هيثم _ لك امس نسيت اجيب شي خلي ياكلون الجهال وهسا اطلع اشوف بل | قصص💜✨
هيثم _ لك امس نسيت اجيب شي خلي ياكلون الجهال وهسا اطلع اشوف بلكت واحد مفتح اكو واحد باسكتاني هنا بلكت الله هادي و فاتح السوبر ماركت عزيز _صباح الخير شنو دسوون خويت من الجوع هيثم _لا بعد ما بيها مجال خلي اطلع ع سريع اسيا _جانن سبع قطع من گليتهن تذكرت هنا مو كلشي حلال گتله هذا الاكل حلال لو شنو؟ _اي من المحلات العربية اشتري يجي من الامارات و ايران لا تخافين _خليت الولدي كل واحد قطعتين وابن رائد ثنين و السابعة انطيتها الرائد هاك حبيبي اكلها صبر روحك _والجهال؟ _انطيتهم اكل اكل لا تهتم انوار _عيني لا تگليله حبيبي هيثم ميقبل يغار طلع ورجع ما لگه ولا سوبر ماركت مفتوح بقينه ننتظر الحد ما صارت ساعة ٧ وطلع نص ساعة ورجع جايب كلشي ويا سويت اني وانوار الريوگ تريگنه و گمنه نرتب المكان صار ت هوسه مدنگدر نتحرك رتبنه المكان وانوار كل شوي تگلي خلي نطلع نشوف من امس ردت اطلع بس رائد تعبان آسيا _اني هم اريد اطلع بس اخاف نتيه. _وين رايحين ونتيه ننزل بس يم العماره ونرجع _يلا نعوف الجهال يم ماما وننزل ع سريع لبست حجابي ونزلت الجو صافي حلو بس بارده تموت بقينه نراوح بمكانة نخاف ننسة يا عماره النه لأن يتشابهن گالت انوار _ما تحمل نزل وراج _التفتت لگيته واكف ومجتف ايدي ويباوعلنا خلي نصعد اجينه نصعد سد عليه الطريق اهووو هيثم وخرر _وين اوخررر مو حان الوقت _الشنوو؟ _نحجي اسيااااا نحجيييي _ما اريد احجي ولا اريد اسمع منك كلمة _ليششش ما تردين تسمعين مني تره مو بس انتِ الضحية اسيا_ اذكر ضياء جان يجيب اكل و ملابس انت عبالك اديت الواجب اتجاهي بهاي الامور؟ _لاا اني ما جنت هيج اسوي حتى ادي واجبي اني بس ردت اكون وياكم بأي طريقة من الطرق _خليك وي اهلك هيثم انييي وياك ايي شي ما يربطنا غير زيد وزين والك مطلق الحرية وقت ما تحب تشوفهم تشووفهم _خلي نروح الهذيج الحديقة نحجي هنا باب عماره _ما اريد احجييي وياك جر ايدي وعبرني الشارع وگال مو بكيفج _ بعد شنو تريد تحجي شو كلشي واضح انت ما ردتني رجعتلك الذاكرة وسافرت و هسا عرفت عندك اطفال رجعت الحياتنا وانتهت شنو اليحتاج تحجي بعد _يعني فسرتي بُعدي لأن ما ردتج؟ _لعد الشنو يعني اكو فد سبب ثاني _اييي _الي هو؟ _اسيا اني من تزوجتج ما اگلج رغبتج بسرعة لا اكذب عليج بس بمرور الاشهر ووجودج بغرفتي كمت اكره الساعة الي تركيني بيهااا كمت اريدج بكل جوارحي حتى بحلمميييي تطلعيلي جنت اريدج اريد اعيش وياج مثل اييي ثنين مزوجين بس هذاا العقل رفض واخجل تذكرين من طفيت الضوا و اجيت اتقربلج وما گدرت لأن ما گدررررت من اباوع لعيونج اگول لااا عيب شتگول عليك واذا تقربتلها الناس تگول مدام تمم زواجة يعني هو من جان يعرف اخته خال عينه عليها صرت بين نارين نار مشاعري اتجاهج ونار بين كلام الناس ونظرتج الي بالرغم ادري بيج ترديني _بس المفروض من وعيت ورجعت الذاكرة تعرف السوينا لازم نتحمله مو ننهزم _نهزمت النفس السبب تره اني رجعت وره شهر رجعت ووگفت يم باب البيت بس روحي تگلي يعني شنو تحب اختك تحب الانسان الي الله حرمها عليك وبستها وتقربتلها اسيا _ اني مالي ذنب بهذا كلامك تركتني واني ٢٥ سنه وهسا راح اصير ٣٠ اذا انت هيج تگول ليش اخذت ورقه السيد جان تركتها وخليتنه ننفصل ليش تركتني معلگه وسنين من عمري راحت ما جاوبني هم شوو كل ما اسألك عن الورقه الاخذتها تسكت لو هيج بس انانية منك خذيتها جاوبني بتوتر وگال ما ادري بيها وي اوراقي جانت _جان رجعتها جان دزيتها بيد واحد جان رجعتها بأي طريقة من الطرق _خلاص اسيااا _انت الخلاص خلصني منك اعتقني انيي ما اريدك _اخذت الورقه لأن ما اگدر اسمع بيوم غيري اخذج هسا ارتاحيتي اسيا _وتتركني عادي؟ تعرفت اني شنووو عشت وحدييي ضميري اكلني واني الوم نفسي ع الساعة السلمت روحي الك تعرف من انوار تگلهم سترتها وخليت ولدها بأسمها هاي بگلبي تحرگ تعرف من بابا عزيز يگعد ويگلهم هذا ابوكم بس مسافر وان شاء الله يرجع بأقرب وقت تعررررف يعني شنووو اني يوميا ابجي ما اگول غير عسا ربي يحرگ كلبك مثل ما حرگت كلبي وتركتني للشمات حضني ودفعته لا تلمسننني هيثم اني مااا اريدددك واضح تركته و صعدت للعماره نسيت احنه يا طابق وشگد رقم الشقة بقيت اباوع للاحذية الي بالباب ياله عرفت شقتنا انوار _شنو حجيتوا سولفيلي باسج قبلتي موو راح تبقين يمه صحيح _سكتني عني انوار تره مالي خلگج عزيز _ شبيج؟ _لا ما بيه شي لا ينشغل بالك شوي بس تعبت من درج لأن تيهت الشقة دخل وراي وگعد گبالي تركته وجاهلته حنان _بيناتكم حرب عالمية بس اطفالكم مالهم ذنب
