قصائد والحان الرادود مهدي الزينبي

2022-07-26 22:29:07 نعي العليله جديد
… .
عليله خلافكم بويه عليله
وعليه هواي سفرتكم طويله
ثجيله الاخ يابويه ثجيله
ونه ابفرگاك وجعانه ونحيله

حملتو الظعينه گبال عيني
وانه امكدره وزايد ونيني
اتاني رجعتك لوماتجيني
حال البين مابينك وبيني

الابوذيه
……
البت ابغير ابوها ياهو الها
مصايبها الزغيره ياهو الها
العليله اشماتهفي ياهو الها
تموت ابخنگه عالراحوا سويه
…… ..
من ودعوني راحوا هلي وماشين من ودعوني
وحدي جفوني شمسويه اني وليش وحدي جفوني
شو ماخذوني من دون اهلنه ليش شوماخذوني
مايذكروني شالو بعيد ابعيد مايذكروني
… ..
علي الحاج الصبيحاويhttps://t.me/ML_mahhde باز کردن / نظر دهید

2022-07-26 17:00:06 أللهم بحق محمد وآل محمد ان تشافي وتعافي كل مريض بحق الزهراء ع باز کردن / نظر دهید

2022-07-25 17:51:07 أللهم صل على محمد وآل محمد باز کردن / نظر دهید

2022-07-25 17:15:59 #قصيده _للهلال
وزن البحر الطويل

هلالك محرم


لفه شهر الحزن والنوح وعلگنه بيارغنه
خدام ونضل لحسين يلي بخيمته يلمنه
                *---------------*---------------*
هلال الفاجعه من هل ونشرنه بيرغ الزهره
يهيج الحزن يازينب ابد ماتبرد الجمره
بسواد الكل تحضرنه دموع وتنزل بحسره
زناجيل ومواكبنا اجت تلطم لابو العتره

وحگ الطيح الچفين غير الخدمه ماعدنه
خدام ونضل لحسين يلي بخيمته يلمنه
                *---------------*---------------*
يهلال الگدر هليت وتذكرنه بحرگ لخيام
من نلطم نشم عطاب ونذكر حرمله واسهام
وحگ نحرك يبو اليمه نظل طول العمر خدام
منحيد اعله دربك دوم شما طالت بعد الايام
يشهر الأحزان والآلام هلالك والله يهضمنه
خدام ونضل لحسين يلي بخيمته يلمنه          *---------------*---------------*               
باجر ياهلال الضيم بيك اجم مصيبه نشوف
وباجر عالنهر عباس توگع من ادينه چفوف
وباجر زينب الحوراء بيديها الحبل ملفوف
وباجر بين خيل ونار وبگلوب العلاوي الخوف
ماعندك بخت يهلال بجيتك بس هضم شفنه
خدام ونضل لحسين يلي بخيمته يلمنه
                *---------------*---------------*
بيك جم مصيبه نشوف هلالك والذبح يفزع
بيك انذبح نحر حسين وراسه عالرمح يُرفع
بيك انسبه خدر الله لجان خياله مايطلع
بيك جم گلب مكسور وعيون الحرم تدمع
من تجبل يشهر الشوم هيئات لتجمعنه
خدام ونضل لحسين يلي بخيمته يلمنه
                *---------------*---------------*
عاشور الحزن بين هلال النايبه من هل
تحزمنه بعزم عباس صوت من الگلب رتل
جم خادم رحل عنه لجان دموعه بس تهل
ليحضر كل سنه ويانه لوعه بنص گلبنه خل
خدام وعلينه اعزاز خذاهم والنجف منه
خدام ونضل لحسين يلي بخيمته يلمنه
                *---------------*---------------*
خادم السيده زينب
باقر جبار الشويلي
نسالكم الدعاءhttps://t.me/ML_mahhde باز کردن / نظر دهید

2022-07-25 16:53:07 أللهم صل على محمد وآل محمد باز کردن / نظر دهید

2022-07-24 18:22:07 گلبي راح ويه الضعن
شفت انواع المحن
ضل بيتي خالي وبلايا والي
انا العليله انا العليله
......................................................
راحن خواتي ويه الضعن وانه بقيت بلا ولي
عافوني اهلي بمحنتي ولا خبر منهم رد الي
عبد الله ورقيه مشو وعلي رايح وي علي
ياريت وياهم رحت بلكي أطيب بنص هلي
.............................
شگد عذبتني كربله
ودموعي علخد هامله
وبهذا حالي وبلايا والي
انا العليله انا العليله
....................................................................
ياوبيه طالت سفرتك وماعندي حيل اعله صبر
ياويلي من شفتك رحت كل خطوه يوم من العمر
و سنيني صارت مضلمه من راح عباس الگمر
وبالگلب نار العمتي اي والله گلبي چن جمر
.................................
وصعبه اليفارگ هله
واناچنت مدلله
عنهم سؤالي وبلايا والي
انا العليله انا العليله
....................................................................

صرت اسأل نجوم السمه ماشفتي والد بالغرب
لا خبر لا طارش وصل وانا اتاني اعله الدرب
عطشانه عيني الشوفتك يابويه يا ماي العذب
ابچي وانوح واندبه واني ادري يسمع للندب
.................................
اي خبر منهم ما وصل
لاسامح الله شي حصل
اسأل خيالي وبلايا والي
انا العليله انا العليله
...................................................................
اتمنه شوفتهم صرت بالحلم واحضنهم ردت
يا بويه تعبني المرض ولا ساعه من بعدك نمت
بس لا نساني والدي مومره الف مره متت
كل ساع اموت بمحنتي ويا عيشه من بعدك عشت

.....................................
متعلمه اشبگك كل وكت
يالعذبتني من رحت
گلي شبقالي وبلايا والي
انا العليله انا العليله
....................................................................
ترجيته امشي ويه الضعن لاچن نحيله وما قبل
وين الله كل هذا حلم وحسين عني مارحل
لچن قدر مكتوب الي مكتوب اعيش انا بوجل
كل ضعن من يمي يمر انطر سلامه وما وصل
........................................
يوجعني گلبي من البعد
واني ادري سالم مايرد
مسهرة اليالي وبلايا والي
انا العليله انا العليله
..........................................................

محمد صادق الدراجيhttps://t.me/ML_mahhde باز کردن / نظر دهید

2022-07-22 20:17:29 الحمدلله وصلنه بخير وسلامة ومانسيناكم من الدعاء والزيارة باز کردن / نظر دهید