خل التفاح ممكن جدا يساعد في التخسيس و حقولكم ازاي بس تعالوا | صحتي هي حياتي
خل التفاح ممكن جدا يساعد في التخسيس و حقولكم ازاي بس تعالوا نفهم مع بعض واحده واحده ،خل التفاح بيتعمل علي خطوتين الاولي اضافة نوع من الخميرة للتفاح المقطع او المطحون فيتحول السكر بتاع التفاح لكحول و الخطوه التانيه ، بيتضاف باكتيريا بتحول الكحول ده لحمض الاسيتيك (Acetic acid) ، و ده البطل في حكاية خل التفاح و نزول الوزن ، لأنه بيخلي الأكل يقعد في المعده وقت اطول و بالتالي بيدي شعور بالأمتلاء فيقلل كم الاكل يعني عدد السعرات اللي بناخده . و الدراسات اللي اتعملت علي البشر عن دور خل التفاح في نزول الوزن قليله، بس منهم دراستين ، واحده اتعملت سنه ٢٠٠٩، و التانيه سنه٢٠١٨، و الاثنين اثبتوا ان الناس اللي اخدت معلقه ل معلقتين كبار يوميا من خل التفاح لمده ١٢ اسبوع ، قل عندهم ٤ حاجات : الوزن و كتله الدهون في الجسم و محيط الوسط و الدهون الثلاثية . يبأه الخلاصة خل التفاح بيساعد في نزول الوزن ؟؟ الإجابة ايوه اللي عايز يعرف فوايد تانيه لخل التفاح و ازاي نستخدمه بدون ما يسبب لنا اي متاعب صحية ….. بكره ان شاء الله دمتم اصحاء #رشاقة
