2022-07-27 20:17:54
يالمـهدي هـل أهـلال عـاشور
مـأجـور يا مـولاي مـأجـور
تتوچه وتگوم
من كثر الهموم
مـأجـور يامـولاي مأجـور
:::::::::::::::::::::::::::::::
تذكر ضعنهم من طـلـع من المدينه الكربله
ضلت عليلتهم تـوون مـن ودعتهه العـايله
يبن الحسن شافت حزن لوجبل مايتحمله
بالدار صارت للأسف مجروحه ماهي أمدلله
تصرخ يلحباب
يم عتبت الباب
مـأجـور يامـولاي مـأجـور
:::::::::::::::::::::::::::::::::::::::::::::
تتذكر الطفـله البقت بالـدار ماتحمل هـجـر
تطلع تعاين بالدرب وتسايل الضعون التمـر
من وحشة افراگ الاهل غرفتهه تشبه للگبر
الله يعينك سيدي كل الساعه روحك تنعصر
گلبك يشب نار
ياصاحب الثار
مـأجـور يامـولاي مـأجـور
::::::::::::::::::::::::::::::::::::::::::
مـن هـل الهلال إنجرح گلبك يمـولاي ونـزف
ويلاه يبني المنذبح صوت أمك الزهره هتف
ساعات تربي الكربله ساعات تربي اعله النجف
كل مغرب يصب من دمه مولاي دمعك مانشف
لوصار الغروب
دلالك إيذوب
مـأجـور يامـولاي مـأجـور
:::::::::::::::::::::::::::::::::::::::
من يجن ساعات العصر يتعايش اوياك الالم
مـا تنسه زينب بالضعن والگـمـر شيال العـلم
من وصلو ٱلطف كربله والعين صوبهه السهم
وحسين طاح اعله الثره والنار شبت بالخيم
لوچلچل الليل
يتهدم الحيل
مـأجـور يامـولاي مأجــور
:::::::::::::::::::::::::::::::::::::
من المصايب والحزن كل يوم روحك تنفجع
واحـد محـرم مـن يهـل تتـوزر أبنـص الجمـع
تگعد أوبيدك رايتك ويفييض الحضره الدمع
من تسمع أقرايه أوالطم يامهدي گلبك ينصدع
متوسط الناس
تلطم عله الراس
مـأجـور يـامـولاي مـأجـور
:::::::::::::::::::::::::::::::::::::
فـاخـر عـلـي الشبيبيhttps://t.me/ML_mahhde
428 views17:17
ق
