:صراحة لان لازم بالاول تروح للدكتور وبعدين نعرف شنو طبيعة الفقدان العندك نخاف نحجي وياك شي و خاف هذا الشي يضر بيك انطينه مجال احنه علاقتنه كلش حلوه و اطفال ما جنه نريد يعني ما مستعجلين انت معتبرني اني طفلتك واني گتلك احنه جنه عايشين مثل الاصدقاء حياتنه هواي حلوه عفته وطلعت انطيته ليث الامي و لميت السفره ع سريع وطلعت صعدت النمارق احس بتأنيب الضمير هيه ما تتركني بأزماتي بس اني جاي اتركها بس شسوي هو اليوم بسرعة يخلص بين الشغل و هيثم احس ينتهي بالليل بس اريد انام فتحت الباب لگيتها تبجي ايي مو كافي راح يصير شهر بس بجي وحابسة روحج هنا طلعي من هاي العزله نزلي يمنه نسولف اني وياج نحجي عن اي شي تردين بس كاافي بجي
گلتلي بحسره :اجتي الدوره اسيا
: ايي وليش ضايججه بالعكس فرحي باوعتلي بغضب و گلتلي ايي شعليج زوجج ويمج وتكدرين تصيرين ام و حياتكم ماشيه
:ايي صحيح حياتنه هيج تركض ركض بس بالوجع مو بالشي الانتِ متخيلته زوجي التحجين عنه هو اخ مده ٣٣ سنه بالنسبه الي وقبل سنه صار زوجي وما بينه شي الحد هسا وهسا فاقد الذاكره ويريد يعرف شنو علاقتنه ويريد يعرف ليش ما عدنه اطفال ويريد يعرررف كلشيي امسسس لزم ايدي وباسها و اني داتگطع ما اعرف اسكت احجي الطم ابجيييي شسوووي ضايعه ع الاقل انتِ امر صار وقع الا انييي بعدني بدوامه اتمنى اني امووت واخلص
وفوگ هذا كله انييي فرحانه انتِ مو حامل لأن خطيه ينولد يتيم مثلي بابا عزيز رباني و ما ممكن الگه مثلهم ام واب بس انيي ادور بالوجوه شخص يشبه عمه فاتن شخص يعرف سيف انسان يوصلني المكان جانوا بي ع الاقل اتخيلهم اذا ما اوصللهم شنو ذنبه طفل ينولد بدون اب وشنو ذنبج تخلصين عمرج بحسره تباوعيله و تذكرين وتنقهرين
سبوعين لخ مروا ابوي وامي وانوار كل خميس يرحون البيت عمي امير و بالليل تجي وياهم زوجة عمي امير يم نمارق تظل يسولفن ويبجن و يضحكن هم سوه المرأه اكثر وحده تساعدنه بموضوع نمارق
سٱلتها عن علي گالت : زين بس البلاتين الي برجله ديوجعه حيل و هاي الايام بارده يصل عليه الحد ما ندفي ياله شوي يتحسن بس سوده عليه اربعه وعشرين ساعه ساكت شگد نحجي ويا على گد السوال يجاوب
اسيا : الله يريح گلبه وباله....
ابوي وابوي قرروا ياخذَن هيثم للدكتور للدكتور جان الدكتور يم مستشفى الكندي الكل مدح بي وبالمستشفى احد الاطباء هو الرشحة البابا بس اني گتلهم اجلوا هسا لأن هو ما گادر يتحرك ولا بأي شكل من الاشكال ومن نحطه ع الكرسي يظل يصرخ من الوجع شلون يتحمل يروح وينتظر ويرجع همه هم استمعوا الي
فرجت اسناني وصعدت لبست ملابس نظيفة فتحت باب الغرفه على نمارق گاعده تگلب بتليفونها اني رايحة انام تردين مني شي؟