لازم تنسى فيسع ( حيقولولك ) ! خود وقتك، تخلص من مشاعرك طبقة طب | نُـورا نصر
لازم تنسى فيسع ( حيقولولك ) ! خود وقتك، تخلص من مشاعرك طبقة طبقة، أبكي وتوجع في بداية الأمر ماهو حتى الي مريت بيه مش ساهل، إنهار وأقعد ساعات في السرير، عادي تألم براحتك، وعادي حس بوجعك كامل، الأمر حيبدأ صعب .. حيخف ثاني وثالث ورابع طبقة حيكونوا أقل شِدة، حتقدر تطلع تمارس يومك طبيعي، ممكن الليل يحاصرك، لكن حتتعلم ترقد بكري، بالشوية حيختفي الشعور الكبير، حتتغير .. للأسوء في البداية ولكن للأفضل مع مرور الوقت، هكي .. يمر الوقت تخلص من مشاعرك طبقة طبقة
في أخر المطاف .. حترجع تلقى روحك بشكل أحلى، حتتعرف عليك زي شخص جديد، حتنبهر من قوته (قوتك) وحتحس لأول مرة - بعد هلبا وقت - أنك أحسن ..
