#ذات لحظة إبتهال حسن حلقة '16' ________________ 'يوم جديد' * | NOVEL • روايات
#ذات لحظة إبتهال حسن حلقة "16" ________________ "يوم جديد" *السلام عليكم -وعليكم السلام... اتفضلوا اتفضلوا.... أمي مروان ومرتو وصلوا... _ياا مرحب يا مرحب... اتفضلوا "جات خالة مروان تسلم علينا....دخلنا الغرفه كان فيها حبوبة مروان سلمت علينا بالاحضان" تعالى اقعدي جمبي يا مرت الغالي ولد الغالية... "قعدت جمب حبوبة ومروان قعد بالجهة التانية، بقيت تسأل من أخبارنا" كيف انتي يا بتي... ومروان دا كيف معاك =الحمد لله مالك مسكينة كده.... قول لي لو مروان مزعلك عشان اضربو لك بالعصاية دي.... *انا مروان حبيبك يا حبوبة... هسا عايزة تضربني بالعصاية.... "خالتو جات وجابت العصير... اتفضلوا يا حلوين " =تسلمي.... *وين عمي... لسه في الشغل ول شنو _عمك مسافر والله، ليهو اسبوع.... *شغل ول في البلد _لا، شغل.... *وين سنفورة ليلي، فتحت لينا الباب واختفيت _الليله ليلي قاعده تعمل ليكم بسبوسة ظابطة -انا ما سنفورة... والله السنفورة مرتك دي" ليلي جات بتقول ل مروان كده وجات قعدت" قعدت تهظر مع مروان ويزيد اخوها جا كمان.... أول مرة أشوف شخصية مروان دي، كان حنين معاهم، شكلو متعلق ب خالتو وعيالها وحبوبة كمان.... بعد الغدا مروان قال نمشي خالتو قالت الا نقعد جابوا الشاي والبسبوسة... قعدوا يحكي عن طفولية مروان وكيف كان مشاغب.... كنت بضحك لقيت مروان بعاين لي.. وضحك ' على لسان مروان' اول مرة اشوف هُيام بتضحك كده... ' مروان هو ويزيد مشوا يلعب بلايستيشن وليلي مشيت تغسل العدة... شوية وخالتو قالت لي _اها يا هُيام لسه ما بقيتوا تلاته... =لسه... -يا بت رحاب، انتي أسئلتكم دي ما بتخليها... _مافيها شي يا امي.... هُيام بقيت بتنا... عادي مش يا هُيام =اي.... "صلحت التوب وغطيت بطني" -ما شاء لله الصور حقت العرس حلوة.... _هم الحلوين قولي يا أمي =تسلمي... _والله العرس جا فجأة حتى احنا كنا شايلين ليك هم انتي الزمن ح يكفي ولا.... لاكن ماشاء لله، طلعتي حلوووة.... بيني وبينك كنا مستغربين في العرس السريع دا بس مروان ليهو حق... ما يصبر...... -يا بت رحاب خجلتي البت..... _أمو الله يرحمها كان ح تكون مبسوطة بك شديد =الله يرحمها ويغفر لها.... مروة قالت لي اتوفت قبل وجن..هي اتوفت عيانة؟! _غريبة مروان ما قال لك =لا... وانا ما حبيبت اسأل _هو زاتو بعد وفاة امو بقى غامض ومابتكلم، وبعدو وفاة وجن.. هسا لاكن الحمد لله بقى كويس... مش بتعرفي وجن تكوني سمعت بيها... =اي.. مروة قالت.... حتى أن حالتو كانت سيئة فترة طويلة... _والله يا بتي صعبه على زول أقرب اتنين ليهو يموت قدام عيونو.... =هي امو الله يرحمها كمان مات قدام عيونو _اي، كان طالع مشوار هو وأمو... كان بيتكلم معاها... جات عربية من الاتجاه التاني داخله غلط ضربتهم، لدرجة العربية دي انقلبت، الناس بقيت تحاول تطلع فيهم.... اها لمن وصلوا بيهم المستشفى كان ربنا اخد أمانتو.... مروان قعد شهرين من عملية ل عملية لمن بقى كويس، ابوهو سافر بيهوعشان العلاج النفسي، الحمد لله،وبعدها جات قصة وجن...ربنا يرحمهم ويغفر ليهم. =آمين يارب "شوية وجا مروان قال نطلع بعد دا، الوقت داك المغرب طلعنا، في الطريق كنا الاتنين ساكتين.." =ممكن اقعد جمبي البحر شوية....لو عندك مشوار ول مستعجل خليهو خلاص *لا ما عندي حاجة.... "وصلنا نزلت قعدت" عايزة تشربي حاجة؟! =لا ما عايزة شي *خلاص اجيب قهوة ل نفسي انا 'مروان جاب القهوة وانا سرحانة' *هُيام هُيام =اي، جيت *جيت من قبيل، سرحانة بعيد شكلك =بحكي ليهو، وبغير مزاجي... ويشيل الطاقة السلبية *دا كل يعمل البحر.... بتحكي ليهو... بس بيقولوا البحر غدار... =غدار لو دخلت فيهو الأماكن العميقة، بس انا بحكي ليهو هسا... اقول لك حركة تعملها... شيل نفس كدة وطلعو... ح تحس بإحساس حلوو "عمل الحركة" اها حلوة صح... *اي.... =اشرب قهوتك ح تكون بقيت باردة.... "شرب القهوة وكنا ساكتين" *معليش يا هُيام =على شنو *على أي حاجة،وعلى آخر موقف بيننا... =لا عادي عندك حق انت كان اصلا... *ما عندي حق، انتي الصح.... عارف نفسي غلطان... فمعليش علي اي حاجة... انا غيرت لك كل الخطط حقتك وحياتك، اكيد كان عندك حياة وطريقة معينة ليها انا جيت ودمرت لك دا كل، واكيد كان نفسك تكوني مع زول يعرف يصونك ويحترمك، رجل مسؤول، انا مدمر حياتي وجيت دمرت لك حياتك انتي كمان... وعندك حق تسألي اي حاجة وتغيري فيني كمان وح أكون منتظر اليوم ال تسامحني فيه. =انا ما عارفة ح أقدر ول لا... بس على الأقل ح احترم وجودك في حياتي لأن انت اب الطفل.... بس بحاول اسامح عشان الطفل ال ما عندو ذنب ما يجي الدنيا ويشوف كره في عيوني لك... "كنت ببكي"
