اسيا _ضربة بابا عزيز كففف حتى ولدي بقو يبجون من گد ما جان قوي | قصص💜✨
اسيا _ضربة بابا عزيز كففف حتى ولدي بقو يبجون من گد ما جان قوي ويفزز گله جاي تحجي وتلوومها وهيه رادت حق من حقوقها جاي تأذيها بكلامك لأن اضطرت تكذب عليك حتى تعيششش الحب وياك و الفيديو العدها اكبرر دليل على ان انت تريدهااا اسيا _تمنيت بلحضتها الگاع تنشگ وتبلعني تمنيت امووت ولا بابا عزيز هيج يحجييي سيف _كافي يا خوية احنه بديرة غرب و الفندق يعج بالعراقيين خليني بس اعرف هسا شنو الي يريده من بنتي حتى نخلص هيثم _ اريد ولدي وبسسس اسيا _اذا انت بس علمود ولدك رجعت ليش اخذت الورقة الوحيدة الي جانت تثبت زواجنا ما جاوبني باسهم وطلع اني اريده يطلگني وولده خلي يشوفهم براحته اني ما امنعه منهم عزيز _الي تردي يصير وانتِ حنان حسابج بعدددين حنان _ حقك عليه اسيا _بابا اذا تحبني ما تلوم ماما شنو ذنبها ام وگلبها يم ابنها وصار الصار واني راضيه اني هم غلطانه وجاي اتعاقب بسبب غلطي هذا هو الله يخليك خلاص امي لا تأذيها وتضوجها سيف _ يلا يابه اسيا خلي نرجع الغرفتنا اسيا _طلعت وي بابا هسا شنو يفكرني يفكرني اني وحده كل همي العلاقة والله استاهل اني هيج سويت بروحي واليجي من ايدة الله يزيده دخلت اولادي هو گاعد وساكت نومتهم وگتله تريد تحجي وياي؟ _لا يابه شحجي _اذا تريد تلومني لومني اني ادري غلطانة واتقبل حجيك _الومج لو الوم روحي الوصلتج الهنا اني ادري اهلي مو زينين بداية الزواج طردوني شلون ارجعلهم برجلية جان هسا انا وامج و ما صاير كل هذا _هذا بعد امر الله ولازم نشوفه لا تزعل اني قابله بكل الاني بي يكفيني انتوا سندي _تردين تطلگين؟ _اي احسن اخلصه مني واخلص منه _الله كريم اسيا _ما نمت طول الليل اجذب اذا ما تخيلت شكله وابتسمت واجذب اذا اگول گلبي ما دگ وما مشتاقه بس اكو شي اهم منهن منكسر وهو نكرانة الي طول هاي السنين ومن نعرف بأولادة خمس ايام ما صبر ليشش اني ما استاهل واحد يكافح علمودي راسلت نمارق وحجيتلها خطية بقت مصدومة گتلها اريد واحد يكافح على مودي مثل علي نمارق _شنو انتقلت العدوة الج اسيا _ههههههههه لا ما احسدج لا تخافين نمارق _ شلونج بعد ما شفتي _زينة جنود بداخلي تصده وجنود تهاجم ناس تريد تروحله وناس تاخذني وتبعد هيج احس _وهو شنو رد فعله _ما احسه مشتاقلي ولا يريدني وولا اصلاََ مهتملي انا و العدم واحد _لا مستحيل يجوز يظهر هيج بس _لا والله صحيح لأن بدل ما اشوفه ندمان يلومني الي _اييي شكو بيها انتِ هم ما مقصرة مجذبة علية اسيا _وهو هم ما قصر اربع سنين اختفى بعد شگد يريد خلاص نونو ما اريد احجي بالموضوع كامت اصبر بيه وبعدها راحت تنام اني هم طفيت التليفون ونمت الصبح لازم نطلع وياهم لازم شوي ارتاح گعدني بابا وگال اني نازل اتريگ ع سريع گعدي ولدج ونزلي حتى نطلع وياهم ع سريع گمت غسلت و گعدتهم بدلتلهم وبدلت ونزلت لگيته كدامي واگف ينتظرني مسافة بيناتنه وتركتهم ورحت يم ماما وبابا مجاهلته ميه بالميه ماما گامتلي تطلب مني اقبل يجي يتريگ ويانه _اني ما عندي شكال بس شوفي بابا عزيز حنان _عادي هيثم يجي يتريگ يمنه خطيه يگعد وحده رائد _يابه فكوها شوي الصار صار و الولد صارله خمس سنين وحده ما گلنه صلحوا كلشي بس والله طكت روحي ابحدي اريده يرجع وياي عزيز _ ها يابه اسيا اسيا&ما عندي شكال اصلاََ لا تاخذ رأيي بأي شي يخصه اني ما يهمني ووجوده وعدمه واحد تگومون ناخذ من هذا البوفية العامر لو اگوم وحدي عزيز _جاي وياج اسيا _گمنه وبابا سيف ويانه وماما بسرعة گامت صاحتله جبت اكل اولادي وياي وگعدت گشرت البيض وكصصته وكمت اوكلهم هيثم _يابه انت شنو ناوي تسوي هسا عزيز _بشنو يخصك الي تريد نسوي انت انسان عزلت نفسك عنه هيثم _اني ما عزلت نفسي عنكم اني ما گدرت وبعدت احسن ما نبقه وأذي غيري وياي عزيز _ليش يعني ما اذيتها بالسويته خلصت حملها وحدها وولادتها و تلث سنين وي اولادك. صارتلهم الام والاب وانت وين ماكوو هيثم _ هسا ولدي صاروا يمي و اريحها منهم اسيا_اني فقط اسمع لا اجاوب ولا ابين اي رد فعل مني سيف _ ما محتاجتك هيه تعودت تربيهم وحدها ظهورك المتأخر ما ينفع يا ابني _ما جنت اعرف عمي لو اعرف ما اتركهم لحضه اسيا _ خلصت اكلهم جبت البريده وخليت بيها شرايح الجبن و كلاص الجاي و كمت اكل واباوع للناس الحولي والاغلب عراقيين عزيز _اني منا اريد اطلع الاي دولة اوربية هيثم _وليش تركت العراق يابه؟ _ما مرتاح هناك _ليش ما مرتاح شنو الصاير مأذيك احد؟ _اييي مأذيني _شنو الي مأذيك؟ _اسيا متأذيه هواي لأن اولادها مو بأسمها وعرفت بأوربا يصير الام بعد ما تاخذ الجنسية تسمي اولادها بأسمها وجبتها هنا حتى يصيرون بأسمها