#ذات لحظة إبتهال حسن حلقة '18' _________________ *تسلم يديك | NOVEL • روايات
#ذات لحظة إبتهال حسن حلقة "18" _________________ *تسلم يديك القهوة حلوة _الله يسلمك "شال الصور تاني وبقي يعاين ليها قال لي" *هُيام ممكن طلب _اتفضل *لو الطفل بت ممكن... ااا"كان متردد، طوالي قلت ليهو" _وجن *ممكن؟! _اي، طيب لو ولد... *ما فكرت لو ولد... _انا قلت ح تقول لي أحمد... *ما فكرت لو ولد.... "رجع الصور، وقام ماشي على البلكونة، شيلت الصينية ونزلت تحت المطبخ" =يديك العافية يا بتي _اللهم اميين =رأيك شنو الليله نعمل الفطور عصيدة بالروب الأبيض... والسمنة والشطة الحمراء.... ما تقول لي ما بتحبي الحاجات دي _لا بحبها... اها اعمل لك شنو انا =ولا حاجة اقعد معاي نتونس بس... _طيب دقيقه اقول ل مروان ينزل هو كمان.. =أنا ما نسيت مروان.. خلاص اطلعي ليهو انتي وانا لمن اخلص بنادي عليكم.. _لا والله... اقول ل مروان بس ونجي نقعد معاك... "طلعت الغرفة لقيت مروان في البلكونة بشرب سيجارة لمن جيت رماهاطوالي " _عمتو عاملة عصيدة بالروب الأبيض على الفطور اهاا رأيك شنو *بالهنا عليكم _عليكم شنو،انت معانا. *لا، ماشي على الشركة انا... تلفوني وين؟ ديل ح يكونوا ضاربين مية مكالمة. _الليله ما ح تمشي الشركة، عم احمد قال ترتاحي الليله *ابوي قال كدة!!.. ول انتي؟، اكيد انتي لأن هو مستحيل يفكر في راحتي.. _هو انت ليه بتفكر في ابوك كده، هو ابوك في النهايه ومعليش لو على الضرب والكلام دا فأنت قاعد تعمل حاجة غلط... *هُيام أنا من فتحت عيون على الدنيا دي ابوي ، قاعد يقلل اي حاجة بعملها، حتى حزني على وفاة امي كان شايف ان ما صح ازعل قدر دا، وأن كده انا ولد مدلع سااي، وسافر بي علاج نفسي، انتي عارفه لو جرب ياخدني في حضنو ويطبطب على ما كان ح احتاج علاج ... "طلع سيجارة عايز يولعها... رجعها تاني" عايز اي حاجة على كيفو هو.. ما مهم احساس الزول أو هو عايز شنو... اختار لي المدارس، اختار ل الجامعه والتخصص كمان، عشان بعدين اجي امسك شغلو .. وكان عايز يختار لي العروس... _بس اكيد هو بيعمل كده ل مصلحتك ح يكون. *مصلحتي في أن يفرض على رأيو في أي حاجة، ابسط حقوق أن أختار الحاجات البحبها انا،ما المناسبه معاهو هو... _هو ابوك في النهايه وبحب لك الخير، وح يكون عايزك تبقى احسن منو كمان.... حتى الحاجات القاعد يعملها وانت شايف انها غلط هو بالنسبه ليهو صح... *صح ول غلط.. انا بقيت ماشي على اختياراتو هو،بعد اذنك نازل ل عمتي. _طيب *انتي ما نازله ؟! _اغير هدومي وبنزل ليكم *طيب __________ "في جانب ام هُيام" -يا وفاء كدة اضربي ل بتها ول ولدها... _احسن اضرب ل هُيام، يوسف اصلا ما هنا... "طلعت من الحمام لبست لي عباية استقبال، عملت شعري، تلفوني ضرب ردت" _الو.. اهلين يا وفاء ازيك... امي!!! ... مالها؟؟ مستشفى شنو..؟! جاية عليكم أنا.. "شيلت الطرحة وبقيت نازلة سريع في السلم " =بسم لله يا بتي براحة السلم مالك خير _ااا امي يا عمتي =بسم لله مالها؟! _امي في المستشفى لازم امشي ليها انا... =دقيقه يا بتي اخدي نفسك، أجيب توبي امشي معاك "مروان طلع الغرفه جاب مفتاح العربية واتحركنا على المستشفى" __________ "في المستشفى " =براحة يا بتي براحة "عمتي بقيت ماسكة يدي وانا ماشه سريع، مروان كان ماشي قبلنا سأل من الغرفةمروان قال لنا " *تعالوا دي الغرفة "دخلت لقيت امي في السرير، جريت عليها وبقيت ابكي في حضنها،كان معاها البنات الشغالات معاها في الروضة" 'عمتي فاطمة ومروان دخلوا سلموا' _امي مالك حصل عليك شنو؟! -انا كويسه يا بتي... امسحي دموعك دي... _مالك طيب؟! 'قمت بقيت اسأل في البنات' -والله الصباح لمن اتاخرت، قلنا نمشي ليها البيت، و كويس المفتاح كان معانا... دخلنا كانت واقعه في الأرض، طوالي اتحركنا بيها على المستشفى، واتصلنا عليك =الف سلامة عليك يا سوسن -الله يسلمك يا فاطمة.. _الدكتور قال ليكم شنو -السكري مرتفع قال _ما قاعده تاخدي الحبوب صح يا امي -والله عندي كم يوم ما اخدها وامبارح عندي صحبتي جات تشرب معاي الشاي عملت ليها كيكة شوكولاته، واكلت منها _امي دا كلام شنو عليك لله، انا مش قلت لك الحاجات دي ممنوعة 'الدكتور جا داخل وقال ' حمد لله على سلامتها.. _الله يسلمك.. اها يا دكتور هي هسا كيف 'مروان بقى يسأل فيهو' هسا احسن، بس ح تقعد معانا لمن بكره نراقب السكري دا كتبت ليها حقن بدل الحبوب لمن السكري دا ينزل شويه "مروان شال الروشتة، الدكتور طلع" . *خلاص امشي اجيب العلاجات انا، حمد لله ع سلامتك يا خالة الله يسلمك "مروان جاب العلاجات وجاب أكل معاهم، قعدوا معانا لمن العصر كده عمتي فاطمة مشيت، المسا جا ابو مروان ومصطفى ومروة"
