MEDICIN STUDENTS💉🌡🧪🦠🧬🩺💊

2022-02-05 05:20:18 كم ملاحظه صغيره
ما ينفع ابدا تضرب طفلك او حتى تعاقبه لان دا يبجي و لا حتى ينفع انه تزعلين منه لانه يبجي
كل اللي عليك تتركيه من يزعل و هو يرجع طبيعي
و من يرجع طبيعي لا تكوليله اني زعلت لان انت بجيت #نوبات_الغضب
الموبايل للطلاب ممنوع الا يوم الخميس و الجمعه و ساعه فقط باليوم مو اكثر
الاتفاق ويه الاطفال قبل الطلعه ضروري و ضروري جدا و يقلل المشاكل
يعني احنا وين رايحين
شنو راح نسوي
شون راح نتصرف
رحنا للمول مثلا
كم لعبه نلعب ؟
لعبتين فقط
اذا كالك ٣ كوله ما نروح
اتفق على كل شيء
حلا للمشاكل
ابدا لا تحاسب طفلك كدام الاخر حتى لو الاخر من بيتك مثلا جد الطفل او عم الطفل او خال الطفل
تعليم الخصوصيه ضروري فممنوع تغيير الملابس للأم و الاب أمام الاطفال بعد عمر سنتين
كل الطلبات ما لازم تكون مجابه
لان اذا يحصل كل شيء و اي شيء
عمره او عمرها ما راح يكون مكتفي
و راح ممكن تربي لص صغير يريد يحصل اي شيء مهما كان الثمن
اي لعبه باي بيت باي مكان حتى عامه ممنوع ياخذها
حتى لو اهل اللعبه كالوا اخذوها
حتى لو الطفل ظل يبجي علمودها
خلص
العاب الاخرين ممنوع أخذها حتى لو تنازل الاخر عنها
من تلعبون لعبه بالبيت ربحوهم مره و خسروهم مره لازم يعرفون ان باللعب اكو ربح و خساره
اذا رفض الخساره ارفضي اللعب
ماكو اي داعي تخوفين الطفل ببابا و اذا ما سويت فلان شي اكول لابوك انت كاعد تمسحين شخصيتك كدام طفلك كل اللي عليك أن تكوني واضحه
د. سيف سمير البياتي اخصائي طب الاطفال. باز کردن / نظر دهید

2022-02-04 19:25:06 diagnose renal cause for hypertension.

طبعا يعتبر high sensitive
ف هذا الحاله
بس less specific

فنحن نلجى اليه عندما نشك ان renal هي سبب ارتفاع الضغط
يعني secondary cuses

فنحن نقيس renin في الدم قبل اعطاء الدواء

ثم نعطي captopril
بعد ساعه نقيس مستوى renin

فاامفروض في الشخص الطبيعي ان الضغط يوطي لان
Captopril
بيغلق ال انزيم ACE
يعني يمنع شغل renin

بس اذا في مشكله ف الكلى بتحديد ف blood supply
يعني ف ثرومبس مثلا

الكلى بتحاول افراز renin
لانه مابش دم يوصل

حينا نشوف مستوى renin مرتفع ف الدم

هنا نحلف
ان ال renal هي السبب ف ارتفاع الضغط

renovascular hypertension

#salah باز کردن / نظر دهید

2022-02-04 19:24:03 #سؤال
في اي حالة
يعطي دواء #Captopril لغرض التشخيص وليس للعلاج
#salah باز کردن / نظر دهید

2022-02-04 19:24:01 #تذكر
يمكن لمريض الفشل الكلوي المزمن CKD اخذ دواء الحديد الشكل الفموي اذا لم يخضع لغسيل كلوي ،بينما اذا خضع لغسيل كلوي بشكل متكرر نفضل حقن الحديد باز کردن / نظر دهید

2022-02-04 15:59:21 . باز کردن / نظر دهید

2022-02-04 00:29:39 باز کردن / نظر دهید

2022-02-04 00:08:57 يمعوده انطيه الموبايل بس خل يسكت و لتذهب التربيه الايجابيه للجحيم !
يمعوده خليه ع التلفزيون ع الموبايل قابل شكو هاي مو عباس ابن هديل من الصبح لليل ع التلفزيون و شكبره راسه كلشي ما بيه !
شكد حلوه قناه ..... الجنه كلها اغاني و الطفل يظل صافن عليها !
بسرعه بدت تبجي افتحي ماما جابت بيبي حنى تسكت !
كلنا نكول هالكلام و لا استثني منها نفسي بس مو ظلم و اجحاف انه اول ما يبدي يريد يحجي تخليه ع الصامت؟
يعني تنتظريه لحظه لحظه يسولف و يكول ماما و اول ما كال اغو سكتتيه؟
هذا الاسكات للاطفال شنو معناه؟ جاوبيني
يتحرك كلتي يتحرك هوايه
يحجي كلتي يحجي هوايه
يبجي كلتي يبجي هوايه
زين هو غير طفل شيسوي مثلا ؟
يحتسي القهوه و يقلب بالجريدة؟
زين هذا الاصرار على إسكات الطفل و بعدين تتخبلين و تدورين اوميكا ٣ علمود يحجي و تفترين بيه بالاطباء و المعاهد و دروس اللغه حتى يحجي !
اي التلفزيون ما يسوي توحد هذا اعترفلك بيه
بس يسوي اعراض تشبه التوحد
و منها انه الطفل ما راح يجاوبك
و لا راح يستجيب لحضنك
و لا راح ينطيك نظره الاهتمام
و لا راح يحب يلعب
و عدواني عدواني عدواني
و يكون لنفسه عالم خاص انطوائي بيه لعب و شخصيات مجسده بخياله
لا الادهى اللي فرحانه من امهات انه جهالها يسكتون ع التلفزيون
و راح تنطلق الأعذار
و عندي جهال يقرون
و عندي بيت انظفه
و عندي عيال
بس هذا المخلوق لعد ليش جبتيه اذا ناويه تسكتيه؟
الطفل السليم يلعب و يتحرك و يكسر و يسولف و بلا ملهيه بعد السته أشهر و يحرك ايده و يلعب مكعبات و يصعد درج و ينزل درج مو ينشمر على تلفزيون او ايباد
ملخص مفيد
تحت ١٨ شهر ممنوع التلفزيون
بعد ١٨ شهر إلى ٥ سنوات يشوف تلفزيون بيه محتوى تعليمي عالي مو اغاني مكرره تعزز من عزلته لوحده
نسخه منه لكل ام مخليه جهالها على التلفزيون من الصبح لليل بلا رقيب بلا حسيب
الله يخليك لا تنطيه الموبايل
الله يخليك العبي وياه و العب وياه
الله يخليك خليه يشخبط شخابيط و يرسم و علميه الالوان و الأسماء
الله يخليك اقريلهم قصه
ما عندك وقت ؟
لا تسوين طفل
د. سيف سمير البياتي اخصائي طب الاطفال باز کردن / نظر دهید

2022-02-03 22:24:52 ابني ما يحجي
و نادرا ما يكون بنتي ما تحجي
او تاخر بالكلام
تاخر الكلام من الاشياء المقلقه للام و الاب و حتى الطبيب
السؤال الشائع هو ابني عمره سنتين او ٣ سنوات و ما يكول بس ماما و بابا و احيانا يكولهن بدون قصد و لا على التعيين
هل ابني فعلا متاخر في الكلام او لا ؟
الاجابة اي نعم متاخر طبعا
بس اريد تجاوبيني
لما تصيحيه يجاوبك ؟
هل ينفذ اوامرك ؟
لما تصيحيه يجاوبك ؟
لما يريد شغله ياخذ ايدك و يكولك اريد فلان شي و فلان شي ؟
عالكتله التلفزيون ٢٤ / ٢٤ ساعة ؟
اكو مشاكل بالولادة او بعدها؟
اكو تاخر ببقية الفعاليات مثل الجلوس او الوقوف او المشي ؟
ممكن هذا ينطينا فكرة عن سلوكيات الطفل النفسية و العصبية
صدك التلفزيون ياثر على الكلام؟
طبعا
عندي بوست طويل عريض عن هذا الموضوع و مؤكد بالبحوث النفسيه على مئات الاطفال
ملخصها انه تخلين طفلك مستلم فقط
يسمع اللي يكوله اله هذا الجهاز و بدون رد
بعد عليمن يحجي!!!
ماكو تلفزيون او شاشه تحت ١٨ شهر
انسوا
لا من ياكل و لا من يشرب و لا لاي حجه
راح يكولن مو كبرتوا و ما صار شي كالعادة
اي صح كبروا و ما صار شي
بس هل قبل مثل هسه دا تسمعون مشاكل نفسية عند الاطفال ؟
الجواب لا طبعا
لذلك بلا تلفزيون و بلا تلفون و لا ايباد تحت ١٨ شهر
نجي لعمر بعد ١٨ شهر
هذوله نكعد وياهم و نكوللهم شدا يصير و نسولف عن شنو دا يسولف التلفزيون
زائد نختارلهم محتوى تعليمي عالي
عدهم يكولون برنامج افتح يا سمسم النسخه الامريكيه
اللي هو يشبه جدا افتح يا سمسم العربي
هسه تاكدنا ان الطفل طبيعي و مجرد متاخر بالكلام
شنو اسوي؟
١. سجليه حضانة او روضه حتى لو عمره سنتين ليش لا
٢. استغلي كل مكان للكلام مع الطفل
٣. الطفل يتعلم من ابوه اكثر مما يتعلم من امه ابدي طلعات و استغل الطلعات بالكلام
٤. مع السلامه تلفزيون و موبايل و ايباد
٥. اوصفي كل شيء
هذه الطماطه حمرة
هذا القلم اسود
هذا البيت كبير
هذه السيارة اكبر
٦. لا تجاوبين من ياشر
كوليله اي ابني شتريد ؟
لح كلش كولي مدا افهم
لا تستجيبن للغة الاشارة او اخري الاستجابة
٧. اطلبي منه هوايه
افتح الباب
جيب المفتاح
اكعد
اوكف
اصعد
انزل
٨. غني
يحبون اللحن
غني الكلمات بلحن
٩. طلعه الشارع اكبر مجال تعليمي
هذا رجال
هذه سيارة
هذة شجرة
١٠. اختاري العاب محفزه للعقل مو العاب بس صوره او بس صوت و بدون اي محتوى تعليمي للطفل
المكعبات مثلا او الحزورات مثال اخر
١١. الدفاتر المصورة رائعه و هي عبارة عن دفاتر بيها صور حيوانات و اشجار و ارقام
د. سيف سمير البياتي
أخصائي طب الاطفال.
https://t.me/Child_rearing7770 باز کردن / نظر دهید

2022-02-03 22:24:00 1-Loratidine
2-Centrum
3-Panadol joint
4-Fluconazole
5-Suprax(Cefixime)
6-Flagyl(Metronidazole)
7-Nystatin+Fugidin
8-Vit D3 باز کردن / نظر دهید

2022-02-03 08:13:48 باز کردن / نظر دهید