من الآخر … متغسلش اللحمة ولا الكبدة أما الفراخ هقولك تعملها | صحتي هي حياتي
من الآخر … متغسلش اللحمة ولا الكبدة أما الفراخ هقولك تعملها ازاي
علمياً اللحمة ماتتغسلش. (خلينا بس نتكلم صح)
لكن وعلشان ناس كتيرة مش قادرة تستوعب إنها متغسلش اللحمة .
ف أنا هكتفي بإن أقولكم
بلاش غسيل اللحمة قبل ماتحطها في التلاجة. ضروري ضروري ضروري
وده ليه
هجاوبك
أولاً.. اللحمة لما بتيجي عليها ميه بتزيد من نسبة الرطوبة فيها و ده اللي بتعشقه البكتيريا عشان تكبر وتتكاثر فيها
ثانياً .. لما بنغسل اللحمة بتفقد البروتينات في الميه وكمان المعادن اللى كانت موجودة فيها فبتبقى عاملة زي الألياف قيمتها الغذائية بتكون قلت جداً.
ثالثاً.. في حاجه اسمها لاكتيك أسيد و ده مهم جداً لإنه بيموت كمية معينة من الأمراض زي البروسيلا .. ولما بتتغسل اللحمة بيروح اللاكتيك أسيد ده و ساعتها أهلا بالبروسيلا
طيب لو هتسألني الفراخ والسمك يتغسلو
أقولك آيوه..... بس بطريقة معينة
خل ومياه ويتحطو في وعاء يتشطفو فيه لمدة دقيقتين مش أكتر..... مش أكتر.
