولاتي رقيه ع بالطشت ...



هل راس المن // عيونه ايدمعن
وليش يباوع بيه اهواي
ليش مشيب // شكد متعذب
ماواصل لشفافه الماي
**
شادهني هالراس شكثر _ دم جامد اعله اعيونه
مابي ملامح بس جرح _ والنزف ماخذ لونه
شوباقي منه بس نحر _ ياعمه وين امتونه
شمسوي شفته مكطعه _ ومكسرات اسنونه
مبين عظمه // مخلص دمه
هذا الراس يريد افياي
ليش مشيب // شكد متعذب
ماواصل لشفافه الماي
****
سهم بلهاته شدخله _ وبخدوده طبع الحافر
كدمات اشوف بكصته _ شكم مره واكع عاثر
نحره جبير امن الرمح _ ومجانه ازرك صاير
شكم يوم ضل جوه الشمس _ وباليل باقي يناطر
مجوينه اشكد // باقي بلاخد
فوك ارماح ورايح جاي
ليش مشيب // شكد متعذب
ماواصل لشفافه الماي
**
شكد مرمي ياعمه بحجر _ ومورمه اشوف اجبينه
نازل الدم الناظره _ وصاير زراك ابعينه
ميت عطش قبل الذبح _ واميه مامنطينه
شاهك تراب ويالنفس _ شمسوي ومتعبينه
حافر داسه // ومارد راسه
كعدي عمه وشوفي وياي
ليش مشيب // شكد متعذب
ماواصل لشفافه الماي
**
كاسرلي كلبي وخاطري _ من شفته هيج معذب
واصل الشيب الحاجبه _ هستوه يمكن شيب
الله يساعد طفلته _ متانيته هسه وتنحب
ماتدري ابوهه بياوضع _ مذبوح راسه مسلب
بس تشوفه // تموت بخوفه
مشدوهه تظل ابلا راي
ليش مشيب // شكد متعذب
ماواصل لشفافه الماي
**
مألوف اشوفه هلوجه _ شابكته يمكن مره
بايسته اظن ابجبهته _ وتجمعني ويا عشره
ضاحكلي يمكن من قبل _ توني بديت اتذكره
كايلي يبنيتي شكثر _ تشبهين امي الزهره
هذا حسيني // الفارك عيني
مشتاكتله شكد عيناي
ليش مشيب // شكد متعذب
ماواصل لشفافه الماي
**
كل هذا صار بوالدي _ وانه اعرفت من تالي
جابولي راسه بالطشت _ مو والدي حسبالي
معذبين راسه بياذنب _ جان اعله رمح العالي
خلوني اودعكم بعد _ راح امشي ويه الغالي
ساعة موتي // يسكت صوتي
وتطلع روحي من مبجاي
ليش مشيب // شكد متعذب
ماواصل لشفافه الماي
**
محمد خضير الزيديhttps://t.me/ML_mahhde باز کردن / نظر دهید

2022-08-17 19:36:28 أللهم عجل لوليك الفرج باز کردن / نظر دهید

2022-08-17 08:30:57 أللهم لك الحمد والشكر على كل حال باز کردن / نظر دهید

2022-08-15 09:53:46 أللهم صل على محمد وآل محمد باز کردن / نظر دهید

2022-08-15 09:40:41 (رؤيا)
……………… ..
بليل العاشر گعدت زينب.. شافت رؤية وضلت تنحب
وحارسها الكافل شافاها.. بالراية گام وغطاها

شافت رؤيا
………………
گال الها يخيتي بداعة الخوه
احچيلي يحره ومن حچت گوه
گالتله حلم بس مدري ياهوه
چن اعلنهر مذبوحة المروه

طايح چفه أگباله وشلته.. ما اعرف بس چني شايفته
گلبي يگلي عشتي وياها.. وبالراية الكافل غطاها

شافت رؤيا
……………… ..

زينب خايفة ومو مثل ليلية
تحچي اشويه يَمّه وتسكت اشويه
جاوبها وحسرته تارسه الريه
بعدني بخير يختي وسالمه ايديه

مشهد خويه شفته هنانه ..عطشان يگابل عطشانه
والكافل يعرف معناها.. بالراية گام وغطاها

شافت رؤيا
…………… ..

تگله بالحلم الناس ملتمه
واجو گدامي عمدن سحگو النعمه
واني بالحلم چني گلت كلمه
هذا السحگته الخياله شيلمه

يم النعمه اشگد سلابه ..تتعارك كلها اعل اثيابه
بحسين الكافل عزاها.. وبالراية گام وغطاها

شافت رؤيا

………………………………
سمعت ابنية تبچي بالحلم يمي
وتهمس لي يعمه ما رجع عمي
هذا اعليه واحد نار ضل يرمي
ومكتوب اعلسوطه اسماء بيه اسمي

ركزت اعلسوط اقراهن ..وياخويه اسمي شفته وياهن
واردت تكمل ما خلاها ..بالراية گام وغطاها

شافت رؤيا

………………………………

شمس فوگي شفتها والارض ظلمه
وابو بيده رضيع يضمه عن امه
عجيبه هالحلم عباس وشعظمه
شفت ياس العرس الوالده اطمه

ودافتهه الحنه وي الدمعة.. ويل الهلهوله ضلت تنعه
وسط الچوله اطش حناها .. وبالراية گام غطاها
شافت رؤيا
…… .

كلشي بالحلم يختلف تفسيره
بيت الله بهزل كل ساعة يم ديره
ورمح شايله دمعة بهل امر حيره
باول ناگة تمشي مچتفه الغيره

وارماح اشگد يم الناگة.. ومشتاگ يصد لمشتاگه

زينب باجر منهو وياها.. بالراية گام و غطاها

شافت رؤيا


ايوب يوسف الطوگيhttps://t.me/ML_mahhde باز کردن / نظر دهید