*انا اوعدك انا كمان، ح اتغير عشان لمن يجي الدنيا، يلقى الأب عظيم... بس ممكن مساعدة منك..؟! ="مسحت دموعي، و بإبتسامة" ممكن... يلا نمشي البيت البرد جا *يلا "ركبنا العربية اديني منديل" =شكراً *عفواً "وصلنا البيت قعدت معاهم شوية تحت وطلعت الغرفة... شوية ومروان جا" *هُيام ما شاء الله، شايفك بتقومي الصبح ممكن تقومني معاك =حاضر _____________ " عند شهد كان فاتحة دردشة مع زول" _مكالمة هسا =اي _خلاص ما أكتر من خمسة دقيقة... 'التلفون ضرب' =الو.... ازيك.... _أنا الحمد لله كويسة... الحمد لله 'الاتنين ساكتين' _لو بقيت ساكت كدة الخمسة دقيقة ح تنتهي وانت ساكت =هو انتي جادة في الخمسة يعني _اي... يلا قول باقي دقيقتين =ممكن نطلع بكرة طيب _ليه؟! =شنو ليه نطلع يعني _اي =عادي مش احنا أصحاب... _بس احنا ما أصحاب... =إنسانة صريحة جدآ كمان.... _ما كدة، بس ما بحب أدى مسميات ل علاقتي مع زول قبل ما أكون مقتنعة انا بالإسم دا.. =خلاص نقول معرفة.... ول كمان ما معرفة _لا، معرفة خلاص.... =خلاص ممكن اجيك المكتب يوم... _تنور... على فكرة داخلين على عشرة دقيقة =مركزة انتي مع الزمن.... _اي.... يلا تصبح على خير =وانتي من اهلو... _____________ "تاني يوم الظهر" *صباح الخير _صباح النور... دي نهارك سعيد الظهر جا بعد دا *عليك لله... انا قبيل ما قمت لك ول شنو _اي، كم مرة كنت بصحا فيك.... *انتي عارفة بقى لي زي الحلم كدة... _تكون عشان ما متعود بس... خلاص انا نازلة تحت اخليهم يجهزوا لك الاكل انت قوم ظبط نفسك... _____________ "في مكتب شهد" "شهد قاعدة في المكتب مركزة في اللابتوب " =السلام عليكم _مصطفى! =ردي السلام أول كدة _وعليكم السلام.... خير مالك؟! =هو انتي كدة قاعدة تستقبلي الزبائن _هو انت جا ب صفتك زبون هسا!! .... اتفضل طيب تشرب شنو؟ =اي حاجة من ذوقك _عندنا عصير ليمون ب خلطة سرية رهيب ح اطلب لك.... 'الو اي عمرو.... اتنين عصير ليمون عليك لله' ... 'قفلت الخط' اها... عايز تنظيم ل عرسك، خطوبتك. تخريجك.... هو ما اظن تخريجك لأن كبرت على الكلام دا... =كده دقيقة براحة هو انتي طوالي كده شغل بس _الله... مش قلت جاي شغل.... =ما جا في شغل ول شي.... _صريح كمان =اي... كمان عشان اكون صريح معاك اكتر، لقيتك بتحسبي في زمن المكالمة بالدقيقة... قلت اجي اشوفك وكده ما ح تحسبي هنا كمان... وبالمرة نجي نقول لك داير تنظيم ل حفلة.... _يعني الشغل كبرى عشان تجي.. =اي..... عندنا حفلة صغيرة كده تابعة ل الشركة... بس اول عندي شرط _شرط شنو؟؟ =نطلع اعزمك غداء _اااااا =لو ما وافقت معناها الليله بضرب لك نتكلم ساعتين... لو ما ردتي بجي اقيف قصد بيتكم كدة بس.... _ب تهديد كمان..... =لا العفو ما تهديد... دا تحذير... _خلاص موافقة... ___________________ "في بيت الزين" =هُيام يا بتي الأكل ح يبرد امشي شوفي مروان دا، احتمال رجع نام تاني _امبارح كان مساهر صح "عم احمد سألني، قبل ارد مروان جا نازل في السلم ورد ليهو *ما كنت سهران، قاعد في البيت كنت.... انا طالع -الأكل طيب *ما عايز يا هُيام.... 'مروان طلع' =ليه كدة يا أحمد... _هسا انت قلت شنو يا فاطمة... انا سألت هُيام هو كان مساهر ول لا... هسا دا سبب عشان ما يجي يأكل =ما عارفة بس يا أحمد الود دا بقى حساس شديد، وقلت لك ما تعامل معاهو زي الشافع. -بعد اذنكم طالعة الغرفة _هيام.. عمتك مش قالت لك بموضوع الدكتور -اي _حجزت ليكم يوم الأحد تمشوا... -طيب... إن شاء الله ____________ "اليوم كل منتظرة مروان يجي، ما جا لمن ب ليل دايرة انوم ما جا.... صحيت الصباح لقيتو في الكنبة مافي... عرفتو ماجا.... نزلت شربت الشاي وفطرت مافي زول جاب سيرتو وانا ما سألت..... طلعت الغرفة... بقيت قاعدة مرة امسك التلفون ومرة افتح التلفزيون وزهجانة.... قلت اضرب ليهو... ضربت ليهو تلفونو مقفول..... الفضول فجأة قال لي افتحي الدولاب حق مروان... فتحتو لقيتو مرتب ما شاء الله، عندو ألبوم صور ورسمات كتيرة في الرف الأول... بقيت اشوف فيهم.... " _________ " في مكتب شهد " "رفعت رأسها " _بسم لله جيت متين انت... واقف تعاين لي كدة =جيت قبل خمسة دقيقة.... شايفك مركز في اللابتوب قلت انتظر اشوف نهاية تركيزك دا.... _تعال اقعد.....هو انت كل يوم ح تجي عندنا ول شنو... ول ح تقول لي برضو شغل =اعمل لك شنو... عايز اشوفك.... _بقيت صريح زيادة عن اللزوم شايفة انا"بابتسامة" .... عندي شغل انا تقعد نص ساعه وتمشي... =والله انا كمان عندي شغل.... طيب رأيك شنو وقت الغداء نمشي محل امبارح....
